• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಲೈಂಗಿಕ ಹಗರಣದ ನಂಟು: ಟಿವಿ ನಿರೂಪಕನ ಕೆನ್ನೆಗೆ ಬಾರಿಸಿದ ಸಚಿವ

|

ಇಸ್ಲಾಮಾಬಾದ್, ಜನವರಿ 7: ಪಾಕಿಸ್ತಾನದಲ್ಲಿ ತೀವ್ರ ವಿವಾದ ಸೃಷ್ಟಿಸಿರುವ ಟಿಕ್ ಟಾಕ್ ಸ್ಟಾರ್ ಹರೀಮ್ ಶಾ ಲೈಂಗಿಕ ಹಗರಣದಲ್ಲಿ ತಮ್ಮ ಹೆಸರನ್ನು ತಳುಕು ಹಾಕಿದ್ದಕ್ಕಾಗಿ ಟಿವಿ ಚಾನೆಲ್‌ನ ನಿರೂಪಕನಿಗೆ ಕಪಾಳಮೋಕ್ಷ ಮಾಡಿದ್ದಾಗಿ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಫವಾದ್ ಚೌಧರಿ ಒಪ್ಪಿಕೊಂಡಿದ್ದಾರೆ.

ಮದುವೆ ಸಮಾರಂಭವೊಂದರಲ್ಲಿ ನಿರೂಪಕನ ಕೆನ್ನೆಗೆ ಬಾರಿಸಿದ್ದಾಗಿ ಅವರು ಹೇಳಿದ್ದಾರೆ. ಎಲ್ಲದಕ್ಕಿಂತ ಮೊದಲು ತಾನೊಬ್ಬ ಮನುಷ್ಯ. ಈ ರೀತಿ ಪ್ರತಿಕ್ರಿಯಿಸುವುದು ಸಹಜ ಎಂದು ಅವರು ಮಾಧ್ಯಮಗಳ ಮುಂದೆ ಸಮರ್ಥಿಸಿಕೊಂಡಿದ್ದಾರೆ.

'ಸಚಿವ ಸ್ಥಾನ ಬರುತ್ತದೆ, ಹೋಗುತ್ತದೆ. ಆದರೆ ನಾನು ವೈಯಕ್ತಿಕ ದಾಳಿಗಳನ್ನು ಸಹಿಸಿಕೊಳ್ಳುವುದಿಲ್ಲ. ನಾವೆಲ್ಲರೂ ಹುಟ್ಟಿನಿಂದ ಮನುಷ್ಯರು. ಯಾರಾದರೂ ಸುಳ್ಳು ಆರೋಪಗಳನ್ನು ಮಾಡಿದಾಗ ಅದಕ್ಕೆ ಪ್ರತಿಕ್ರಿಯಿಸುತ್ತೇವೆ' ಎಂದು ಚೌಧರಿ ಹೇಳಿಕೊಂಡಿದ್ದಾರೆ.

ಸೆಕ್ಸ್ ಸ್ಕ್ಯಾಂಡಲ್: ಇಮ್ರಾನ್ ಖಾನ್ ಸರ್ಕಾರಕ್ಕೆ ಸಂಕಷ್ಟ ತಂದ ಟಿಕ್ ಟಾಕ್ ಸ್ಟಾರ್

ಫವಾದ್ ಅವರು ಟಿವಿ ನಿರೂಪಕ ಮುಬಾಷರ್ ಲುಕ್ಮನ್ ಕಪಾಳಕ್ಕೆ ಹೊಡೆದ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಇದರ ಬಳಿಕ ಟ್ವೀಟ್ ಮಾಡಿದ್ದ ಫವಾದ್, ಮುಬಾಷರ್ ವಿರುದ್ಧ ಹರಿಹಾಯ್ದಿದ್ದರು. ಮುಬಾಷರ್ ಒಬ್ಬ ನಕಲಿ ಪತ್ರಕರ್ತ ಎಂದು ಆರೋಪಿಸಿದ್ದರು.

ಪತ್ರಿಕೋದ್ಯಮಕ್ಕೆ ಅರ್ಹನಲ್ಲ

ಪತ್ರಿಕೋದ್ಯಮಕ್ಕೆ ಅರ್ಹನಲ್ಲ

ಈ ಜಗಳದ ಕುರಿತಾದ ಪತ್ರಿಕಾ ವರದಿಯೊಂದನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿರುವ ಫವಾದ್, 'ಮುಬಾಷರ್ ಲುಕ್ಮನ್‌ನಂತಹ ವ್ಯಕ್ತಿ ಪತ್ರಿಕೋದ್ಯಮದಲ್ಲಿ ಇರಲು ಲಾಯಕ್ಕಲ್ಲ. ಆತನ ಬಣ್ಣವನ್ನು ಕಳಚುವುದು ಪ್ರತಿಯೊಬ್ಬರ ಕರ್ತವ್ಯವಾಗಿದೆ' ಎಂದು ಬರೆದಿದ್ದಾರೆ.

ಜತೆಗಿದ್ದ ಫವಾದ್ ಮತ್ತು ಹರೀಮ್

ಜತೆಗಿದ್ದ ಫವಾದ್ ಮತ್ತು ಹರೀಮ್

ಲುಕ್ಮನ್ ಅವರ ಕಾರ್ಯಕ್ರಮದ ಕುರಿತು ಮಾತನಾಡಿರುವ ಸಹ ನಿರೂಪಕ ರೈ ಸಕೀಬ್ ಖರಾಲ್, ಫವಾದ್ ಚೌಧರಿ ಮತ್ತು ಟಿಕ್ ಟಾಕ್ ಸ್ಟಾರ್ ಹರೀಮ್ ಶಾ ಜತೆಗಿರುವ ಅನೇಕ ಅಸಭ್ಯ ವಿಡಿಯೋಗಳನ್ನು ನೋಡಿರುವುದಾಗಿ ತಿಳಿಸಿದ್ದಾರೆ. ಹಾಗೆಯೇ ಫವಾದ್ ಮತ್ತು ಹರೀಮ್ ಶಾ ಒಟ್ಟಿಗಿರುವ ಸಂದರ್ಭಗಳನ್ನು ಸಹ ಖುದ್ದು ನೋಡಿರುವುದಾಗಿ ಹೇಳಿಕೊಂಡಿದ್ದಾರೆ.

ಮಗಳು ಆರತಿ ಎತ್ತಿದ್ದಕ್ಕೆ ಟಿವಿ ಒಡೆದು ಹಾಕಿದ ಪಾಕ್ ಕ್ರಿಕೆಟಿಗ

ಸಂಸತ್‌ನಲ್ಲಿ ವಾಗ್ವಾದ ಸೃಷ್ಟಿಸಿದ 'ವಿಡಿಯೋ'

ಸಂಸತ್‌ನಲ್ಲಿ ವಾಗ್ವಾದ ಸೃಷ್ಟಿಸಿದ 'ವಿಡಿಯೋ'

ಟಿವಿ ನಿರೂಪಕರ ಜತೆಗೆ ಫವಾದ್ ಚೌಧರಿ ಅನುಚಿತವಾಗಿ ವರ್ತಿಸಿರುವುದು ಇದು ಮೊದಲ ಸಲವೇನಲ್ಲ. ಕಳೆದ ವರ್ಷದ ಜೂನ್‌ನಲ್ಲಿ ಟಿವಿ ನಿರೂಪಕ ಸಮಿ ಇಬ್ರಾಹಿಂ ಅವರಿಗೂ ಮದುವೆ ಸಮಾರಂಭದಲ್ಲಿಯೇ ಕಪಾಳಮೋಕ್ಷ ಮಾಡಿದ್ದರು. ಫವಾದ್ ಅವರ ಅಸಭ್ಯ ವಿಡಿಯೋ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಾಕಿಸ್ತಾನ ಮುಸ್ಲಿಂ ಲೀಗ್ ನವಾಜ್ (ಪಿಎಂಎಲ್-ಎನ್) ನಾಯಕ ಖವಾಜಾ ಆಸಿಫ್ ಮತ್ತು ಫವಾದ್ ನಡುವೆ ರಾಷ್ಟ್ರೀಯ ಅಸೆಂಬ್ಲಿಯಲ್ಲಿ ತೀವ್ರ ವಾಗ್ವಾದ ನಡೆಯಿತು.

ವಿವಾದದಲ್ಲಿ ಸಚಿವ ರಶೀದ್

ವಿವಾದದಲ್ಲಿ ಸಚಿವ ರಶೀದ್

ರೈಲ್ವೆ ಸಚಿವ ಶೇಖ್ ರಶೀದ್ ವಿಡಿಯೋ ಕಾಲ್‌ಗಳಲ್ಲಿ ಹರೀಮ್ ಶಾ ಅವರೊಂದಿಗೆ ಮಾತನಾಡಿದ್ದನ್ನು ಚಿತ್ರೀಕರಿಸಲಾಗಿದೆ. ಅವುಗಳಲ್ಲಿ ಕೆಲವು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಹರೀಮ್ ಶಾ ಮತ್ತು ಅವರ ಗೆಳತಿ ಸುಂದಲ್ ಖಟ್ಟಕ್ ಜತೆಗೂಡಿ ಪಾಕಿಸ್ತಾನದ ಪ್ರಮುಖ ರಾಜಕಾರಣಿಗಳನ್ನು ಲೈಂಗಿಕ ಹಗರಣದ ಖೆಡ್ಡಾಕ್ಕೆ ಬೀಳಿಸಿದ್ದಾರೆ ಎನ್ನಲಾಗಿದೆ. ಈ ನಡುವೆ ಹರೀಮ್ ಶಾ, ತಾವು ಕೆನಡಾದ ಪೌರತ್ವಕ್ಕೆ ಅರ್ಜಿ ಸಲ್ಲಿಸಿದ್ದು, ಪಾಕಿಸ್ತಾನ ತ್ಯಜಿಸುವುದಾಗಿ ಹೇಳಿಕೊಂಡಿದ್ದಾರೆ. ಈಗ ಈ ವಿವಾದದಲ್ಲಿ ಫವಾದ್ ಹೆಸರೂ ಕೇಳಿಬಂದಿದೆ.

ಪಾಕ್‌ ಕ್ರಿಕೆಟ್ ತಂಡದ ಹಿಂದು ಆಟಗಾರನಿಗೆ ಕಿರುಕುಳ: ಶೋಯೆಬ್ ಅಖ್ತರ್

English summary
A Pakistan minister Fawad Chaudhry has slapped a TV anchor at a wedding for linking him with TikTok star Hareem Shah's sex scandal video.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X