9 ದಿನದಿಂದ ಗುಹೆಯಲ್ಲಿ ಸಿಲುಕಿದ್ದ ಫುಟ್ಬಾಲ್ ಆಟಗಾರರ ರಕ್ಷಣೆ
Recommended Video
ಚಿಯಾಂಗ್ ರೈ, ಜುಲೈ 3: ಥಾಯ್ಲೆಂಡ್ನ ಗುಹೆಯೊಂದರಲ್ಲಿ ಒಂಬತ್ತು ದಿನಗಳಿಂದ ಸಿಲುಕಿದ್ದ ಫುಟ್ಬಾಲ್ ತಂಡವೊಂದರ 12 ಬಾಲಕರು ಮತ್ತು ಅವರ ಕೋಚ್ ಅನ್ನು ರಕ್ಷಿಸಲಾಗಿದೆ.
ಥಾಯ್ಲೆಂಡ್ನ ವೈಲ್ಡ್ ಬೋರ್ ಎಂಬ ಫುಟ್ಬಾಲ್ ತಂಡದ 11-16ರ ವಯಸ್ಸಿನ ಬಾಲಕರು ಪ್ರವಾಸಕ್ಕೆಂದು ಜೂನ್ 23ರಂದು ಥಾಮ್ ಲುವಾಂಗ್ ನಂಗ್ ನಾನ್ ಎಂಬ ಗುಹೆಯೊಳಗೆ ಹೋಗಿದ್ದರು. ಆದರೆ, ಇದ್ದಕ್ಕಿದ್ದಂತೆ ಸುರಿದ ಭಾರಿ ಮಳೆಗೆ ಉಂಟಾದ ಪ್ರವಾಹದಿಂದಾಗಿ ಕತ್ತಲೆಯ ಗುಹೆಯಿಂದ ಹೊರಬರಲಾರದೆ ಸಿಲುಕಿಕೊಂಡಿದ್ದರು.
ಅಫ್ಘಾನಿಸ್ತಾನ: ಆತ್ಮಾಹುತಿ ಬಾಂಬ್ ದಾಳಿಗೆ 19 ಸಾವು
ಅವರ ಸಂಪರ್ಕ ಕಷ್ಟವಾಗಿದ್ದರಿಂದ ಮತ್ತು ವಿಪರೀತ ಮಳೆಯಿಂದಾಗಿ ಅವರ ರಕ್ಷಣೆಗೆ ಕಷ್ಟವಾಗಿತ್ತು. ಕೊನೆಗೆ ಅಮೆರಿಕ, ಚೀನಾ, ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ನ ಪರಿಣತರು ಹಾಗೂ ಥಾಯ್ ನೌಕಾ ಪಡೆಗಳನ್ನು ಒಳಗೊಂಡ ಅಂತರರಾಷ್ಟ್ರೀಯ ರಕ್ಷಣಾ ಕಾರ್ಯತಂಡ ಈ ಬೃಹತ್ ಗುಹೆಯನ್ನು ತಲುಪುವಲ್ಲಿ ಯಶಸ್ವಿಯಾಯಿತು.
Credit: FB Thai Navy Seal pic.twitter.com/nDZ7IkcNos
— 😆😊NongAnne😘😚ThisisLove (@A4Kanitha) 2 July 2018
ಪಟ್ಟಾಯ ಬೀಚ್ ಸಮೀಪದ ಈ ಗುಹೆ ಪ್ರವಾಹದಿಂದ ಜಲಾವೃತವಾಗಿತ್ತು. ಗುಹೆಯೊಳಗೆ ಸುಮಾರು 300-400 ಮೀಟರ್ ಪ್ರವೇಶಿಸಿದ ರಕ್ಷಣಾ ಪಡೆ 9 ದಿನಗಳಿಂದ ಆಹಾರ, ಗಾಳಿ ಬೆಳಕು ಇಲ್ಲದೆ ಒದ್ದಾಡುತ್ತಿದ್ದ ಬಾಲಕರನ್ನು ಪತ್ತೆಹಚ್ಚಿತು.
ಪ್ರವಾಹದಿಂದಾಗಿ ಈ ಬಾಲಕರು ಬದುಕಿರುವುದು ಸಾಧ್ಯವಿಲ್ಲ ಎಂಬ ಅನುಮಾನ ವ್ಯಕ್ತವಾಗಿತ್ತು. ಗುಹೆಯ ಕಡುಕತ್ತಲೆಯೊಳಗೆ ಹೇಗೋ ಜೀವ ಉಳಿಸಿಕೊಂಡಿದ್ದ ಬಾಲಕರು, ರಕ್ಷಣಾ ತಂಡವನ್ನು ನೋಡಿದೊಡನೆ ಖುಷಿಯಿಂದ ಕೂಗಿದರು.