• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮ್ಯಾನ್‌ ಬೂಕರ್ ಪ್ರಶಸ್ತಿ ರೇಸ್‌ನಲ್ಲಿ ಎನ್‌ಆರ್‌ಐ ನೀಲ್‌

|

ಲಂಡನ್‌, ಸೆ. 9 : ಸಾಹಿತ್ಯ ಕ್ಷೇತ್ರದ ಪ್ರತಿಷ್ಠಿತ ಮ್ಯಾನ್‌ ಬೂಕರ್‌ ಪ್ರಶಸ್ತಿಗೆ ಭಾರತೀಯ ಮೂಲದ ಲೇಖಕ ನೀಲ್‌ ಮುಖರ್ಜಿ ಕೃತಿ 'ದ ಲೈವ್ಸ್‌ ಆಫ್‌ ಅದರ್ಸ್‌' ನಾಮಕರಣಗೊಂಡಿದ್ದು ಅಂತಿಮ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ.

ಮುಖರ್ಜಿ ಪುಸ್ತಕದ ಜತೆಗೆ ಝೋಷಾ ಪೇರಿಸ್‌ ಬರೆದಿರುವ 'ಟಿ ರೈಸ್‌ ಅಗೇನ್‌ ಆಟ್‌ ಅ ಡೆಕೆನ್ಟ್‌ ಅವರ್‌', ರಿಚರ್ಡ್‌ ಪ್ಲಾಗ್ನಂ ವಿರಚಿತ 'ದಿ ನ್ಯಾರೋ ರೋಡ್‌ ಟು ದಿ ಡೀಪ್‌ ನಾರ್ತ್‌', ಕರೆನ್‌ ಜಾಯ್‌ ಫ್ಲವರ್‌ ವಿರಚಿತ 'ವಿ ಆರ್‌ ಆಲ್‌ ಕಂಪ್ಲಿಟ್ಲಿ ಬಿಸೈಡ್‌ ಅವರ್‌ಸೆಲ್ಸ್‌', ಅಲಿ ಸ್ಮಿತ್‌ ಬರೆದ 'ಹೌ ಟು ಬಿ ಬೋತ್‌' ಮತ್ತು ಹೋವಾರ್ಡ್‌ ಜಾಕೊಬ್‌ಸನ್‌ ಬರೆದ 'ಜೆ' ಆಯ್ಕೆಯಾಗಿವೆ. (ಯು.ಆರ್.ಅನಂತಮೂರ್ತಿ ಕೈ ತಪ್ಪಿದ ಬೂಕರ್ ಪ್ರಶಸ್ತಿ)

1960ನೇ ಇಸವಿಯಲ್ಲಿ ಪಶ್ಚಿಮ ಬಂಗಾಳದಲ್ಲಿ ಚಾಲ್ತಿಯಲ್ಲಿದ್ದ ನಕ್ಸಲಿಸಂ ಕತೆ ಆಧಾರಿತ ಕೃತಿ 2014ರ ಬೂಕರ್‌ಗೆ ನಾಮನಿರ್ದೇಶನಗೊಂಡಿದೆ.

ಕಳೆದ ಮೇ ತಿಂಗಳಲ್ಲಿ ಪ್ರಕಟವಾದ ಪುಸ್ತಕ ಬಹಳಷ್ಟು ಜನರಿಗೆ ಇಷ್ಟವಾಗಿತ್ತು.

ಇದರ ಪ್ರಾರಂಭದ ಪುಟಗಳೇ ಓದುಗನ ಮೇಲೆ ಗಾಢ ಪರಿಣಾಮ ಬೀರುವಂತಿದ್ದು, ಆಧುನಿಕ ಭಾರತದ ಚಿತ್ರಣವನ್ನು ಕಟ್ಟಿಕೊಟ್ಟಿದೆ. ಯಾವುದೇ ಒತ್ತಡಕ್ಕೆ ಒಳಗಾಗದೇ ಕೊನೆಯ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದೇವೆ ಎಂದು ಬೂಕರ್‌ ಪ್ರಶಸ್ತಿ ಆಯ್ಕೆ ಸಮಿತಿಯ ಮುಖ್ಯಸ್ಥ ಎ.ಸಿ.ಗ್ರಾಯ್‌ಲಿಂಗ್‌ ಹೇಳಿದ್ದಾರೆ.

ಅಂತಿಮ ಪಟ್ಟಿ ಬಹಿರಂಗಪಡಿಸಲು ನಮಗೆ ತುಂಬಾ ಸಂತೋಷವಾಗುತ್ತಿದೆ. ಬೂಕರ್‌ ವ್ಯಾಪ್ತಿ ಇಡಿ ಪ್ರಪಂಚಕ್ಕೆ ಹರಡಿದ್ದು ಅಮೆರಿಕ, ಇಂಗ್ಲೆಂಡ್‌, ಥೈಲ್ಯಾಂಡ್‌, ಇಟಲಿ ಮತ್ತು ಭಾರತದ ಕೋಲ್ಕತ್ತಾಕ್ಕೂಕ್ಕೆ ಸಂಬಂಧಿಸಿದ ಕತೆಗಳು ಸ್ಪರ್ಧೆಯಲ್ಲಿವೆ ಎಂದು ಹೇಳಿದರು.

ಕೃತಿಯ ಆಳ ಮತ್ತು ಸಮಗ್ರತೆ ಅಧ್ಯಯನ ಮಾಡಿ ಪಟ್ಟಿ ಸಿದ್ಧಪಡಿಸಲಾಗಿದೆ. ತೀರ್ಪುಗಾರರು ಇನ್ನೊಮ್ಮೆ ಎಲ್ಲ ಕೃತಿಗಳ ಪರಿಶೀಲನೆ ನಡೆಸಲಿದ್ದಾರೆ ಎಂದು ತಿಳಿಸಿದರು.

ಅಂತಿಮವಾಗಿ ಕೃತಿ ಮತ್ತು ಲೇಖಕರನ್ನು ಘೋಷಿಸಿ ಅಕ್ಟೋಬರ್‌ 14 ರಂದು ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ಗ್ರಾಯ್‌ಲಿಂಗ್‌ ತಿಳಿಸಿದರು.

ಅನಂತಮೂರ್ತಿ ಆಯ್ಕೆಯಾಗಿದ್ದರು

ಕಳೆದ ಬಾರಿ ಮ್ಯಾನ್‌ ಬೂಕರ್‌ ಪ್ರಶಸ್ತಿಗೆ ದಿವಂಗತ ಸಾಹಿತಿ ಯು.ಆರ್‌.ಅನಂತಮೂರ್ತಿ ಅವರು ನಾಮನಿರ್ದೇಶನಗೊಂಡಿದ್ದರು. ಆದರೆ ಅಂತಿಮವಾಗಿ ಪ್ರಶಸ್ತಿ ನ್ಯೂಯಾರ್ಕ್‌ ಮೂಲ ಸಣ್ಣಕಥೆಗಾರ್ತಿ ಲೈಡಾ ಪಾಲಾಗಿತ್ತು.

ಏನಿದು ಪ್ರಶಸ್ತಿ

ಮ್ಯಾನ್ ಬೂಕರ್ ಇಂಟರ್ ನ್ಯಾಷನಲ್ ಪ್ರಶಸ್ತಿಯನ್ನು ವಿಶ್ವದ ಯಾವುದೇ ದೇಶದ, ಇಂಗ್ಲೀಷ್ ಭಾಷೆ ತರ್ಜುಮೆಗೆ ಲಭ್ಯವಿರುವ ಯಾವುದೇ ಭಾಷೆಯ ಕೃತಿಗೆ ನೀಡಲಾಗುತ್ತದೆ. 2005ರಿಂದ ಈ ಪ್ರಶಸ್ತಿಯನ್ನು ಪ್ರತಿ 2 ವರ್ಷಕ್ಕೊಮ್ಮೆ ನೀಡಲಾಗುತ್ತಿದೆ. ಪ್ರಶಸ್ತಿಯೂ 51 ಲಕ್ಷ ರೂ. ನಗದು ಮತ್ತು ಸ್ಮರಣಿಕೆಯನ್ನು ಒಳಗೊಂಡಿರುತ್ತದೆ.

English summary
Indian-origin writer Neel Mukherjee’s ‘The Lives of Others’, a dark tale set in the context of naxalism in 1960s West Bengal, has been shortlisted for the 2014 Man Booker Prize for Fiction, one of the most prestigious awards in the English-language literary world.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X