ದಕ್ಷಿಣ ಆಫ್ರಿಕಾದ ಚೆಲುವೆಗೆ ಒಲಿದ ವಿಶ್ವ ಸುಂದರಿ ಪಟ್ಟ
ಲಂಡನ್, ಡಿ. 15: ದಕ್ಷಿಣ ಆಫ್ರಿಕಾದ ಚೆಲುವೆ ರೋಲೆನ್ ಸ್ಟ್ರಾಸ್ ಅವರು ವಿಶ್ವ ಸುಂದರಿ ಪಟ್ಟ ಅಲಂಕರಿಸಿದ್ದಾರೆ. ಲಂಡನ್ನಲ್ಲಿ ಭಾನುವಾರ ನಡೆದ ಸ್ಪರ್ಧೆಯ ಅಂತಿಮ ಸುತ್ತಿನಲ್ಲಿ ಸುಂದರಿ ಕಿರೀಟ ಮುಡಿಗೇರಿಸಿಕೊಂಡಳು.
ರನ್ನರ್ ಅಪ್ ಪ್ರಶಸ್ತಿಯು ಹಂಗೇರಿಯ ಎಡಿನಾ ಕುಲ್ಸಾರ್ ಅವರ ಪಾಲಾಗಿದೆ. ಅಮೆರಿಕದ ಎಲಿಜಬೆತ್ ಸಫ್ರಿತ್ ಮೂರನೇ ಸುಂದರಿಯಾದರು. ಸ್ಪರ್ಧೆಯಲ್ಲೊ ಒಟ್ಟು 121 ದೇಶಗಳ ಸುಂದರಿಯರು ಪಾಲ್ಗೊಂಡಿದ್ದರು.[ತವರಿನ ಸುಂದರಿಗೆ ಭದ್ರಾವತಿಯಲ್ಲಿ ಭರ್ಜರಿ ಸ್ವಾಗತ]
ಮಾಜಿ ವಿಶ್ವಸುಂದರಿ, ಬಾಲಿವುಡ್ ತಾರೆ ಐಶ್ವರ್ಯಾ ರೈ ಪತಿ ಅಭೀಷೇಕ್ ಬಚ್ಚನ್ ಮತ್ತು ಪುತ್ರಿ ಆರಾಧ್ಯಾ ಜತೆ ಕಾಣಿಸಿಕೊಂಡರು. ಮಿಸ್ ಇಂಡಿಯಾ ಕೊಯಲ್ ರಾಣಾ ನೃತ್ಯ ಕಾರ್ಯಕ್ರಮ ನೀಡಿದರು. ಕೊನೆಯ ಸುತ್ತಿನಲ್ಲಿ ಭಾರತ, ದಕ್ಷಿಣ ಆಫ್ರಿಕಾ, ಇಂಗೆಂಡ್, ಬ್ರೆಜಿಲ್, ಹಂಗೇರಿ, ಕೀನ್ಯಾ, ಅಮೆರಿಕ, ಮೆಕ್ಸಿಕೋ , ಆಸ್ಟ್ರೇಲಿಯಾದ ಸುಂದರಿಯರು ಸ್ಪರ್ಧೆಯೊಡ್ಡಿದ್ದರು.[ಭದ್ರಾವತಿಯ ಆಶಾ ಭಟ್ ಜಗಮೆಚ್ಚಿದ ಸುಂದರಿ]
ವಿಶ್ವ ಸುಂದರಿಯರ ಕೆಲ ಚಿತ್ರಗಳು....(ಪಿಟಿಐ ಚಿತ್ರಗಳು)
ಸುಂದರಿ ಸಂಭ್ರಮ
ಲಂಡನ್ ನಲ್ಲಿ ನಡೆದ ಅಂತಿಮ ಹಣಾಹಣಿಯಲ್ಲಿ ವಿಶ್ವ ಸುಂದರಿ ಪಟ್ಟ ಅಲಂಕರಿಸಿದ ದಕ್ಷಿಣ ಆಫ್ರಿಕಾದ ಚೆಲುವೆ ರೋಲೆನ್ ಸ್ಟ್ರಾಸ್.
ಐಶ್ವರ್ಯಾ ಹಾಜರಿ
ಮಾಜಿ ವಿಶ್ವಸುಂದರಿ, ಬಾಲಿವುಡ್ ತಾರೆ ಐಶ್ವರ್ಯಾ ರೈ, ಪತಿ ಅಭೀಷೇಕ್ ಬಚ್ಚನ್ ಮತ್ತು ಪುತ್ರಿ ಆರಾಧ್ಯಾ ಜತೆ ಕಾಣಿಸಿಕೊಂಡು ಪ್ರಶಸ್ತಿ ವಿತರಿಸಿದರು.
ಮಿಸ್ ಇಂಡಿಯಾ ನೃತ್ಯ
ಟಾಪ್ 10 ನಲ್ಲಿ ಸ್ಥಾನ ಪಡೆದ ಮಿಸ್ ಇಂಡಿಯಾ ಕೊಯಲ್ ರಾಣಾ ನೃತ್ಯ ಕಾರ್ಯಕ್ರಮ ನಡೆಸಿಕೊಟ್ಟರು
ಜಗಮೆಚ್ಚಿದ ಸುಂದರಿ
ಅಂತಿಮ ಸ್ಪರ್ಧೆಯಲ್ಲಿ ಗೆದ್ದು ಬೀಗಿದ ದಕ್ಷಿಣ ಆಫ್ರಿಕಾದ ಸುಂದರಿ.