ಸಮಸ್ಯೆ ಅಮೆರಿಕದ ಗನ್ ನಿಯಮದ್ದಲ್ಲ, ಮಾನಸಿಕ ಅಸಮತೋಲನದ್ದು: ಟ್ರಂಪ್
ಟೋಕಿಯೋ, ನವೆಂಬರ್ 07: ಸಮಸ್ಯೆ ಇರುವುದು ಅಮೆರಿಕದ ಗನ್ ನಿಯಮದ್ದಲ್ಲ, ಆದರೆ ಅಂಥ ವ್ಯಕ್ತಿಗಳ ಮಾನಸಿಕೆ ಅಸಮತೋಲನವೇ ಇಂಥ ಘಟನೆಗಳಿಗೆ ಕಾರಣ ಎಂದು ಟೆಕ್ಸಾಸ್ ನಲ್ಲಿ ನಡೆದ ಶೂಟೌಟ್ ಕುರಿತು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಫ್ ಪ್ರತಿಕ್ರಿಯಿಸಿದ್ದಾರೆ.
ವಿಶ್ವದ ದೊಡ್ಡಣ್ಣ ಅಮೆರಿಕವನ್ನು ನಡುಗಿಸಿದ ಆ 10 ಭೀಕರ ಶೂಟೌಟ್!
ಏಷ್ಯಾದ 5 ದೇಶಗಳ ಪ್ರವಾಸದ ಭಾಗವಾಗಿ ಜಪಾನಿಗೆ ಭೇಟಿ ನೀಡಿರುವ ಅವರು ಸುದ್ದಿಗಾರರೊಂದಿಗೆ ಮಾತನಾಡುತ್ತಿದ್ದರು. "ಅಮೆರಿಕದ ಗನ್ ನಿಯಮಗಳು ಸಡಿಲವಾಗಿಲ್ಲ, ಅಥವಾ ನಿಯಮದಲ್ಲಿ ಯಾವುದೇ ದೋಷವಿಲ್ಲ. ಆದರೆ ಕೆಲವು ವ್ಯಕ್ತಿಗಳ ಮಾನಸಿಕ ಆರೋಗ್ಯ ಸಮಸ್ಯೆ ಪರಾಕಾಷ್ಠೆಯ ಸ್ಥಿತಿ ತಲುಪಿರುವುದೇ ಈ ಎಲ್ಲ ಸಮಸ್ಯೆಗಳಿಗೆ ಕಾರಣ. ಇದು ನಿಜಕ್ಕೂ ಅತ್ಯಂತ ಬೇಸರದ ಸಂಗತಿ, ಹೀನಾಯ ಹೀನ ಘಟನೆ" ಎಂದು ಅವರು ಭಾವುಕರಾಗಿ ನುಡಿದರು.
ಟೆಕ್ಸಾಸ್ ಚರ್ಚ್ ನಲ್ಲಿ ಶೂಟೌಟ್ : ಕನಿಷ್ಠ 20 ಜನರ ಹತ್ಯೆ
ಇಂಥ ಘಟನೆಗಳನ್ನು ತಡೆಯಲು ನಾವೆಲ್ಲರೂ ಒಗ್ಗಟ್ಟಿನಿಂದ ಹೋರಾಡಬೇಕಿದೆ ಎಂದು ಇದೇ ಸಂದರ್ಭದಲ್ಲಿ ಅವರು ಹೇಳಿದರು.
ನ.5 ರಂದು ಅಮೆರಿಕದ ಟೆಕ್ಸಾಸ್ ನ ಚರ್ಚೆ ವೊಂದರಲ್ಲಿ ವ್ಯಕ್ತಿಯೊಬ್ಬ ನಡೆಸಿದ ಗುಂಡಿನ ದಾಳಿಯಲ್ಲಿ 25 ಕ್ಕೂ ಹೆಚ್ಚು ಮಂದಿ ಮೃತರಾಗಿದ್ದರು. ನೂರಾರು ಜನ ಗಾಯಗೊಂಡಿದ್ದರು.