ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕೆಲಸ ಬಿಡದಿದ್ದಕ್ಕೆ ಪತ್ರಕರ್ತೆಯನ್ನು ಗುಂಡಿಕ್ಕಿ ಕೊಂದ ಗಂಡ

|
Google Oneindia Kannada News

ಲಾಹೋರ್, ನವೆಂಬರ್ 27: ಕೆಲಸ ತ್ಯಜಿಸಲು ನಿರಾಕರಿಸಿದ ಕಾರಣಕ್ಕೆ 27 ವರ್ಷದ ಪತ್ರಕರ್ತೆಯನ್ನು ಆಕೆಯ ಗಂಡ ಗುಂಡಿಕ್ಕಿ ಕೊಂದ ಘಟನೆ ಪಾಕಿಸ್ತಾನದಲ್ಲಿ ನಡೆದಿದೆ.

ಈ ದಂಪತಿ ಏಳು ತಿಂಗಳ ಹಿಂದಷ್ಟೇ ಮದುವೆಯಾಗಿದ್ದರು. ಆದರೆ ಮದುವೆಯಾಗಿ ಕೆಲವು ದಿನಗಳಲ್ಲಿಯೇ ಇಬ್ಬರ ಮಧ್ಯೆ ಮನಸ್ತಾಪ ಉಂಟಾಗಿತ್ತು ಎಂದು ಎಫ್‌ಐಆರ್‌ನಲ್ಲಿ ದಾಖಲಿಸಲಾಗಿರುವ ಮಾಹಿತಿ ತಿಳಿಸಿದೆ.

ಕಾಣೆಯಾಗಿದ್ದ ಬಾಲಕಿ ಪಕ್ಕದ ಮನೆಯ ಕಪಾಟಿನಲ್ಲಿ ಶವವಾಗಿ ಪತ್ತೆಕಾಣೆಯಾಗಿದ್ದ ಬಾಲಕಿ ಪಕ್ಕದ ಮನೆಯ ಕಪಾಟಿನಲ್ಲಿ ಶವವಾಗಿ ಪತ್ತೆ

ಉರ್ದು ದಿನಪತ್ರಿಕೆಯೊಂದಲ್ಲಿ ಕೆಲಸ ಮಾಡುತ್ತಿದ್ದ ಉರೂಜ್ ಇಕ್ಬಾಲ್ ಕೇಂದ್ರ ಲಾಹೋರ್‌ನ ಖಿಲಾ ಗುಜ್ಜರ್ ಸಿಂಗ್‌ನಲ್ಲಿರುವ ತಮ್ಮ ಕಚೇರಿಗೆ ಪ್ರವೇಶಿಸುತ್ತಿದ್ದರು. ಆ ವೇಳೆ ಆಕೆಯ ಪತಿ ದಿಲಾವರ್ ಅಲಿ ತಲೆಗೆ ಗುಂಡು ಹಾರಿಸಿ ಕೊಲೆ ಮಾಡಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

Pakistan Journalist Shot Dead By Her Husband For Not Quitting Job

ಉರೂಜ್ ಅವರನ್ನು ಕೂಡಲೇ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಆಗಲೇ ಅವರು ಮೃತಪಟ್ಟಿದ್ದರು. ಆಕೆಯ ಪತಿ ದಿಲಾವರ್ ಕೂಡ ಮತ್ತೊಂದು ಉರ್ದು ಪತ್ರಿಕೆಯಲ್ಲಿ ಕೆಲಸ ಮಾಡುತ್ತಿದ್ದ ಎನ್ನಲಾಗಿದೆ.

ಉರೂಜ್ ಅವರ ಸಹೋದರ ಯಾಸಿರ್ ಇಕ್ಬಾಲ್ ನೀಡಿರುವ ದೂರಿನಂತೆ ಕೊಲೆಯಾದ ಮಹಿಳೆಯ ಪತಿ ವಿರುದ್ಧ ಪ್ರಕರಣ ದಾಖಲಿಸಿದ್ದೇವೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಪುತ್ತೂರಿನಲ್ಲಿ ತಾತ, ಮೊಮ್ಮಗಳ ಬರ್ಬರ ಹತ್ಯೆಪುತ್ತೂರಿನಲ್ಲಿ ತಾತ, ಮೊಮ್ಮಗಳ ಬರ್ಬರ ಹತ್ಯೆ

ತಮ್ಮ ಸಹೋದರಿ ಮತ್ತು ದಿಲಾವರ್ ಇಬ್ಬರೂ ಏಳು ತಿಂಗಳ ಹಿಂದಷ್ಟೇ ಪ್ರೇಮವಿವಾಹವಾಗಿದ್ದರು. ಆದರೆ ವಿವಿಧ ಕೌಟುಂಬಿಕ ಕಾರಣಗಳಿಂದಾಗಿ ಇಬ್ಬರ ನಡುವೆ ವೈಮನಸ್ಸು ಉಂಟಾಗಿತ್ತು. ಇದರಿಂದ ಸಂಬಂಧ ಹಳಸಿತ್ತು. ಆಕೆಯನ್ನು ಕೆಲಸ ತ್ಯಜಿಸುವಂತೆ ದಿಲಾವರ್ ಪದೇ ಪದೇ ಒತ್ತಡ ಹೇರುತ್ತಿದ್ದ ಎಂದು ಇಕ್ಬಾಲ್ ದೂರಿನಲ್ಲಿ ತಿಳಿಸಿದ್ದಾರೆ.

ಇದೇ ವಿಚಾರಕ್ಕೆ ದಿಲಾವರ್ ಪತ್ನಿಗೆ ಹಿಂಸೆ ನೀಡುತ್ತಿದ್ದ. ಹೀಗಾಗಿ ಆತನ ವಿರುದ್ಧ ಇತ್ತೀಚೆಗೆ ದೂರು ಕೂಡ ನೀಡಲಾಗಿತ್ತು. ಆದರೂ ಪೊಲೀಸರು ಯಾವುದೇ ಕ್ರಮ ತೆಗೆದುಕೊಂಡಿರಲಿಲ್ಲ ಎಂದು ಆರೋಪಿಸಿದ್ದಾರೆ.

ತಾಯಿ, ತಂಗಿ ಮೇಲೆ ನಿರಂತರ ಅತ್ಯಾಚಾರವೆಸಗುತ್ತಿದ್ದ ಕಾಮುಕನ ಕೊಲೆತಾಯಿ, ತಂಗಿ ಮೇಲೆ ನಿರಂತರ ಅತ್ಯಾಚಾರವೆಸಗುತ್ತಿದ್ದ ಕಾಮುಕನ ಕೊಲೆ

ಅಪರಾಧ ವರದಿಗಾರ್ತಿಯಾಗಿದ್ದ ಉರೂಜ್, ಪತಿಯೊಂದಿಗೆ ಮನಸ್ತಾಪ ಉಂಟಾದ ಬಳಿಕ ಆತನಿಂದ ದೂರವಾಗಿ ತನ್ನ ಪತ್ರಿಕೆ ಇರುವ ಕಟ್ಟಡದಲ್ಲಿಯೇ ಹೊಂದಿಕೊಂಡಂತೆ ಇರುವ ಕೊಠಡಿಯೊಂದರಲ್ಲಿ ವಾಸಿಸುತ್ತಿದ್ದರು.

English summary
A Pakistan female journalist was shot dead by her husband on Monday infront of her office for not quitting her job.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X