ಪಾಕಿಸ್ತಾನ ವಿಮಾನ ದುರಂತದಲ್ಲಿ 97 ಜನರು ಸಾವು
ಲಾಹೋರ್, ಮೇ 23: ಪಾಕಿಸ್ತಾನದಲ್ಲಿ ನಡೆದ ವಿಮಾನ ದುರಂತದಲ್ಲಿ ಸುಮಾರು 97 ಜನರು ಮೃತಪಟ್ಟಿದ್ದಾರೆ ಎಂದು ಆರೋಗ್ಯ ಇಲಾಖೆಯ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
Recommended Video
8 ಸಿಬ್ಬಂದಿ ಸೇರಿದ 99 ಜನ ಪ್ರಯಾಣಿಕರು ಸಾಗುತ್ತಿದ್ದ ಪಾಕಿಸ್ತಾನ ಇಂಟರ್ನ್ಯಾಷನಲ್ ಏರ್ಲೈನ್ಸ್ ಪಿಎ370 ವಿಮಾನ ನಿನ್ನೆ ಕರಾಚಿ ವಿಮಾನ ನಿಲ್ದಾಣದ ಸಮೀಪ ಪತನಗೊಂಡಿತ್ತು.
ಅಪಘಾತ ಸಂಭವಿಸಿದ ಸ್ಥಳದಿಂದ ಈವರೆಗೆ 97 ಶವಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಸಿಂಧ್ ಆರೋಗ್ಯ ಸಚಿವ ಅಜ್ರಾ ಪೆಚುಹೋ ಶುಕ್ರವಾರ ತಡರಾತ್ರಿ ಮಾಧ್ಯಮಗಳಿಗೆ ತಿಳಿಸಿದ್ದಾರೆ ಎಂದು ಪಾಕಿಸ್ತಾನ ಮಾದ್ಯಮಗಳು ವರದಿ ಮಾಡಿವೆ.
Breaking: ಪಾಕಿಸ್ತಾನ: 100 ಮಂದಿ ಪ್ರಯಾಣಿಕರಿದ್ದ ಪಿಐಎ ವಿಮಾನ ಪತನ
97 dead, 2 survivors from yesterday's Pakistan International Airlines (PIA) plane crash in Karachi: AFP news agency #PIA
— ANI (@ANI) May 23, 2020
ಲಾಹೋರ್ನಿಂದ ಹೊರಟಿದ್ದ ಪಿಕೆ -8303 ವಿಮಾನವು ಕರಾಚಿಯಲ್ಲಿ ಲ್ಯಾಂಡ್ ಆಗುವ ಮೊದಲೇ ಮಾಲಿರ್ನ ಮಾಡೆಲ್ ಕಾಲೋನಿ ಬಳಿಯ ಜಿನ್ನಾ ಗಾರ್ಡನ್ ಪ್ರದೇಶದಲ್ಲಿ ಅಪಘಾತಕ್ಕೀಡಾಗಿದೆ.
ಇದು ಲಾಹೋರ್ನ ಅಲ್ಲಮ ಇಕ್ಬಾಲ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹೊರಟಿತ್ತು. ವಿಮಾನ ನಿಲ್ದಾಣವು ನಾಲ್ಕು ಕಿ.ಮೀ ದೂರದಲ್ಲಿರುವಾಗ ಪತನಗೊಂಡಿದೆ. ಪತನದ ಬಳಿಕ ದಟ್ಟ ಹೊಗೆ ಕಾಣಿಸಿಕೊಂಡಿತ್ತು.