• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಶ್ರೀಲಂಕಾದ ಮೊದಲ ಉಪಗ್ರಹದ ಹೆಸರು 'ರಾವಣ-1'!

|

ಕೊಲಂಬೋ, ಜೂನ್ 20: ದ್ವೀಪ ರಾಷ್ಟ್ರ ಶ್ರೀಲಂಕಾ ತನ್ನ ಮೊದಲ ಉಪಗ್ರಹವನ್ನು ಗುರುವಾರ ಉಡಾವಣೆ ಮಾಡಿದೆ. ಅದಕ್ಕೆ ತನ್ನ 'ಹೀರೋ', ಹಿಂದೂ ಪುರಾಣ 'ರಾಮಾಯಣ'ದಲ್ಲಿ ಬರುವ ಖಳನಾಯಕ ರಾವಣನ ಹೆಸರಿಟ್ಟಿದೆ.

ಶ್ರೀಲಂಕಾದ ಇಬ್ಬರು ಸ್ಥಳೀಯ ಎಂಜಿನಿಯರ್‌ಗಳು ಈ ಉಪಗ್ರಹವನ್ನು ವಿನ್ಯಾಸ ಹಾಗೂ ಅಭಿವೃದ್ಧಿಗೊಳಿಸಿದ್ದಾರೆ. ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಿಂದ ಜಪಾನ್ ಮತ್ತು ನೇಪಾಳದ ಇತರೆ ಎರಡು ಉಪಗ್ರಹಗಳೊಂದಿಗೆ 'ರಾವಣ-1' ಅನ್ನು ಯಶಸ್ವಿಯಾಗಿ ಉಡಾವಣೆ ಮಾಡಲಾಗಿದೆ.

ಬೆಂಗಳೂರಿನಿಂದ ಶ್ರೀಹರಿಕೋಟಾಕ್ಕೆ ತೆರಳಿದ ಚಂದ್ರಯಾನದ ಲ್ಯಾಂಡರ್, ರೋವರ್

11.3 ಸೆಂ.ಮೀ. *10 ಸೆಂ.ಮೀ *10 ಸೆಂ.ಮೀ. ಅಳತೆ ಹಾಗೂ ಸುಮಾರು 1.05 ಕೆಜಿ ತೂಕವಿರುವ ಈ ಪುಟಾಣಿ ಉಪಗ್ರಹವನ್ನು ಸೋಮವಾರ ಶ್ರೀಲಂಕಾದ ಕಾಲಮಾನ ಮಧ್ಯಾಹ್ನ 3.45ಕ್ಕೆ ಉಡಾವಣೆ ಮಾಡಲಾಯಿತು.

ಜಪಾನ್‌ನ ಕ್ಯೂಷು ತಾಂತ್ರಿಕ ಸಂಸ್ಥೆಯಲ್ಲಿ ಎಂಜಿನಿಯರಿಂಗ್ ಅಧ್ಯಯನ ಮಾಡುತ್ತಿರುವ ತಾರಿಂದು ದಯಾರತ್ನೆ ಮತ್ತು ದುಲಾನಿ ಚಮಿಕ ಈ ಉಪಗ್ರಹವನ್ನು ಅಭಿವೃದ್ಧಿಪಡಿಸಿದ್ದಾರೆ.

ಬಾಹ್ಯಾಕಾಶದಲ್ಲಿ ತನ್ನದೇ ನಿಲ್ದಾಣ ಸ್ಥಾಪಿಸಲಿದೆ ಇಸ್ರೋ

ಶ್ರೀಲಂಕಾ ಮತ್ತು ಸುತ್ತಮುತ್ತಲಿನ ಪ್ರದೇಶಗಳ ಚಿತ್ರಗಳನ್ನು ಸೆರೆಹಿಡಿಯುವುದು, ಸೇರಿದಂತೆ ಐದು ವಿವಿಧ ಯೋಜನೆಗಳನ್ನು ಈ ಉಪಗ್ರಹ ನಿಭಾಯಿಸುವ ನಿರೀಕ್ಷೆಯಿದೆ. ಇದು ಕನಿಷ್ಠ ಒಂದೂವರೆ ವರ್ಷದ ಜೀವಿತಾವಧಿ ಹೊಂದಿದ್ದು, ಐದು ವರ್ಷದವರೆಗೂ ಬದುಕಬಲ್ಲದು.

ಈ ಉಪಗ್ರಹವನ್ನು ಫೆಬ್ರವರಿ 18ರಂದು ಜಪಾನ್ ಬಾಹ್ಯಾಕಾಶ ಸಂಸ್ಥೆಗೆ ಅಧಿಕೃತವಾಗಿ ಹಸ್ತಾಂತರಿಸಲಾಗಿತ್ತು. ಬಳಿಕ ಏಪ್ರಿಲ್‌ನಲ್ಲಿ ಐಎಸ್‌ಎಸ್‌ಗೆ ರವಾನಿಸಲಾಗಿತ್ತು.

English summary
Sri Lanka successfully launched its first satellite 'Ravana-1' on Monday from International Space Station.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X