Click it and Unblock the Notifications
Just In
-
-
-
Don't Miss
-
ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ -
Neha Murder Case: ನೇಹಾ ಹತ್ಯೆ ಅಪರಾಧಿಗೆ ಅತ್ಯುಗ್ರ ಶಿಕ್ಷೆ ನೀಡಬೇಕು ಎಂದು ಸಿನಿಮಾ ತಾರೆಯರ ಆಗ್ರಹ -
Earbuds: 2000 ರೂ. ಒಳಗೆ ಲಭ್ಯ ಇರುವ ಅತ್ಯುತ್ತಮ ಇಯರ್ಬಡ್ಸ್! ಸಖತ್ ಫೀಚರ್ಸ್... -
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದಕ್ಷಿಣ ಆಫ್ರಿಕದ ಮಾಜಿ ಅಧ್ಯಕ್ಷ ನೆಲ್ಸನ್ ಮಂಡೇಲಾ ಪುತ್ರಿ ನಿಧನ
ಜೋಹಾನ್ಸ್‌ಬರ್ಗ್, ಜುಲೈ 13: ಶತಮಾನದ ಕಪ್ಪು ಜನರ ನಾಯಕ, ದಕ್ಷಿಣ ಆಫ್ರಿಕದ ಮಾಜಿ ಅಧ್ಯಕ್ಷ ನೆಲ್ಸನ್ ಮಂಡೇಲಾ ಅವರ ಪುತ್ರಿ ಜಿಂದಜೀ(59) ನಿಧನರಾಗಿದ್ದಾರೆ.
ಆಕೆಯ ಮರಣ ಸಂದರ್ಭದಲ್ಲಿ ಡೆನ್‌ಮಾರ್ಕ್‌ನ ರಾಯಭಾರಿಯಾಗಿದ್ದಳು.ಜೋಹಾನ್ಸ್‌ ಬರ್ಗ್‌ನ ಆಸ್ಪತ್ರೆಯೊಂದರಲ್ಲಿ ಜಿಂದಜೀ ಸಾವನ್ನಪ್ಪಿದ್ದಾರೆ.ಆಕೆಯ ಸಾವಿಗೆ ಕಾರಣ ಇನ್ನೂ ತಿಳಿದುಬಂದಿಲ್ಲ. ಜಿಂದಜೀ ಅವರು ನೆಲ್ಸನ್ ಮಂಡೇಲಾ ಆವರ ಆರನೇ ಪುತ್ರಿಯಾಗಿದ್ದಾರೆ.
ವರ್ಣಭೇದದ ವಿರುದ್ಧದ ಹೋರಾಟಗಾರ್ತಿ ವಿನ್ನಿ ಮಂಡೇಲಾ ನಿಧನ
ನೆಲ್ಸನ್ ಮಂಡೇಲಾ ಅವರ ಆರು ಮಕ್ಕಳಲ್ಲಿ ಕೇವಲ ಇಬ್ಬರು ಮಾತ್ರ ಬದುಕುಳಿದಿದ್ದಾರೆ.ಆಕೆಯ ತಂದೆ ನೆಲ್ಸನ್ ಮಂಡೇಲಾ ಅವರು ಜೈಲುವಾಸದ 27 ವರ್ಷಗಳ ಶಿಕ್ಷೆಯಲ್ಲಿ 18 ವರ್ಷಗಳ ಕಾಲ ರಾಬೆನ್ ಐಸ್‌ಲ್ಯಾಂಡ್‌ನ ಕಾರಾಗೃಹದಲ್ಲಿ ಕಳೆದರು.
ಶ್ವಾಸಕೋಶದ ಸೋಂಕಿನಿಂದ ಬಳಲುತ್ತಿದ್ದ ನೆಲ್ಸನ್ ಮಂಡೇಲಾ ಅವರು 2013ರ ಜೂನ್‌ನಿಂದ ಪ್ರಿಟೋರಿಯಾದ ಆಸ್ಪತ್ರೆಯಲ್ಲಿ ಮೂರು ತಿಂಗಳು ಚಿಕಿತ್ಸೆ ಪಡೆದಿದ್ದರು. ಬಳಿಕ ಸೆಪ್ಟೆಂಬರ್‌ನಿಂದ ಜೋಹನ್ಸ್‌ಬರ್ಗ್‌ನ ಉಪನಗರ ಹೂಂಗ್ಟನ್‌ನಲ್ಲಿರುವ ತಮ್ಮ ನಿವಾಸದಲ್ಲಿ ವೈದ್ಯಕೀಯ ತಂಡದ ನಿಗಾದಲ್ಲಿದ್ದರು.
ದಕ್ಷಿಣ ಆಫ್ರಿಕಾದ ಮೊದಲ ಕಪ್ಪು ಅಧ್ಯಕ್ಷರಾಗಿದ್ದ ಮಂಡೇಲಾ ಅವರಿಗೆ ಭಾರತ 1990ರಲ್ಲಿ ತನ್ನ ಅತ್ಯುನ್ನತ ನಾಗರಿಕ ಮನ್ನಣೆ 'ಭಾರತ ರತ್ನ' ನೀಡಿ ಗೌರವಿಸಿತ್ತು. ನೊಬೆಲ್ ಪ್ರಶಸ್ತಿಯೂ ಅವರಿಗೆ ಒಲಿದು ಬಂದಿತ್ತು.
ಮಂಡೇಲಾ ಮೊದಲಿಗೆ ವಕೀಲಿಕೆ ಮಾಡುತ್ತಿದ್ದರು. ಕೆಲ ಕಾಲ ಬಾಕ್ಸರ್ ಆಗಿಯೂ ಹೆಸರು ಗಳಿಸಿದ್ದರು. ಸರಿಯಾಗಿ 50 ವರ್ಷಗಳ ಹಿಂದೆ ವರ್ಣಭೇದ ನೀತಿಯ ಸಂಕೋಲೆಗೆ ಸಿಲುಕಿ ನರಳುತ್ತಿದ್ದ ದಕ್ಷಿಣ ಆಫ್ರಿಕಾದ ಕಪ್ಪು ಜನರಿಗೆ ಘನತೆಯ ಬಾಳು ಕಲ್ಪಿಸುವ ಪಣ ತೊಟ್ಟು ಬಿಳಿಯರ ವಿರುದ್ಧ ಸಿಡಿದೆದ್ದರು.
ದೇಶಾದ್ಯಂತ ಚಳವಳಿ ಹುಟ್ಟು ಹಾಕಿದರು. ವರ್ಣಭೇದ ನೀತಿಯ ಕರಾಳ ಮುಖವನ್ನು ಇಡೀ ಪ್ರಪಂಚದ ಮುಂದೆ ಅನಾವರಣಗೊಳಿಸಿ ಎಲ್ಲರ ಮನೆ, ಮನ ಗೆದ್ದರು. ನೆಲ್ಸನ್ ಮಂಡೇಲಾ(95) ಭಾರತೀಯ ಕಾಲಮಾನ 2013 ರ ಡಿಸೆಂಬರ್ 7 ರಂದು ನಿಧನರಾಗಿದ್ದರು.
