ವಿಡಿಯೋ: ಬಾಂಬ್ ಸ್ಫೋಟದ ಭಯ ಹೋಗಲಾಡಿಸಲು ಮಗುವಿಗೆ ನಗುವಿನ ಪಾಠ!
ದಾಮಸ್ಕಸ್, ಫೆಬ್ರವರಿ.18: ಸಿರಿಯಾ.. ಬೆಳಗಾದರೆ ಬಾಂಬ್ ದಾಳಿ, ಸೇನೆ ಮತ್ತು ಉಗ್ರರ ನಡುವಿನ ಕಾದಾಟಕ್ಕೆ ಕೈಗನ್ನಡಿ ಎನ್ನುವಂತೆ ಇರುವ ಒಂದು ದೇಶ. ಈ ದೇಶದಲ್ಲಿ ಉಗ್ರರ ದಾಳಿಗೆ ಕಡಿವಾಣವೇ ಇಲ್ಲ. ಯಾವಾಗ ಎಲ್ಲಿ ಏನಾಗುತ್ತದೆ ಎಂಬುದೇ ತಿಳಿಯುವುದಿಲ್ಲ.
ಪ್ರತಿಕ್ಷಣವೂ ಭಯದಲ್ಲೇ ಜನರು ಜೀವನ ಸಾಗಿಸುವಂತಾ ಪರಿಸ್ಥಿತಿ ಸಿರಿಯಾದಲ್ಲಿದೆ. ಇದರ ಮಧ್ಯೆ ನಾಲ್ಕು ವರ್ಷದ ಪುಟ್ಟ ಮಗಳನ್ನು ಈ ಬಾಂಬ್ ಸ್ಫೋಟದ ಸದ್ದಿನಿಂದ ರಕ್ಷಿಸುವುದಕ್ಕೆ ತಂದೆ ಪಟ್ಟ ಹರಸಾಹಸ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.
ಪಾಕಿಸ್ತಾನ ಮಸೀದಿ ಬಳಿ ಬಾಂಬ್ ಸ್ಫೋಟ 7 ಮಂದಿ ಸಾವು, 20 ಮಂದಿಗೆ ಗಾಯ
ಸಿರಿಯಾದ ಸ್ಟ್ರಿಫ್ ಟೊರ್ನ್ ಪ್ರದೇಶದಲ್ಲಿರುವ ಅಬ್ದುಲ್ಲಾ-ಅಲ್-ಮೊಹಮ್ಮದ್ ಹಾಗೂ ಅವರ ನಾಲ್ಕು ವರ್ಷದ ಮಗಳು ಸೆಲ್ವಾ ನಗುನಗುತ್ತಿರುವ ವಿಡಿಯೋ ಇದೀಗ ಸಾಕಷ್ಟು ಸದ್ದು ಮಾಡಿದೆ. ಇದಕ್ಕೆ ಕಾರಣವೂ ಇದೆ.
ಮಗುವಿನ ಭಯ ಹೋಗಲಾಡಿಸಲು ನಗುವಿನ ಪಾಠ:
ಮನೆಯ ಸುತ್ತಮುತ್ತಲಿನಲ್ಲೇ ಬಾಂಬ್ ಸ್ಫೋಟ ಮತ್ತು ಗುಂಡಿನ ದಾಳಿಯ ಸದ್ದು ಮೊಳಗುತ್ತಿರುತ್ತದೆ. ಇದರಿಂದ ಮಗು ಭಯ ಪಡದಂತೆ ಅಬ್ದುಲ್ಲಾ-ಅಲ್-ಮೊಹಮ್ಮದ್ ವಿಭಿನ್ನ ರೀತಿಯ ಪಾಠ ಮಾಡಿದ್ದಾರೆ. ಬಾಂಬ್ ಸದ್ದು ಕೇಳಿದಾಕ್ಷಣ ನಗುವುದೇ ಒಂದು ಬಗೆಯ ಆಟ ಎಂದು ಮಗುವಿಗೆ ಸ್ವತಃ ತಂದೆಯೇ ಪಾಠ ಮಾಡಿದ್ದಾನೆ.
VÍDEO INSTAGRAM | Abdullah Mohammad ha convertit els sons de la guerra amb què conviuen diàriament la ciutat de Sarmada, a Síria, en un joc per a la seua filla Salwa.
— À Punt NTC (@apuntnoticies) February 18, 2020
📹 @alganmehmett
Més vídeos: https://t.co/oxMtw5Dlc5 pic.twitter.com/JmTLXS7i1L
ಇದರಿಂದ ಪ್ರತಿಬಾರಿ ಗುಂಡಿನ ಮೊರತೆ, ಬಾಂಬ್ ಸ್ಫೋಟದ ಸದ್ದು ಕೇಳುತ್ತಿದ್ದಂತೆ ಮಗುವು ನಗುವುದನ್ನು ಕಲಿತುಕೊಂಡಿದೆ. ಇದರಿಂದ ಮಗುವಿನಲ್ಲಿ ಭಯವನ್ನು ಹೋಗಲಾಡಿಸಬಹುದು ಎಂದು ತಂದೆ ಅಬ್ದುಲ್ಲಾ ಈ ಪ್ಲಾನ್ ಮಾಡಿದ್ದಾರೆ. ಇದೀಗ ತಂದೆ ಮತ್ತು ಮಗು ಸ್ಫೋಟದ ಬೆನ್ನಲ್ಲೇ ನಗುತ್ತಿರುವ ವಿಡಿಯೋವನ್ನು ಪತ್ರಕರ್ತ ಮೆಲ್ಮತ್ ಅಲ್ಗನ್ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದು, ಸಾಕಷ್ಟು ವೈರಲ್ ಆಗುತ್ತಿದೆ.