ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಒಲ್ಲದ ಮನಸ್ಸಿನಿಂದ ಕೊನೆಗೂ ಒತ್ತಡಕ್ಕೆ ಮಣಿದ ಪಾಕಿಸ್ತಾನ

|
Google Oneindia Kannada News

Recommended Video

ಪಾಕಿಸ್ತಾನ ಕೊನೆಗೂ ಹಫೀಜ್ ಸಯೀದ್ ವಿಷ್ಯದಲ್ಲಿ ಮಹತ್ವದ ನಿರ್ಧಾರ | Oneindia Kannada

ಇಸ್ಲಮಾಬಾದ್, ಫೆ 13: ಯಾರು ಏನೇ ಹೇಳಿದರು, ತನ್ನ ನಿಲುವಿನಿಂದ ಹಿಂದಕ್ಕೆ ಸರಿಯದೇ ಇದ್ದ ಪಾಕಿಸ್ತಾನ, ಕೊನೆಗೂ 26/11 ಮಾಸ್ಟರ್ ಮೈಂಡ್ ಹಫೀಜ್ ಸಯೀದ್ ಸೇರಿ ಹಲವಾರು ಮುಸ್ಲಿಂ ನಾಯಕರು ಮತ್ತು ಸಂಘಟನೆಗಳನ್ನು 'ಭಯೋತ್ಪಾದಕ'ರ ಪಟ್ಟಿಗೆ ಅಧಿಕೃತವಾಗಿ ಸೇರಿಸಿದೆ.

ವಿಶ್ವಸಂಸ್ಥೆಯ ಭದ್ರತಾ ಕೌನ್ಸಿಲ್ ಪಟ್ಟಿ ಮಾಡಿರುವ ಎಲ್ಲಾ ವ್ಯಕ್ತಿಗಳನ್ನು ಮತ್ತು ಸಂಘಟನೆಗಳನ್ನು, ಭಯೋತ್ಪಾದಕರ ಪಟ್ಟಿಗೆ ಸೇರಿಸುವ ಕಡತಕ್ಕೆ ಪಾಕಿಸ್ತಾನದ ರಾಷ್ಟ್ರಪತಿ ಸೋಮವಾರ (ಫೆ 12) ಅಂಕಿತ ಹಾಕಿದ್ದಾರೆ.

ಪಾಕಿಸ್ತಾನ ತಕ್ಕ ಶಿಕ್ಷೆ ಅನುಭವಿಸಲಿದೆ: ನಿರ್ಮಲಾ ಸೀತಾರಾಮ್ಪಾಕಿಸ್ತಾನ ತಕ್ಕ ಶಿಕ್ಷೆ ಅನುಭವಿಸಲಿದೆ: ನಿರ್ಮಲಾ ಸೀತಾರಾಮ್

ಈ ಪಟ್ಟಿಯಲ್ಲಿ ಪಾಕಿಸ್ತಾನದಲ್ಲಿ ಭಾರೀ ಪ್ರಭಾವಿ ವ್ಯಕ್ತಿಯಾಗಿರುವ ಹಫೀಜ್ ಸಯೀದ್ ಅವರ ಜೆಯುಡಿ (ಜಮಾತ್-ಉದ್-ದವಾ) ಉಗ್ರ ಸಂಘಟನೆಯೂ ಒಂದು. ಈ ಎಲ್ಲಾ ಸಂಘಟನೆಗಳ ಬ್ಯಾಂಕ್ ಅಕೌಂಟ್ ಅನ್ನು ಪಾಕಿಸ್ತಾನ ಸರಕಾರ ಸದ್ಯದಲ್ಲೇ ಮುಟ್ಟುಗೋಲು ಹಾಕಿಕೊಳ್ಳಲಿದೆ.

Pakistan declares 26/11 attacks mastermind Hafiz Saeed a terrorist

ವಿಶ್ವಸಂಸ್ಥೆಯ ಭದ್ರತಾ ಕೌನ್ಸಿಲ್ ಈಗಾಗಲೇ ನಿಷೇಧ ಹೇರಿರುವ 72 ವ್ಯಕ್ತಿಗಳನ್ನು, ಪಾಕಿಸ್ತಾನದ ಗೃಹ ಸಚಿವಾಲಯ ಜನವರಿ ತಿಂಗಳಲ್ಲಿ ಉಗ್ರರ ಪಟ್ಟಿಗೆ ಸೇರಿಸಬೇಕೆಂದು ರಾಷ್ಟ್ರಪತಿಗಳಿಗೆ ಶಿಫಾರಸು ಮಾಡಿತ್ತು.

ಕಳೆದ ವರ್ಷ ಹಫೀಜ್ ಸಯೀದ್ ನನ್ನು ಪಾಕಿಸ್ತಾನ ಗೃಹಬಂಧನದಿಂದ ಬಿಡುಗಡೆಗೊಳಿಸಿತ್ತು. ಪಾಕಿಸ್ತಾನದ ಈ ಕ್ರಮ ವ್ಯಾಪಕ ಟೀಕೆಗೆ ಗುರಿಯಾಗಿತ್ತು. ಗೃಹಬಂಧನದಿಂದ ಹೊರಬಂದ ನಂತರ ಪಟ್ಟಿಯಿಂದ ಕೈಬಿಡುವಂತೆ ಹಫೀಜ್ ಪರ ವಕೀಲರು ವಿಶ್ವಸಂಸ್ಥೆಗೆ ಮನವಿ ಸಲ್ಲಿಸಿದ್ದರು.

ಎಫ್ಎಟಿಎಫ್ (Financial Action Task Force) ಮಂಡಳಿಯ ನಿರ್ಣಾಯಕ ಸಭೆ ಮುಂದಿನ ವಾರ ನಡೆಯಲಿದ್ದು, ಅದಕ್ಕೆ ಮೊದಲೇ ಪಾಕಿಸ್ತಾನ ಸರಕಾರ, ಭಯೋತ್ಪಾದಕರ ಪಟ್ಟಿಗೆ ಸೇರಿಸುವ ಕಡತಕ್ಕೆ ಸಹಿಹಾಕುವ ಮೂಲಕ ಸದ್ಯಕ್ಕೆ ಬಚಾವ್ ಆಗಿದೆ.

English summary
Pakistan's President on Monday (Feb 12) signed an ordinance that brings all individuals and organizations banned by the UN Security Council, including 26/11 attacks mastermind Hafiz Saeed and his group, the Jamaat-ud-Dawa (JuD).
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X