ಮಿಸ್ ಸೌತ್ ಆಫ್ರಿಕಾ ಮುಡಿಗೆ 2017ರ ಮಿಸ್ ಯೂನಿವರ್ಸ್ ಗರಿ
ಕೊಲಂಬೋ, ನವೆಂಬರ್ 27 : ಸೌತ್ ಆಫ್ರಿಕಾದ ಸುಂದರಿ ಡೆಮಿ-ಲೀ ನೆಲ್-ಪೀಟರ್ಸ್(22) ಅವರು 2017ನೇ ಸಾಲಿನ ಮಿಸ್ ಯೂನಿವರ್ಸ್ ಕಿರೀಟವನ್ನು ಭಾನುವಾರ (ನ.26) ರಂದು ತಮ್ಮ ಮುಡಿಗೇರಿಸಿಕೊಂಡಿದ್ದಾರೆ.
ಫ್ರಾನ್ಸ್ ಸುಂದರಿಗೆ ಒಲಿಯಿತು ಮಿಸ್ ಯೂನಿವರ್ಸ್ ಪಟ್ಟ
ಶ್ರೀಲಂಕಾದ ಕೊಲಂಬೋದಲ್ಲಿ ನಡೆಯುತ್ತಿರುವ 2017 ರ ಮಿಸ್ ಯೂನಿವರ್ಸ್ ಸ್ಪರ್ಧೆಯಲ್ಲಿ ದಕ್ಷಿಣಾ ಆಫ್ರಿಕಾದ ಸುಂದರಿ ಸ್ಪರ್ಧೆಯಲ್ಲಿ ಜಯಗಳಿಸುವ ಮೂಲಕ ಈ ಕೀರ್ತಿಗೆ ಭಾಜನರಾಗಿದ್ದಾರೆ. ಇನ್ನು ಸ್ಪರ್ಧೆಯಲ್ಲಿ ಭಾರತದ ಶ್ರದ್ಧಾ ಶ್ರೀಧರ್ ಕಣದಲ್ಲಿದ್ದರಾದರೂ, ಟಾಪ್ 16 ರ ಪಟ್ಟಿಗೆ ಪ್ರವೇಶ ಪಡೆಯುವಲ್ಲಿ ವಿಫಲರಾದರು. ಆ ಮೂಲಕ ಮತ್ತೆ ಭಾರತದ ಮಿಸ್ ಯೂನಿವರ್ಸ್ ಕನಸು ಭಗ್ನಗೊಂಡಿದೆ.
ಇನ್ನು ಸ್ಪರ್ಧೆಯಲ್ಲಿ ಕೊಲಂಬಿಯಾ ಮೂಲದ ನಟಿ ಲಾರಾ ಗೊನ್ಸಾಲಿಸ್, ಮತ್ತು ಜಮೈಕಾದ ಢೆವಿನಾ ಬೆನೆಟ್ ಅವರು ರನ್ನರ್ ಅಪ್ ಪ್ರಶಸ್ತಿಗೆ ತೃಪ್ತಿಪಟ್ಟುಕೊಂಡರು. ಇನ್ನು ಮಿಸ್ ಯೂನಿವರ್ಸ್ ಆಗಿ ಡೆಮಿ ಲೀ ಪೀಟರ್ಸ್ ಆಯ್ಕೆಯಾದ ವಿಚಾರವನ್ನು ಮಿಸ್ ಯೂನಿವರ್ಸ್ ಸ್ಪರ್ಧೆಯ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಪ್ರಕಟಿಸಲಾಗಿದೆ. ಸ್ಪರ್ಧೆಯಲ್ಲಿ ಒಟ್ಟು92 ಭಾಗವಹಿಸಿದ್ದರು.
ಮಿಸ್ ವರ್ಲ್ಡ್ ಗೋಸ್ ಟು.. ಇಂಡಿಯಾ! ಪ್ರಶಸ್ತಿ ಗೆದ್ದ ಹರ್ಯಾಣದ ಚೆಲುವೆ
ಟಾಪ್ 13 ರಲ್ಲಿ ಥೈಲ್ಯಾಂಡ್, ಶ್ರೀಲಂಕಾ, ಸ್ಪೈನ್, ಕ್ರೋಟಿಯಾ, ಬಿಟನ್, ಯುಎಸ್ಎ, ಬ್ರೆಜಿಲ್, ಕೆನಡಾ, ಫಿಲಿಫೈನ್ಸ್, ವೆನೆಜುಲಾ ಹಾಗೂ ಚೀನಾದಿಂದ ಸ್ಪರ್ಧಿಗಳು ಪಾಲ್ಗೊಂಡಿದ್ದರು.