ಜರ್ಮನಿ: ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಎಂದ ಪೊಲೀಸರಿಗೆ ಕಲ್ಲೇಟು
ಫ್ರ್ಯಾಂಕ್ಫರ್ಟ್, ಏಪ್ರಿಲ್ 13: ಕೊರೊನಾ ವೈರಸ್ ಹರದಡಂತೆ ಎಚ್ಚರವಹಿಸಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಎಂದು ಹೇಳಲು ಹೋದ ಪೊಲೀಸರಿಗೆ ಜರ್ಮನಿ ಜನತೆ ಕಲ್ಲಿನಿಂದ ಹೊಡೆದು ಹಲ್ಲೆ ನಡೆಸಿದ್ದಾರೆ.
ಫ್ರ್ಯಾಂಕ್ಫರ್ಟ್ನಲ್ಲಿ ಘಟನೆ ನಡೆದಿದೆ. ಕಲ್ಲು ಹಾಗೂ ಕಬ್ಬಿಣದ ಬಾರ್ಗಳಿಂದ ಹೊಡೆದು ಹಲ್ಲೆ ಮಾಡಿದ್ದಾರೆ. ಲಾಕ್ಡೌನ್ ನಿಯಮ ಉಲ್ಲಂಘಿಸಿ ಸುಮಾರು 20ಕ್ಕೂ ಹೆಚ್ಚು ಮಂದಿ ಕಾರುಗಳಲ್ಲಿ ಓಡಾಡುತ್ತಿದ್ದರು. ಅದರಲ್ಲಿ ಪೆಟ್ರೋಲ್ ಕಾರ್ ಒಂದನ್ನು ಪೊಲೀಸರು ತಡೆದಿದ್ದರು.
ತಕ್ಷಣವೇ ಒಂದು ಕಾರಿನಲ್ಲಿದ್ದವರು ಕಲ್ಲುಗಳನ್ನು ಪೊಲೀಸರು ಹಾಗೂ ಪೊಲೀಸರ ವಾಹನದ ಮೇಲೆ ಎಸೆದರು, ಬಳಿಕ ಕಾರಿನಲ್ಲಿ ಪರಾರಿಯಾಗಿದ್ದಾರೆ. ಅವರನ್ನು ಹಿಡಿಯಲು ಸಾಧ್ಯವಾಗಿಲ್ಲ ಎಂದು ಹೇಳಿದ್ದಾರೆ.
ವಾಹನದಿಂದ ಇಳಿದು ಸುಮಾರು 20 ಮಂದಿ ಪೊಲೀಸ್ ಅಧಿಕಾರಿಯ ಮೇಲೆ ಹಲ್ಲೆ ನಡೆಸಿದ್ದಾರೆ. ಹಲವು ಮಂದಿ ಕಲ್ಲುಗಳು, ಟೈಲ್ಸ್ಗಳು, ಐರನ್ಬಾರ್ಗಳನ್ನು ಎಸೆದರೆ ಇನ್ನು ಕೆಲವು ಮಂದಿ ಐದು ಕೆಜಿಯಷ್ಟು ತೂಕದ ಮೆಟಲ್ ಪ್ಲೇಟ್ನ್ನು ಎಸೆದಿದ್ದರು, ಆದರೆ ಅವರ ಟಾರ್ಗೆಟ್ ಮಿಸ್ ಆಗಿತ್ತು.
ಜರ್ಮನಿಯಲ್ಲಿ ಇದುವರೆಗೆ 1,27,854 ಕೊರೊನಾ ವೈರಸ್ ಪ್ರಕರಣಗಳು ದೃಢಪಟ್ಟಿವೆ.52,883 ಮಂದಿ ಗುಣಮುಖರಾಗಿದ್ದಾರೆ, 3022 ಮಂದಿ ಮೃತಪಟ್ಟಿದ್ದಾರೆ. ವಿಶ್ವದಾದ್ಯಂತ 18,50,220 ಮಂದಿಗೆ ಕೊರೊನಾ ಸೋಂಕಿಗೆ ಗುರಿಯಾಗಿದ್ದಾರೆ, 4,30,455 ಮಂದಿ ಗುಣಮುಖರಾಗಿದ್ದಾರೆ.1,14,215 ಮಂದಿ ಸಾವನ್ನಪ್ಪಿದ್ದಾರೆ.