ನ್ಯೂಜಿಲ್ಯಾಂಡ್, ಆಸ್ಟ್ರೇಲಿಯಾದಲ್ಲಿ ಹೊಸ ವರ್ಷಕ್ಕೆ ಸ್ವಾಗತ: ಪಟಾಕಿ ಸಿಡಿಸಿ ಸಂಭ್ರಮ
ಆಕ್ಲೆಂಡ್, ಡಿಸೆಂಬರ್ 31: ಭಾರತ ಸೇರಿದಂತೆ ಏಷ್ಯಾ ಹಾಗೂ ಇತರೆ ಅನೇಕ ಖಂಡಗಳಲ್ಲಿನ ದೇಶಗಳು ಹೊಸ ವರ್ಷವನ್ನು ಸ್ವಾಗತಿಸಲು ಕಾದಿವೆ. ಅದಕ್ಕೂ ಮುನ್ನ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ ದೇಶಗಳು ಚಿತ್ತಾಕರ್ಷಕ ಪಟಾಕಿಗಳನ್ನು ಸಿಡಿಸುವ ಮೂಲಕ ಹೊಸ ವರ್ಷವನ್ನು ಬರಮಾಡಿಕೊಂಡಿವೆ.
ಅಕ್ಲಂಡ್ ಮತ್ತು ಸಿಡ್ನಿಗಳಲ್ಲಿ ಆಕರ್ಷಕ ಪಟಾಕಿ ಸಿಡಿಮದ್ದುಗಳು ಹಾಗೂ ರಂಗುರಂಗಿನ ಬೆಳಕಿನ ಪ್ರದರ್ಶನಗಳ ಮೂಲಕ 2021ರ ಆಗಮನದ ಸಂಭ್ರಮಾಚರಣೆಗಳು ನಡೆದವು. ದಕ್ಷಿಣ ಪೆಸಿಫಿಕ್ನ ದ್ವೀಪ ಸಮಾವೊ ಹೊಸ ವರ್ಷಕ್ಕೆ ಮೊದಲು ಕಾಲಿಟ್ಟರೆ, ಅದರ ಬಳಿಕ ನ್ಯೂಜಿಲೆಂಡ್ ಮತ್ತು ಆಸ್ಟ್ರೇಲಿಯಾಗಳು ಹೊಸ ವರ್ಷವನ್ನು ಸ್ವಾಗತಿಸಿದವು.
ಕೊರೊನಾ ವೈರಸ್ ನಿಯಂತ್ರಿಸುವುದರಲ್ಲಿ ಯಶಸ್ವಿ ದೇಶ ಎನಿಸಿರುವ ನ್ಯೂಜಿಲೆಂಡ್ನಲ್ಲಿ ಹೊಸ ವರ್ಷದ ಸಂಭ್ರಮಾಚರಣೆ ಜೋರಾಗಿದೆ. ಸ್ಕೈಸಿಟಿ ಸಿಡಿಮದ್ದು ಮತ್ತು ಆಕ್ಲಂಡ್ ಹಾರ್ಬರ್ ಸೇತುವೆ ಮೇಲಿನ ವೆಕ್ಟರ್ ಬೆಳಕಿನ ಚಿತ್ತಾರದ ಮೂಲಕ ಹೊಸ ವರ್ಷ ಆಚರಿಸಲಾಯಿತು.
#WATCH | New Zealand rings in the New Year with fireworks show pic.twitter.com/1Pf2PTUmwj
— ANI (@ANI) December 31, 2020
ನ್ಯೂಜಿಲೆಂಡ್ ನಂತರ ಆಸ್ಟ್ರೇಲಿಯಾದಲ್ಲಿಯೂ ಹಬ್ಬದ ವಾತಾವರಣ ಸೃಷ್ಟಿಯಾಯಿತು. ಇಲ್ಲಿ ಕೂಡ ಕೊರೊನಾ ವೈರಸ್ ನಿರ್ಬಂಧಗಳು ಕಡಿಮೆ ಇರುವುದರಿಂದ ಸಂಭ್ರಮ ಜೋರಾಗಿತ್ತು.
#WATCH | Australia welcomes the New Year with fireworks show; visuals from Sydney
— ANI (@ANI) December 31, 2020
(Courtesy: Reuters) pic.twitter.com/vaOq5l7zdQ
ಸಿಡ್ನಿಯ ಹಾರ್ಬರ್ ಸೇತುವೆ ಮತ್ತು ದೋಣಿಗಳ ಮೇಲೆ ಪಟಾಕಿಗಳನ್ನು ಸಿಡಿಸಲಾಯಿತು. ಆಕ್ಲಂಡ್ನಲ್ಲಿ ಜನರು ಕಿಕ್ಕಿರಿದು ತುಂಬಿದ್ದರೆ, ಸಿಡ್ನಿಯಲ್ಲಿ ಗುಂಪುಗಳಿಲ್ಲದೆ ಸಿಡಿಮದ್ದು ಪ್ರದರ್ಶನ ನಡೆಯಿತು.