• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮಂಗಳನ ಅಂಗಳದಲ್ಲಿ ಭಾರತ-ಅಮೆರಿಕ ಜುಗಲ್ ಬಂದಿ

|

ವಾಷಿಂಗ್ ಟನ್, ಫೆಬ್ರವರಿ, 29: ಭಾರತದ ಸಂಶೋಧನಾ ಸಾಧನೆಗೆ ಮತ್ತೊಂದು ಗರಿ ಸಿಕ್ಕಿದೆ. ಅಮೆರಿಕ ಬಾಹ್ಯಾಕಾಶ ಸಂಸ್ಥೆ ನಾಸಾ ಭಾರತದ ಮಂಗಳಯಾನದ ಯಶಸ್ಸನ್ನು ಕೊಂಡಾಡಿದ್ದು ಜಂಟಿಯಾಗಿ ಸಂಶೋಧನೆ ನಡೆಸಲು ಆಹ್ವಾನ ನೀಡಿದೆ.

ಭಾರತ ಮತ್ತು ಅಮೆರಿಕ ಜಂಟಿಯಾಗಿ ಮಂಗಳ ಗ್ರಹ ಶೋಧ ನಡೆಸಬಹುದು. ಭಾರತೀಯ ಗಗನ ಯಾತ್ರಿಯೊಬ್ಬರು ಜಂಟಿ ಯೋಜನೆ ಭಾಗವಾಗಿ ಮಂಗಳನ ಮೇಲೆ ಕಾಲಿಡಬಹುದು ಎಂದು ನಾಸಾದ ಜೆಟ್‌ ಪ್ರೊಪಲ್ಶನ್‌ ಲ್ಯಾಬೊರೇಟರಿಯ (ಜೆಪಿಎಲ್‌) ನಿರ್ದೇಶಕ ಚಾರ್ಲ್ಸ್‌ ಎಲಕಿ ಹೇಳಿದ್ದಾರೆ.[ಮಂಗಳನ ಅಂಗಳದ ಬೆರಗುಗೊಳಿಸುವ ಚಿತ್ರಗಳು]

ಮುಂದಿನ ದಶಕದಲ್ಲಿ ಮಂಗಳ ಗ್ರಹ ಯೋಜನೆಯನ್ನು ಹಮ್ಮಿಕೊಳ್ಳಲು ನಾಸಾ ನಿರ್ಧರಿಸಿದೆ. ಸದ್ಯವೇ ಈ ಬಗ್ಗೆ ಸಭೆಯನ್ನು ನಡೆಸಿ ಸ್ಪಷ್ಟ ತೀರ್ಮಾನಕ್ಕೆ ಬರಲಾಗುವುದು. ಮಂಗಳನಲ್ಲಿಗೆ ಮಾನವ ಸಹಿತ ಯಾತ್ರೆಯ ಪೂರ್ವ ಸಿದ್ಧತೆಯನ್ನು ಆರಂಭಿಸಲಾಗುವುದು ಎಂದು ಚಾರ್ಲ್ಸ್ ತಿಳಿಸಿದ್ದಾರೆ.

ಕಡಿಮೆ ವೆಚ್ಚದಲ್ಲಿ ಭಾರತ ಮಂಗಳಯಾನಕ್ಕೆ ಸಂಬಂಧಿಸಿ ಮಾಡಿದ ಸಾಧನೆಯನ್ನು ಮೆಚ್ಚಲೇಬೇಕು. ಇಸ್ರೊದ ಸಾಮರ್ಥ್ಯದ ಬಗ್ಗೆ ಜಗತ್ತು ಅಚ್ಚರಿಗೊಂಡಿದೆ. ಹೀಗಾಗಿ ಇಸ್ರೊ ಜತೆಗೆ ಮಂಗಳ ಗ್ರಹ ಶೋಧ ಕಾರ್ಯಕ್ರಮ ನಡೆಸಲು ನಾಸಾ ಉತ್ಸುಕವಾಗಿದೆ ಎಂದು ಚಾರ್ಲ್ಸ್‌ ಹೇಳಿದ್ದಾರೆ.[ಮಂಗಳನ ಮೇಲಿನ ಸೂರ್ಯಾಸ್ತ ದೃಶ್ಯ ಹೇಗಿರುತ್ತದೆ?]

ಅಲ್ಲದೇ ಅಮೆರಿಕ, ಯುರೋಪ್‌, ಫ್ರಾನ್ಸ್‌ ಮತ್ತು ಇಟಲಿಯನ್ನು ಒಳಗೊಂಡ ಬಾಹ್ಯಾಕಾಶ ಸಂಶೋಧನಾ ಗುಂಪಿಗೆ ಭಾರತವೂ ಸೇರಬೇಕು. ನಿಸಾರ್‌ ಎಂಬ ಹೆಸರಿನ ವಿನೂತನ ಕಾರ್ಯಕ್ರಮವೊಂದನ್ನು ನಾಸಾ ಮತ್ತು ಇಸ್ರೊ ಸಹಭಾಗಿತ್ವದಲ್ಲಿ 2020ರ ವೇಳೆಗೆ ಆರಂಭಗೊಳ್ಳಲಿದೆ. ಜಗತ್ತಿನಾದ್ಯಂತ ಇರುವ ನೈಸರ್ಗಿಕ ಸಂಪನ್ಮೂಲಗಳನ್ನು ಗುರುತಿಸುವಿಕೆ, ನೈಸರ್ಗಿಕ ವಿಕೋಪಗಳ ಮಾಹಿತಿ ಪಡೆಯುವುದು, ಹವಾಮಾನ ಬದಲಾವಣೆ ತಿಳಿವಳಿಕೆ ಇದರ ಪ್ರಮುಖ ಉದ್ದೇಶವಾಗಿರುತ್ತದೆ ಎಂದು ಚಾರ್ಲ್ಸ್ ತಿಳಿಸಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
After the Success of Indian Mission Mars India and the America could jointly explore Mars. India's maiden mission to the Red Planet, Mangalyaan,(Maam) has opened the eyes of the world on ISRO's capabilities at undertaking low cost, high value inter-planetary mission.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more