• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮೆಕ್ಕಾ ಮಸೀದಿ ಮೇಲೆ ಉಗ್ರರ ದಾಳಿಗೆ ವಿಫಲ ಯತ್ನ

By ವಿಕಾಸ್ ನಂಜಪ್ಪ
|

ಜೆಡ್ಡಾ, ಜೂನ್ 24 : ರಂಜಾನ್ ಹಬ್ಬಕ್ಕೆ ಇನ್ನೂ ಎರಡೇ ದಿನ ಬಾಕಿ ಇರುವಾಗ ಜಗತ್ ಪ್ರಸಿದ್ಧ ಮೆಕ್ಕಾ ಮಸೀದಿ ಮೇಲೆ ಉಗ್ರರು ನಡೆಸಲು ಯತ್ನಿಸಿದ ಎರಡು ದಾಳಿಗಳನ್ನು ಶುಕ್ರವಾರ ವಿಫಲಗೊಳಿಸಲಾಗಿದೆ.

ಮೆಕ್ಕಾ ಮಸೀದಿ ಮೆಲೆ ಎರಡು ಪ್ರತ್ಯೇಕ ದಾಳಿಗಳು ಮತ್ತು ಜೆಡ್ಡಾದಲ್ಲಿ ಮತ್ತೊಂದು ದಾಳಿ ನಡೆಸಲು ಉಗ್ರರು ಹುನ್ನಾರ ನಡೆಸಿದ್ದರು ಎಂದು ಸೌದಿ ಅರೇಬಿಯಾದ ಆಂತರಿಕ ಸಚಿವಾಲಯದ ಭದ್ರತಾ ವಕ್ತಾರ ಮನ್ಸೌರ್ ಅಲ್-ತುರ್ಕಿ ಹೇಳಿದ್ದಾರೆ.

ರಂಜಾನ್ ತಿಂಗಳಲ್ಲಿ ಹೆಚ್ಚಾಗುತ್ತಿದೆ ಉಗ್ರರ ದಾಳಿ!

ಶುಕ್ರವಾರದ ಪ್ರಾರ್ಥನೆಗೆ ಬರುವ ಭಕ್ತಾದಿಗಳನ್ನು ಗುರಿಯಾಗಿಟ್ಟುಕೊಂಡು ದಾಳಿ ನಡೆಸಲು ಎರಡು ತಂಡಗಳು ಸಿದ್ಧವಾಗಿದ್ದವು. ಆದರೆ, ಸಕಾಲದಲ್ಲಿ ಭದ್ರತಾ ಸಿಬ್ಬಂದಿ ನಡೆಸಿದ ಕಾರ್ಯಾಚರಣೆಯಿಂದ ಭಾರೀ ಅನಾಹುತ ತಪ್ಪಿದೆ.

ಮೆಕ್ಕಾ ಮಸೀದಿಯ ಬಳಿಯಲ್ಲಿಯೇ ಮನೆಯೊಂದರಲ್ಲಿ ಮಾನವ ಬಾಂಬ್ ಅಡಗಿಕೊಂಡಿದ್ದ. ಭದ್ರತಾ ಸಿಬ್ಬಂದಿಗೆ ಈ ವಿಷಯ ತಿಳಿದು ಆತನನ್ನು ಸುತ್ತುವರಿಯುತ್ತಲೇ, ಅವರ ಮೇಲೆ ಗುಂಡು ಹಾರಿಸುತ್ತ, ತನ್ನನ್ನು ತಾನೇ ಉಡಾಯಿಸಿಕೊಂಡಿದ್ದಾನೆ.

ರಂಜಾನ್ ಮಾಸಕ್ಕೂ ಭಯೋತ್ಪಾದಕರ ದಾಳಿಗೂ ಇದೆಂಥ ನಂಟು?

ಈ ಘಟನೆಯಲ್ಲಿ ಓರ್ವ ಮಹಿಳೆ ಕೂಡ ಸೇರಿದಂತೆ ಐವರನ್ನು ಬಂಧಿಸಲಾಗಿದೆ ಎಂದು ಅಲ್ ಅರೇಬಿಯಾ ವರದಿ ಮಾಡಿದೆ. ಗುಂಡಿನ ಚಕಮಕಿಯಲ್ಲಿ ಐವರು ಭದ್ರತಾ ಸಿಬ್ಬಂದಿಗಳೂ ಗಾಯಗೊಂಡಿದ್ದಾರೆ.

ರಂಜಾನ್ ಮುನ್ನಾದಿನ ಇರಾಕಿನಲ್ಲಿ ಭೀಕರ ಹತ್ಯಾಕಾಂಡ

ಕಳೆದ ವರ್ಷ ಸರಿಯಾಗಿ ಇದೇ ಸಮಯದಲ್ಲಿ, ರಂಜನ್ ಮುನ್ನಾ ದಿನ ಇರಾಕಿನಲ್ಲಿ ಭಾರೀ ಬಾಂಬ್ ದಾಳಿ ನಡೆಸಲಾಗಿತ್ತು. ಆ ದಾಳಿಯಲ್ಲಿ 120ಕ್ಕೂ ಹೆಚ್ಚು ಜನರು ಪ್ರಾಣ ಕಳೆದುಕೊಂಡಿದ್ದರು. ಈಗಲೂ ಅದೇ ಹುನ್ನಾರ ಇಟ್ಟುಕೊಂಡು ದಾಳಿಗೆ ಯತ್ನಿಸಲಾಗಿದೆ.

English summary
Saudi Arabia has thwarted two major terror strikes on the Grand Mosque in Mecca. Security spokesperson of the Saudi Interior Ministry, Mansour al-Turki said two separate attacks were planned in Mecca and a third in Jeddah.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more