ಜರ್ಮನಿಯ ಹಾಲೆ ನಗರದಲ್ಲಿ ಗುಂಡು ಹಾರಿಸಿ ಇಬ್ಬರ ಹತ್ಯೆ
ಬರ್ಲಿನ್, ಅಕ್ಟೋಬರ್ 9: ಜರ್ಮನಿಯ ಹಾಲೆ ನಗರದಲ್ಲಿ ಬುಧವಾರ ಗುಂಡು ಹಾರಿಸಿ, ಇಬ್ಬರನ್ನು ಕೊಲ್ಲಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಗುಂಡು ಹಾರಿಸಿ, ಹತ್ಯೆ ಮಾಡಿದ ನಂತರ ಆರೋಪಿಗಳು ಪರಾರಿ ಆಗಿದ್ದಾರೆ. "ಪ್ರಾಥಮಿಕ ಮಾಹಿತಿ ಪ್ರಕಾರ, ಹಾಲೆಯಲ್ಲಿ ಇಬ್ಬರು ಸಾವನ್ನಪ್ಪಿದ್ದಾರೆ. ಹಲವು ಸುತ್ತು ಗುಂಡು ಹಾರಿಸಲಾಗಿದೆ. ಆ ನಂತರ ಶಂಕಿತರು ಕಾರಿನಲ್ಲಿ ಪರಾರಿಯಾಗಿದ್ದಾರೆ" ಎಂದು ಪೊಲೀಸರು ಟ್ವೀಟ್ ಮಾಡಿದ್ದಾರೆ.
A shooting has been reported in Halle,Germany. At least 2 people have been killed and the situation is still active#Germany #Halle pic.twitter.com/qnudZSXqdK
— CNW (@ConflictsW) October 9, 2019
ಇನ್ನು ಮನೆಗಳಿಂದ ಹೊರಗೆ ಬಾರದಂತೆ ನಾಗರಿಕರಿಗೆ ಪೊಲೀಸರು ಸೂಚನೆ ನೀಡಿದ್ದಾರೆ. ಇನ್ನು ಸೆಂಟ್ರಲ್ ರೈಲು ನಿಲ್ದಾಣವನ್ನು ಮುಚ್ಚಲಾಗಿದೆ. ಈ ಪ್ರದೇಶದಲ್ಲಿ ಅಂಗಡಿಗಳನ್ನು ಮುಚ್ಚಲಾಗಿದೆ.
ಮಾಧ್ಯಮವೊಂದರ ಪ್ರಕಾರ, ಪಾಲಸ್ ಜಿಲ್ಲೆಯ ಯಹೂದಿಗಳ ಶ್ರದ್ಧಾ ಕೇಂದ್ರದ ಎದುರು ಗುಂಡಿನ ಮೊರೆತ ಮೊದಲಿಗೆ ಕೇಳಿಬಂತು. ಇನ್ನು ಯಹೂದಿಗಳ ಸ್ಮಶಾನದ ಮೇಲೆ ಹ್ಯಾಂಡ್ ಗ್ರೆನೇಡ್ ತೂರಲಾಗಿದೆ. ಈ ಸುದ್ದಿ ಬಗ್ಗೆ ಪೊಲೀಸರು ಯಾವುದೇ ಖಾತ್ರಿ ಮಾಹಿತಿ ನೀಡಿಲ್ಲ.