ಬಿಸಿ ಹವೆಯಲ್ಲಿ ಬೇಯುತ್ತಿದೆ ಜಪಾನ್: ವಾರಾಂತ್ಯದಲ್ಲಿ 14 ಬಲಿ

ಟೋಕಿಯೋ, ಜುಲೈ 17: ಜಪಾನ್‌ನಲ್ಲಿ ವಿಪರೀತ ಬಿಸಿ ಗಾಳಿ ವಾತಾವರಣ ಸೃಷ್ಟಿಯಾಗಿದ್ದು, ವಾರಾಂತ್ಯದ ಕಳೆದ ಮೂರು ದಿನಗಳಂದು ಕನಿಷ್ಠ 14 ಮಂದಿ ಬಲಿಯಾಗಿದ್ದಾರೆ.

ಕಳೆದ ವಾರ ಭಾರಿ ಪ್ರವಾಹವು ಸುಮಾರು 200 ಮಂದಿಯನ್ನು ಬಲಿ ತೆಗೆದುಕೊಂಡ ಪ್ರದೇಶಗಳಲ್ಲಿ ಈಗ ಅತ್ಯಧಿಕ ಉಷ್ಣಾಂಶ ಜನರನ್ನು ಸುಡುತ್ತಿದೆ.

ದೇಶದ ಒಳನಾಡಿನ ಕೆಲವು ಪ್ರದೇಶಗಳಲ್ಲಿ ಉಷ್ಣಾಂಶ 39 ಡಿಗ್ರಿ ಸೆಲ್ಸಿಯಸ್ ಮೀರಿದ್ದು, ಅದರ ಜತೆಗೆ ಬಿಸಿ ತಾಪಮಾನ ಅಪಾಯಕಾರಿ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ಜಪಾನ್‌ನ ಹವಾಮಾನ ಇಲಾಖೆ ತಿಳಿಸಿದೆ.

ತಮ್ಮ ಹೊಲದಲ್ಲಿ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಪತ್ತೆಯಾಗಿದ್ದ 90 ವರ್ಷದ ಮಹಿಳೆಯೊಬ್ಬರು ಸೇರಿದಂತೆ ವಾರಾಂತ್ಯದಲ್ಲಿ 14 ಮಂದಿ ಮೃತಪಟ್ಟಿದ್ದಾರೆ.

ಬಿಸಿ ವಾತಾವರಣದಿಂದಾಗಿ ಸಾವಿರಾರು ಜನರು ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ.

ಜಿಫು ಮುಂತಾದ ಭೂಪ್ರದೇಶಗಳಲ್ಲಿ ಬಿಸಿ ಗಾಳಿಯ ತೀವ್ರತೆ ವಿಪರೀತವಾಗಿದ್ದು, ಇಬಿಗವಾ ಪಟ್ಟಣದಲ್ಲಿ ಸೋಮವಾರ 39.3 ಸೆಲ್ಸಿಯಸ್ ಉಷ್ಣಾಂಶ ದಾಖಲಾಗಿದ್ದು, ದೇಶದಲ್ಲಿಯೇ ಅತ್ಯಧಿಕ ಎನಿಸಿಕೊಂಡಿದೆ.

ರಾಜಧಾನಿ ಟೋಕಿಯೋದಲ್ಲಿ ಸೋಮವಾರ 34 ಡಿಗ್ರಿ ಸೆಲ್ಸಿಯಸ್ ಉಷ್ಣತೆ ದಾಖಲಾಗಿತ್ತು.

A blistering heatwave has hampered the disaster-relief efforts in parts of Japan. Many are in shelters after torrential rain destroyed thousands of homes. A number of people have died and at least 2,000 suffered heatstroke in 35-38C temps. Jo pic.twitter.com/xJ7nRDhYIr

— BBC Weather (@bbcweather) 16 July 2018

ಪೂರ್ವ ಜಪಾನ್‌ನ ಪ್ರವಾಹ ಪೀಡಿತ ಪ್ರದೇಶಗಳಲ್ಲಿಯೂ ಉಷ್ಣಾಂಶ ಮಂಗಳವಾರ 34.3 ಡಿಗ್ರಿ ಸೆಲ್ಸಿಯಸ್ ತಲುಪಿದೆ. ಇದರಿಂದ ಕೆಸರು ಹಾಗೂ ಅವಶೇಷಗಳನ್ನು ತೆರವುಗೊಳಿಸುತ್ತಿರುವ ಸೇನಾ ಸಿಬ್ಬಂದಿ ಹಾಗೂ ಕಾರ್ಯಕರ್ತರಿಗೆ ಅಪಾಯ ಎದುರಾಗಿದೆ.

ದೇಶದ ಸುಮಾರು 200 ಪ್ರದೇಶಗಳಲ್ಲಿ ತೀವ್ರವಾದ ಬಿಸಿ ವಾತಾವರಣ ಸೃಷ್ಟಿಯಾಗಿದೆ. ಮಳೆ ಬೀಳುವ ಜುಲೈ ತಿಂಗಳಲ್ಲಿ ಈ ಪ್ರಮಾಣದ ಬಿಸಿಲು ಜನರನ್ನು ಕಂಗಾಲಾಗಿಸಿದೆ.

[Message from the PM]
We will push forward with our measures in cooperation with local authorities to enable the disaster victims to once again live their lives with peace of mind as soon as possible, despite the ongoing sweltering heat.

— PM's Office of Japan (@JPN_PMO) 17 July 2018

2014ರ ಜುಲೈನಲ್ಲಿ ಸುಮಾರು 213 ಪ್ರದೇಶಗಳಲ್ಲಿ ಇದೇ ರೀತಿಯ ವಾತಾವರಣ ಉಂಟಾಗಿತ್ತು. ಕಳೆದ ವರ್ಷ ಮೇ ತಿಂಗಳಿನಿಂದ ಸೆಪ್ಟೆಂಬರ್ ಅವಧಿಯಲ್ಲಿ ಬಿಸಿ ಹವೆ ತಡೆಯಲಾಗದೆ 48 ಮಂದಿ ಮೃತಪಟ್ಟಿದ್ದರು.

English summary

An intense Heatwave killed at least 14 people over the weekend in Japan. Thousands more were treated in hospitals for heat related conditions.