ಪ್ರವಾಹದ ನೀರಲ್ಲಿ ನಿಂತು ವರದಿ ಮಾಡಿದ ಪತ್ರಕರ್ತ: ವೈರಲ್ ವಿಡಿಯೋ
ಇಸ್ಲಾಮಾಬಾದ್, ಏಪ್ರಿಲ್ 18: ಪಾಕಿಸ್ತಾನದ ಟೆಲಿವಿಷನ್ ವಾಹಿನಿ ವರದಿಗಾರರ ಯಡವಟ್ಟುಗಳು ಬಲುಜನಪ್ರಿಯ. ಅವರ ಅನೇಕ ವಿಡಿಯೋಗಳು ಪಾಕಿಸ್ತಾನ ಮಾತ್ರವಲ್ಲ, ಜಗತ್ತಿನ ಅನೇಕ ಕಡೆ ವೈರಲ್ ಆಗಿದ್ದವು. ಈ ವಿಡಿಯೋಗಳನ್ನು ಬಳಸಿಕೊಂಡು ಸಲ್ಮಾನ್ ಖಾನ್ ಅಭಿನಯದ 'ಬಜರಂಗಿ ಭಾಯಿಜಾನ್' ಸಿನಿಮಾದಲ್ಲಿ ನವಾಜುದ್ದೀನ್ ಸಿದ್ದಿಕಿ ನಗಿಸಿದ್ದರು.
ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ
ಈಗ ಪಾಕಿಸ್ತಾನದ ಪತ್ರಕರ್ತರೊಬ್ಬರ ಮತ್ತೊಂದು ವಿಡಿಯೋ ವೈರಲ್ ಆಗಿದೆ. ಆದರೆ, ಇದು ನಗಿಸುವ ವಿಡಿಯೋವಲ್ಲ. ಕೆಲವರು ತಮ್ಮ ಕೆಲಸದಲ್ಲಿ ಬೇರೆಯವರನ್ನು ಮೆಚ್ಚಿಸಲು ಎಂತಹ ಹುಚ್ಚು ಸಾಹಸಕ್ಕೂ ಮುಂದಾಗುತ್ತಾರೆ ಎಂಬುದನ್ನು ಸಾಬೀತುಪಡಿಸುವಂತಹ ವಿಡಿಯೋ.
ಆಹಾ ! ಎಷ್ಟು ಮುದ್ದು ಎಂದು ಕಾಂಗ್ರೆಸ್ ನಾಯಕಿ ರಮ್ಯಾ ಟ್ವೀಟ್
ನೆರೆಯಿಂದ ತುಂಬಿ ಹರಿಯುತ್ತಿರುವ ನದಿಯೊಂದರ ಮಧ್ಯದಲ್ಲಿ ನಿಂತು ಪಾಕಿಸ್ತಾನದ ಪತ್ರಕರ್ತ ವಾಹಿನಿಗೆ ವರದಿಗಾರಿಕೆ ಮಾಡಿದ್ದಾರೆ. ಅಲ್ಲಿನ ಮಳೆ ಮತ್ತು ಪ್ರವಾಹ ಪರಿಸ್ಥಿತಿಯ ಕುರಿತು ಮಾಹಿತಿ ನೀಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ವೈರಲ್ ಆಗಿದೆ. ವೇಗವಾಗಿ ಹರಿಯುವ ಅಪಾಯಕಾರಿ ನೀರಿನೊಳಗೆ ನಿಂತು ವರದಿಗಾರಿಕೆ ಮಾಡಿರುವ ಪತ್ರಕರ್ತನ ಹುಚ್ಚುತನವನ್ನು ಅನೇಕರು ಟೀಕಿಸಿದ್ದಾರೆ. ಜತೆಗೆ ತಮಾಷೆಯ ಕಾಮೆಂಟ್ಗಳು ಹರಿದಾಡುತ್ತಿವೆ.
Producer: Bring me a news story that no other channel has.
— Naila Inayat नायला इनायत (@nailainayat) 16 April 2019
Reporter: pic.twitter.com/cOLxx6Uvas
ಪಾಕಿಸ್ತಾನದ ಪತ್ರಕರ್ತೆ ನೈಲಾ ಇನಾಯತ್, 'ಪ್ರೊಡ್ಯೂಸರ್: ಬೇರೆ ಯಾವ ಚಾನೆಲ್ನಲ್ಲಿಯೂ ಇಲ್ಲದ ಸುದ್ದಿಯನ್ನು ತನ್ನಿ'
ವರದಿಗಾರ:...." ಎಂದು ಬರೆದು ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಇದರ ಜತೆಗೆ ಅನೇಕರು ಪಾಕಿಸ್ತಾನದ ಪತ್ರಕರ್ತರ ಹಲವು ವಿಡಿಯೋಗಳನ್ನು ಪೋಸ್ಟ್ ಮಾಡಿದ್ದಾರೆ.