ಕೊರೊನಾ ವೈರಸ್ ನಿವಾರಣೆಗೆ 3 ಸಾವಿರ ವರ್ಷಗಳ ಹಿಂದಿನ ಚಿಕಿತ್ಸಾ ಪದ್ಧತಿ
ಬೀಜಿಂಗ್, ಫೆಬ್ರವರಿ.16: ಚೀನಾದಲ್ಲಿ ಮರಣ ಮೃದಂಗ ಬಾರಿಸುತ್ತಿರುವ ಕೊರೊನಾ ವೈರಸ್ ಸೋಂಕು ನಿವಾರಣೆಗೆ 3 ಸಾವಿರ ವರ್ಷಗಳ ಹಿಂದಿನ ಚಿಕಿತ್ಸಾ ಪದ್ಧತಿಯನ್ನು ಅನುಸರಿಸಲು ಚೀನಾ ಸರ್ಕಾರವು ಮುಂದಾಗಿದೆ.
ಡ್ರ್ಯಾಗನ್ ರಾಷ್ಟ್ರದಲ್ಲಿ 3 ಸಾವಿರ ವರ್ಷಗಳ ಹಿಂದೆ ಅನುಸರಿಸುತ್ತಿದ್ದ ಚೀನಾ ಸಾಂಪ್ರದಾಯಿಕ ಚಿಕಿತ್ಸಾ ಪದ್ಧತಿಯನ್ನು ಅಳವಡಿಸಿಕೊಂಡು ಮಾರಕ ಸೋಂಕು ನಿವಾರಣೆಗೆ ಸರ್ಕಾರವು ಕ್ರಮ ತೆಗೆದುಕೊಂಡಿದೆ ಎಂದು ಹಿರಿಯ ವೈದ್ಯ ವಾಂಗ್ ಹೆಶಾಂಗ್ ತಿಳಿಸಿದ್ದಾರೆ.
Coronavirus: ಚೀನಾದಲ್ಲಿ ಚಿಕಿತ್ಸೆ ನೀಡಿದ 1700 ವೈದ್ಯರಿಗೇ ಸೋಂಕು
ಪಾಶ್ಚಾತ್ಯ ವೈದ್ಯಕೀಯ ಚಿಕಿತ್ಸಾ ಪದ್ಧತಿಗಿಂತಲೂ ಚೀನಾದ ಪುರಾತನ ಸಾಂಪ್ರದಾಯಿತ ಚಿಕಿತ್ಸಾ ಪದ್ಧತಿ(TCM)ಯು ಹೆಚ್ಚು ಪರಿಣಾಮಕಾರಿಯಾಗಿದೆ. ಈ ಹಿನ್ನೆಲೆಯಲ್ಲಿ ಟಿಸಿಎಂ ಚಿಕಿತ್ಸಾ ಪದ್ಧತಿಯಲ್ಲಿ ನುರಿತ ಹಿರಿಯ ವೈದ್ಯರನ್ನು ಕೊರೊನಾ ವೈರಸ್ ಗೆ ಚಿಕಿತ್ಸೆ ಮತ್ತು ಔಷಧಿ ಪತ್ತೆಗೆ ಸಂಶೋಧನೆಗೆ ನಿಯೋಜಿಸಲಾಗಿದೆ ಎಂದು ವಾಂಗ್ ಹೆಶಾಂಗ್ ತಿಳಿಸಿದ್ದಾರೆ.
ಚೀನಾದ ಹುಬೈ ನಗರಕ್ಕೆ 2,200 ತಜ್ಞ ವೈದ್ಯರ ತಂಡ:
ಚೀನಾದಲ್ಲಿ ಕೊರೊನಾ ವೈರಸ್ ನಿಂದ 1,665 ಮಂದಿ ಪ್ರಾಣ ಬಿಟ್ಟಿದ್ದು, 70 ಸಾವಿರಕ್ಕೂ ಅಧಿಕ ಜನರಲ್ಲಿ ಸೋಂಕು ತಗಲಿರುವ ಬಗ್ಗೆ ತಿಳಿದು ಬಂದಿದೆ. ಈ ಪೈಕಿ ಹುಬೈ ನಗರ ಒಂದರಲ್ಲೇ 15 ಸಾವಿರಕ್ಕೂ ಅಧಿಕ ಜನರಲ್ಲಿ ಸೋಂಕು ಪತ್ತೆಯಾಗಿದೆ. ಹೀಗಾಗಿ ಟಿಸಿಎಂ ಚಿಕಿತ್ಸೆಯಲ್ಲಿ ನುರಿತರಾದ 2,200 ವೈದ್ಯರ ತಂಡವನ್ನು ಹುಬೈ ನಗರಕ್ಕೆ ಕಳುಹಿಸಿಕೊಡಲಾಗಿದೆ.