• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನ.11 ರಂದು ನಡೆದಿತ್ತೊಂದು ವಿಲಕ್ಷಣ ಘಟನೆ! ಕಾರಣ ನಿಗೂಢ!

|

ಮಾಯೋಟ್ಟ್(ಆಫ್ರಿಕಾ), ನವೆಂಬರ್ 30: ಕೆಲ ದಿನಗಳ ಹಿಂದೆ ಭೂಮಿಯಲ್ಲಿ ನಡೆದ ವಿಲಕ್ಷಣ ಘಟನೆಯೊಂದು ವಿಜ್ಞಾನಿಗಳ ನಿದ್ದೆ ಕೆಡಿಸಿದೆ. ನವೆಂಬರ್ 11 ರಂದು ಭಾನುವಾರ ಸುಮಾರು ಬೆಳಿಗ್ಗೆ 9:30 ರ ಸುಮಾರಿಗೆ ಕೆಲವು ತರಂಗಗಳು ವಿಶ್ವದಾದ್ಯಂತ ಚಲಿಸಿದ್ದವು! ಭೂಕಂಪ ಉಂಟಾದಾಗ ಸೃಷ್ಟಿಯಾಗುವ ತರಂಗಗಳಂಥ ಇವು, ಆಫ್ರಿಕಾ ಮತ್ತು ಮಡಗಾಸ್ಕರ್ ನಡುವೆ ಇರುವ ಮಾಯೋಟ್ಟ್ ಎಂಬ ದ್ವೀಪದಲ್ಲಿ ಮೊದಲು ಕಾಣಿಸಿಕೊಂಡವು.

ಪವಾಡದಂಥ ಘಟನೆ, ನಂಬದೇ ಇರಲು ಹೇಗೆ ಸಾಧ್ಯ?

ನಂತರ ಈ ತರಂಗಗಳು ಆಫ್ರಿಕಾ, ಜಿಂಬಾಬ್ವೆ, ಕೀನ್ಯಾ, ಇಥಿಯೋಪಿಯಾಗಳಿಗೆಲ್ಲ ಸಾಗಿ ನಂತರ ಅಟ್ಲಾಂಟಿಕ್ ಮತ್ತು ಚಿಲಿ, ನ್ಯೂಜಿಲೆಂಡ್, ಕೆನಡಾ ಮತ್ತು ಹವಾಯಿಗುಂಟ ಸುಮಾರು 11,000 ಮೈಲಿ ದೂರ ಕ್ರಮಿಸಿದ್ದವು!

ಸೂಚನೆ ನೀಡದೆ ಬಂದು ವಿಜ್ಞಾನಿಗಳಿಗೇ ಅಚ್ಚರಿ ನೀಡಿದ ಸುನಾಮಿ!

ಆದರೆ ಈ ತರಂಗಗಳ ಸೃಷ್ಟಿಯ ಅನುಭವ ಯಾರಿಗೂ ಆಗಿಲ್ಲ. ಭೂಕಂಪದ ಅನುಭವವಾಗಿಲ್ಲ, ಸಾಗರಗಳಲ್ಲಿ ಸುನಾಮಿಯೂ ಎದ್ದಿಲ್ಲ. ಆದರೆ ಇದು ಭೂಕಂಪನಮಾಪನದಲ್ಲಿ ದಾಖಲಾಗಿದೆ! ತರಂಗಗಳ ಏರಿಳಿತಗಳು ಸ್ಪಷ್ಟವಾಗಿ ನಮೂದಾಗಿದ್ದು, ಇವು ಯಾಕಾಗಿ ಹುಟ್ಟಿದವು ಎಂಬುದು ವಿಜ್ಞಾನಿಗಳಿಗೆ ಅತ್ಯಂತ ಕುತೂಹಲದ ವಿಷಯವಾಗಿ ಉಳಿದಿದೆ.

ಸುಮಾರು 20 ನಿಮಿಷಗಳ ಕಾಲ ಈ ತರಂಗಗಳು ಓಡಾಡಿತ್ತು, ಹಿಂದು ಮಹಾಸಾಗರದಲ್ಲಿ ಮೊದಲು ಕಾಣಿಸಿಕೊಂಡಿತ್ತು. ಸಾಮಾನ್ಯವಾಗಿ ಭೂಕಂಪ ಸಂಭವಿಸಿದ ನಂತರ ಇಂಥ ತರಂಗಗಳು ಸರ್ವೇಸಾಮಾನ್ಯವಾಗಿ ಕಾಣಿಸುತ್ತವೆ. ಇದನ್ನು ಮಾಪನದ ಮೂಲಕ ಗುರುತಿಸಬಹುದಾಗಿದೆ.

ಆದರೆ ಈ ಭಾಗದಲ್ಲಿ ಯಾವುದೇ ಭೂಕಂಪ ದಾಖಲಾಗದಿದ್ದರೂ, ಯಾವುದೇ ಸುನಾಮಿ ಏಳದಿದ್ದರೂ, ಜ್ವಾಲಾಮುಖಿ ಸ್ಫೋಟಿಸದಿದ್ದರೂ ಈ ವಿಲಕ್ಷಣ ಘಟನೆ ನಡೆದಿದ್ದು, ವಿಜ್ಞಾನಿಗಳಲ್ಲಿ ಅಚ್ಚರಿ ಮೂಡಿಸಿದೆ.

ಉಲ್ಕಾಶಿಲೆಯಿಂದಲೋ, ನೀರಿನಾಳದಲ್ಲಿರಬಹುದಾದ ದೈತ್ಯ ಜೀವಿಯಿಂದಲೋ, ಅಥವಾ ಜ್ವಾಲಾಮುಖಿಯಿಂದಲೋ ಅಥವಾ ಅಣು ಪರೀಕ್ಷೆಯಿಂದಲೋ ಮಾತ್ರ ಈ ರೀತಿಯ ತರಂಗಗಳು ಏಳಲು ಸಾಧ್ಯವಿದ್ದು, ಈ ಕುರಿತು ಸಾಕಷ್ಟು ಅಧ್ಯಯನ ನಡೆಯುವ ಅಗತ್ಯವಿದೆ ಎಂದು ವಿಜ್ಞಾನಿಗಳು ಅಭಿಪ್ರಾಯ ಪಟ್ಟಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
On Sunday November 11, around 9.30 am, a series of strange seismic waves rolled around the world. This mysterious event creates curiosity among scientists,
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more