ರಾಮಸೇತು ಮಾನವ ನಿರ್ಮಿತ : ಅಮೆರಿಕದ ವಿಜ್ಞಾನ ಚಾನೆಲ್ ಪ್ರೋಮೋ
ನವದೆಹಲಿ, ಡಿಸೆಂಬರ್ 13: ರಾಮಾಯಣದಲ್ಲಿ ಪ್ರಸ್ತಾವ ಆಗಿರುವ, ಭಾರತ-ಶ್ರೀಲಂಕಾ ಮಧ್ಯೆ ಇರುವ 'ರಾಮಸೇತು' ಮಾನವ ನಿರ್ಮಿತ ಎಂದು ವಿಜ್ಞಾನ ಚಾನೆಲ್ ವೊಂದು ಕಾರ್ಯಕ್ರಮ ಪ್ರಸಾರ ಮಾಡಿದೆ. ಈ ಬಗ್ಗೆ ವಾಹಿನಿ ಪ್ರೋಮೊ ಬಿಡುಗಡೆ ಮಾಡಿದೆ. ಇದನ್ನು ಆಡಮ್ ಸೇತುವೆ ಎಂದು ಕೂಡ ಕರೆಯಲಾಗುತ್ತದೆ ಎನ್ನಲಾಗಿದೆ.
Are the ancient Hindu myths of a land bridge connecting India and Sri Lanka true? Scientific analysis suggests they are. #WhatonEarth pic.twitter.com/EKcoGzlEET
— Science Channel (@ScienceChannel) 11 December 2017
ಈ ಸೇತುವೆ ಸಹಜವಾಗಿ ನಿರ್ಮಾಣ ಆಗಿರುವಂಥದ್ದಲ್ಲ. ಇದು ಮನುಷ್ಯರೇ ನಿರ್ಮಾಣ ಮಾಡಿರಬೇಕು ಎಂಬ ಅಭಿಪ್ರಾಯ ವ್ಯಕ್ತಪಡಿಸಲಾಗಿದೆ. "ಪ್ರಾಚೀನ ಹಿಂದೂ ನಂಬಿಕೆಗಳ ಪ್ರಕಾರ ಭಾರತ- ಶ್ರೀಲಂಕಾ ಮಧ್ಯ್ ಸೇತುವೆ ನಿರ್ಮಿಸಲಾಗಿದೆ ಎಂಬುದು ನಿಜವೇ? ವೈಜ್ಞಾನಿಕ ವಿಶ್ಲೇಷಣೆಗಳು ನಿಜ ಎಂಬುದನ್ನು ಸಾರುತ್ತಿವೆ" ಎಂದು ತಿಳಿಸಲಾಗಿದೆ.
ನಾಸಾದ ಉಪಗ್ರಹದಲ್ಲಿ ಸೆರೆಯಾಗಿರುವ ಫೋಟೋದ ಆಧಾರದಲ್ಲಿ ನಡೆಸಿದ ತನಿಖೆಯಲ್ಲಿ ಮೂವತ್ತು ಮೈಲು ಉದ್ದದ ಕಲ್ಲಿನ ಸಾಲೊಂದು ಭಾರತ- ಶ್ರೀಲಂಕಾ ಮಧ್ಯೆ ಇರುವುದು ಖಾತ್ರಿಯಾಗಿದೆ. ಏಳು ಸಾವಿರ ವರ್ಷಗಳ ಹಳೆಯ ಕಲ್ಲುಗಳು ನಾಲ್ಕು ಸಾವಿರ ವರ್ಷಗಳ ಮರಳಿನ ಮೇಲೆ ನಿಂತಿದೆ. ಬೇರೆಡೆಯಿಂದ ತಂದ ಕಲ್ಲನ್ನು ಇಲ್ಲಿನ ಮರಳಿನ ಮೇಲೆ ಇಡಲಾಗಿದೆ ಎಂದು ಜಿಯಾಲಜಿಸ್ಟ್ ಡಾ. ಆಲನ್ ಲೆಸ್ಟರ್ ಅಭಿಪ್ರಾಯ ಪಡುತ್ತಾರೆ.