ರಷ್ಯಾದಲ್ಲಿ ವಿದೇಶಿ ಕಾಂಡೋಮ್ ಗೆ ನಿಷೇಧ
ಮಾಸ್ಕೋ, ಆಗಸ್ಟ್ , 06 : ರಷ್ಯಾವು ವಿದೇಶದಲ್ಲಿ ತಯಾರಾಗುವ ವಿವಿಧ ವೈದ್ಯಕೀಯ ಉಪಕರಣಗಳ ಮೇಲೆ ನಿರಾಸಕ್ತಿ ವಹಿಸಿದ್ದು, ಅದರಲ್ಲಿ ಮುಖ್ಯವಾಗಿ ಕಾಂಡೋಮ್ ನ ಆಮದು ಮಾಡಿಕೊಳ್ಳುವುದಕ್ಕೆ ಸರ್ಕಾರ ಸಂಪೂರ್ಣ ನಿಷೇಧ ಹೇರಿದೆ.
ಇತ್ತೀಚಿನ ದಿನಗಳಲ್ಲಿ ಕಾಂಡೋಮ್ ನಿಂದ ಹೆಚ್ಐವಿ ಸೋಂಕು ಹರಡುವಿಕೆ ಅಧಿಕಗೊಳ್ಳುತ್ತಿರುವುದನ್ನು ಅರಿತ ರಷ್ಯಾ ಸರ್ಕಾರ ಈ ನಿರ್ಧಾರ ತೆಗೆದುಕೊಂಡಿದ್ದು, ಇದನ್ನು ತಡೆಗಟ್ಟುವಲ್ಲಿ ಎಲ್ಲಾ ರೀತಿಯ ಸುರಕ್ಷತಾ ಕ್ರಮಗಳನ್ನುಅನುಸರಿಸುತ್ತಿದೆ.[ಪಾರ್ಸಿಗಳಿಂದ ಕಾಂಡೋಮ್ ವಿರೋಧಿ ಅಭಿಯಾನ...!]
ಸುಮಾರು 25 ರಿಂದ 35 ವಯೋಮಾನದವರು ಕಾಂಡೋಮ್ ಮೊರೆ ಹೋಗುತ್ತಿದ್ದು, 35 ವರ್ಷ ತುಂಬುವುದರೊಳಗೆ ಸಾವನ್ನಪ್ಪುತ್ತಿರುವ ಪ್ರಕರಣಗಳು ವರದಿಯಾದ ಹಿನ್ನೆಲೆಯಲ್ಲಿ ಆತಂಕಕ್ಕೆ ಒಳಗಾದ ರಷ್ಯಾ ಕಾಂಡೋಮ್ ನಿರ್ಬಂಧಕ್ಕೆ ಮುಂದಾಗಿದೆ.
ದೇಶದಲ್ಲಿ ಸುಮಾರು 5 ವರ್ಷಗಳಿಂದ ಹೆಚ್ಐವಿ ಸೋಂಕಿತರ ಸಂಖ್ಯೆ 2 ಮಿಲಿಯನ್ಗೆ ಏರಿದ್ದು, 2010ರಲ್ಲಿ 500,000 ಮಿಲಿಯನ್ ಇದ್ದದ್ದು, ಇದೀಗ ಸುಮಾರು 930,000ಗೆ ಹೆಚ್ಚಳವಾಗಿದೆ. ಅಲ್ಲದೆ ಅದರಲ್ಲಿ 192,000 ಮಂದಿ ಸೋಂಕಿನಿಂದ ಮೃತಪಟ್ಟಿದ್ದಾರೆ ಎಂದು ಏಡ್ಸ್ ಪರಿಣಿತ ಪ್ರೊಕೋವೊಸ್ಕಿ ತಿಳಿಸಿದ್ದಾರೆ.
ವೈದ್ಯರ ತಂಡ ಕೈಗೊಂಡ ಒಂದು ಅಧ್ಯಯನ ಪ್ರಕಾರ ಈ ಅಂಕಿ ಅಂಶಗಳು ದೊರೆತಿದ್ದು, ಕಳೆದ ವರ್ಷಕ್ಕೆ ಹೋಲಿಸಿದರೆ, ಈ ವರ್ಷ ದೇಶದಲ್ಲಿ ಹೆಚ್ಐವಿ ಸೋಂಕು ಪೀಡಿತರ ಸಂಖ್ಯೆ ಸುಮಾರು 90,000 ಅಧಿಕಗೊಂಡಿದ್ದು, ಇದಕ್ಕೆ ರಬ್ಬರ್ ರೂಪದ ಕಾಂಡೋಮ್ ಪ್ರಮುಖ ಕಾರಣ ಎಂದು ವರದಿ ಸಲ್ಲಿಸಿದ್ದಾರೆ.