ಉಕ್ರೇನ್ ಅಧ್ಯಕ್ಷ ಸ್ಥಾನಕ್ಕೇರಿದ 'ಕಾಮಿಡಿಯನ್' ವೊಲೊದಿಮರ್
ಕೀವ್, ಏಪ್ರಿಲ್ 22: ಉಕ್ರೇನಿನ ಜನಪ್ರಿಯ ಹಾಸ್ಯನಟ ವೊಲೊದಿಮರ್ ಝೆಲೆಸ್ಕಿ ಅವರು ಅಧ್ಯಕ್ಷೀಯ ಚುನಾವಣೆಯಲ್ಲಿ ಜಯ ಸಾಧಿಸಿ, ಇತಿಹಾಸ ನಿರ್ಮಿಸಿದ್ದಾರೆ. ಯಾವ ರಾಜಕೀಯ ಅನುಭವಿಲ್ಲದೆ, ಜನ ಬೆಂಬಲದಿಂದ ಉನ್ನತ ಹುದ್ದೆಗೇರಿ, ಸಂಚಲನ ಮೂಡಿಸಿದ್ದಾರೆ.
ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ
ವೊಲೊದಿಮರ್ ಅವರು ಶೇ 73 ಮತಗಳನ್ನು ಪಡೆದರೆ, ಹಾಲಿ ಅಧ್ಯಕ್ಷ ಪೆಟ್ರೊ ಪೊರೊಶೆನ್ಕೊ ಅವರು ಕೇವಲ 24% ಪಡೆದು ಹಿನ್ನಡೆ ಅನುಭವಿಸಿದ್ದಾರೆ. ಚಲಾಯಿತ ಮತಗಳ ಪೈಕಿ ಶೇಕಡ 42ರಷ್ಟು ಮತಗಳ ಎಣಿಕೆ ಸಂದರ್ಭದಲ್ಲೇ ಈ ರೀತಿ ಮುನ್ನಡೆ ಗಳಿಸಿ ಜಯ ದಾಖಲಿಸಿದ್ದಾರೆ.
ಯುರೋಪಿಯನ್ ಕೌನ್ಸಿಲ್ ಮುಖ್ಯಸ್ಥರ ಟ್ವೀಟ್ ಪ್ರತಿಕ್ರಿಯೆ:
A decisive day for Ukraine. Free elections and peaceful change of power = strong Ukrainian democracy. Congratulations to Volodymyr Zelensky. The EU is determined to continue its support.
— Donald Tusk (@eucopresident) April 21, 2019
ಅಡಳಿತ ವಿರೋಧಿ ಅಲೆ, ಭ್ರಷ್ಟಾಚಾರ ಹಾಗೂ ಪೂರ್ವ ಉಕ್ರೇನ್ನಲ್ಲಿ 13 ಸಾವಿರ ಜೀವಗಳನ್ನು ಬಲಿಪಡೆದ ರಶ್ಯ ಬೆಂಬಲಿತ ಪ್ರತ್ಯೇಕತಾವಾದಿಗಳ ಯುದ್ಧದಿಂದ ಹತಾಶರಾಗಿ ಜನತೆಗೆ ಹಾಸ್ಯನಟ ವೊಲೊದಿಮಿರ್ ಮೇಲೆ ಭರವಸೆ ಮಾಡಿದೆ.
"ಸರ್ವೆಂಟ್ ಆಫ್ ದ ಪೀಪಲ್" ಧಾರಾವಾಹಿಯಲ್ಲಿ ನಟಿಸಿದ್ದ ವೊಲೊದಿಮಿರ್ ಅವರು, ಆ ಟಿವಿ ಸರಣಿಯಲ್ಲಿ ಆಕಸ್ಮಿಕವಾಗಿ ಉಕ್ರೇನಿನ ಅಧ್ಯಕ್ಷರಾಗುತ್ತಾರೆ. ಈಗ ಆ ಪ್ರಹಸನವೇ ನಿಜವಾಗಿದೆ. 45 ದಶಲಕ್ಷ ಜನಸಂಖ್ಯೆಯನ್ನು ಉದ್ದೇಶಿಸಿ 'ನಿಮ್ಮನ್ನು ಎಂದೂ ಕಡೆಗಣಿಸುವುದಿಲ್ಲ" ಎಂದು ಸಂಭ್ರಮಾಚರಣೆ ವೇಳೆ ಹೇಳಿದ್ದಾರೆ.
ಕಾಮಿಡಿಯನ್ ಆದರೂ ವಕೀಲ ವೃತ್ತಿಯಲ್ಲಿ ತರಬೇತಿ ಪಡೆದಿದ್ದಾರೆ. ಪ್ರತ್ಯೇಕತಾವಾದಿಗಳ ಜತೆ ಶಾಂತಿ ಮಾತುಕತೆ ನಡೆಸುವುದಾಗಿ ಘೋಷಿಸಿದ್ದಾರೆ.