ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಅರಬ್ ಬಿಕ್ಕಟ್ಟು, ಕತಾರ್ ಜತೆಗಿನ ರಾಜತಾಂತ್ರಿಕ ಸಂಬಂಧಕ್ಕೆ ಬ್ರೇಕ್

By Sachhidananda Acharya
|
Google Oneindia Kannada News

ದೋಹಾ, ಜೂನ್ 5: ಮಧ್ಯಪೂರ್ವ ದೇಶಗಳಲ್ಲಿ ಮತ್ತೊಮ್ಮೆ ಬಿಕ್ಕಟ್ಟು ಉಲ್ಬಣಿಸಿದೆ. ಭಯೋತ್ಪಾದನೆಗೆ ಕತಾರ್ ಬೆಂಬಲ ನೀಡುತ್ತಿದೆ ಎಂಬ ಕಾರಣವನ್ನು ಮುಂದೊಡ್ಡಿ ಇತರ ಅರಬ್ ದೇಶಗಳಾದ ಸೌದಿ ಅರೇಬಿಯಾ, ಈಜಿಪ್ಟ್, ಬಹ್ರೇನ್ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ ರಾಜತಾಂತ್ರಿಕ ಸಂಬಂಧವನ್ನು ಕೊನೆಗೊಳಿಸಿವೆ.

ಕತಾರ್ ದೇಶ ಮುಸ್ಲಿಂ ಬ್ರದರ್ ಹುಡ್ ಸೇರಿದಂತೆ ಭಯೋತ್ಪಾದಕ ಸಂಘಟನೆಗಳಿಗೆ ಬೆಂಬಲ ನೀಡುತ್ತಿದೆ. ಜತೆಗೆ ಅರಬ್ ಪ್ರಾಂತ್ಯದಲ್ಲಿ ಅಸ್ಥಿರತೆ ಉಂಟು ಮಾಡುತ್ತಿದೆ ಎಂದು ಆರೋಪಿಸಿ ಈ ದೇಶಗಳು ಕತಾರ್ ಜತೆಗಿನ ಸಂಬಂಧ ಮುರಿದುಕೊಳ್ಳಲು ನಿರ್ಧರಿಸಿವೆ.

Saudi Arabia, Egypt, Bahrain and the UAE cut diplomatic ties with Qatar

ಸೌದಿ ಅರೇಬಿಯಾ ತನ್ನ ಗಡಿ, ವಾಯು ಮಾರ್ಗ ಮತ್ತು ಜಲ ಮಾರ್ಗಗಳನ್ನು ಕತಾರ್ ಪಾಲಿಗೆ ಮುಚ್ಚಿದೆ. ದೇಶವನ್ನು ಭಯೋತ್ಪಾದನೆಯಿಂದ ರಕ್ಷಿಸುವುದೇ ಈ ನಿರ್ಧಾರಕ್ಕೆ ಕಾರಣ ಎಂದು ಸೌದಿ ಹೇಳಿದೆ.

ಇನ್ನು ಈಜಿಪ್ಟ್ ಕೂಡಾ ತನ್ನ ವಾಯುಮಾರ್ಗ ಹಾಗೂ ಬಂದರುಗಳನ್ನು ಕತಾರ್ ಪಾಲಿಗೆ ಮುಚ್ಚಿದೆ. ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಕತಾರ್ ರಾಜತಾಂತ್ರಿಕ ಸಿಬ್ಬಂದಿಗಳಿಗೆ ದೇಶ ಬಿಡಲು 48 ಗಂಟೆಗಳ ಗಡುವು ನೀಡಿದೆ. ಬಹ್ರೇನ್ ಕೂಡಾ ರಾಯತಾಂತ್ರಿಕ ಸಿಬ್ಬಂದಿಗಳನ್ನು ಜಾಗ ಖಾಲಿ ಮಾಡಲು 48 ಗಂಟೆಗಳ ಸಮಯ ನೀಡಿದ್ದು ಕತಾರ್ ನಾಗರಿಕರು 14 ದಿನದೊಳಗೆ ದೇಶ ಬಿಟ್ಟು ಹೋಗುವಂತೆ ಸೂಚಿಸಿದೆ.

ಇನ್ನು ಯೆಮೆನಿನಲ್ಲಿ ಹೌತಿ ಬಂಡುಕೋರರ ವಿರುದ್ಧ ಹೋರಾಡುತ್ತಿರುವ ಸೌದಿ ಅರೇಬಿಯಾ ನೇತೃತ್ವದ ಗುಂಪಿನಿಂದಲೂ ಕತಾರ್ ದೇಶವನ್ನು ಹೊರ ಹಾಕಲಾಗಿದೆ.

ದೋಹಾ (ಕತಾರ್ ರಾಜಧಾನಿ) ನಡೆಗಳು 'ಭಯೋತ್ಪಾದನಗೆ ಶಕ್ತಿ' ನೀಡುತ್ತಿವೆ. 'ಅಲ್ ಖೈದಾ ಮತ್ತು ಡಾಯಿಷ್ (ಇಸ್ಲಾಮಿಕ್ ಸ್ಟೇಟ್ -ಐಸಿಸ್)' ಉಗ್ರ ಸಂಘಟನೆಗಳಿಗೆ ಬೆಂಬಲ ನೀಡುತ್ತಿದೆ ಎಂದು ಈ ನಾಲ್ಕು ದೇಶಗಳು ದೂರಿವೆ.

ವಿಮಾನಯಾನ ರದ್ದು

ಅರಬ್ ಬಿಕ್ಕಟ್ಟಿನ ಬೆನ್ನಿಗೆ ಮಂಗಳವಾರದಿಂದ ಕತಾರಿಗೆ ಎಲ್ಲಾ ವಿಮಾನಯಾನಗಳನ್ನು ರದ್ದುಪಡಿಸುವುದಾಗಿ ಎಮಿರೇಟ್ಸ್ ಏರ್ಲೈನ್ಸ್ ಹೇಳಿದೆ.

ಇದೇ ವೇಳೆ ಅಬುದಾಭಿ ಮೂಲದ ವಿಮಾನಯಾನ ಸಂಸ್ಥೆ ಎತಿಹಾದ್ ಕೂಡ ಕತಾರಿಗೆ ವಿಮಾನಯಾನ ನಿಲ್ಲಿಸುವುದಾಗಿ ಹೇಳಿದೆ.

English summary
Saudi Arabia, Egypt, Bahrain and the United Arab Emirates have cut diplomatic ties with Qatar. The countries say Qatar is supporting terrorist groups including the Muslim Brotherhood.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X