ಲಾಹೋರ್ ಆತ್ಮಹತ್ಯೆ ದಾಳಿಗೆ 11 ಜನರ ಬಲಿ

ಪಾಕಿಸ್ತಾನದ ಲಾಹೋರ್ ಮುಖ್ಯಮಂತ್ರಿ ನಿವಾಸದ ಬಳಿ ಆತ್ಮಹತ್ಯಾ ಬಾಂಬ್ ದಾಳಿ. ಈ ಭಯೋತ್ಪಾದಕ ಕೃತ್ಯದಲ್ಲಿ 11 ಜನರು ಬಲಿ.

ಲಾಹೋರ್, ಜುಲೈ 24: ಪಾಕಿಸ್ತಾನದ ಪ್ರಮುಖ ನಗರವಾದ ಲಾಹೋರ್ ನಲ್ಲಿ ಸೋಮವಾರ (ಜುಲೈ 24) ಆತ್ಮಹತ್ಯಾ ದಾಳಿಯಾಗಿದ್ದು, ಅದರಲ್ಲಿ ಕನಿಷ್ಠವೆಂದರೂ, 11 ಜನರು ಸಾವನ್ನಪ್ಪಿದ್ದಾರೆಂದು ಅಲ್ಲಿನ ಪೊಲೀಸ್ ಇಲಾಖೆ ತಿಳಿಸಿದೆ.

ನಗರದ ಫಿರೋಜೇಪುರದಲ್ಲಿರುವ ಲಾಹೋರ್ ಮುಖ್ಯಮಂತ್ರಿ ಶಹಬಾಜ್ ಷರೀಫ್ ನಿವಾಸದ ಹತ್ತಿರದಲ್ಲೇ ಈ ಆತ್ಮಹತ್ಯಾ ದಾಳಿಯಾಗಿರುವುದು ಎಲ್ಲರಲ್ಲೂ ದಂಗು ಬಡಿಸಿದೆ.

ತನ್ನಲ್ಲಿನ ಭಯೋತ್ಪಾದನೆಯನ್ನು ಹತ್ತಿಕ್ಕಲು ಪಾಕಿಸ್ತಾನ ವಿಫಲವಾಗುತ್ತಿದೆ ಎಂದು ಅಮೆರಿಕವು ಪದೇ ಪದೇ ಆರೋಪಿಸುತ್ತಿರುವ ಬೆನ್ನಲ್ಲೇ ಇಂಥ ಘಟನೆಗಳು ನಡೆಯುತ್ತಿರುವುದು ಅಲ್ಲಿನ ಸರ್ಕಾರವನ್ನು ಇಕ್ಕಟ್ಟಿಗೆ ಸಿಲುಕಿಸಿದೆ.

English summary

11 people are confirmed dead and 30 injured in a powerful blast on Ferozepur road in Pakistan's Lahore, near the residence of Punjab chief minister Shahbaz Sharif.