ಪಾಕ್ ಚುನಾವಣೆ : ಇಸ್ಲಾಮಿಕ್ ಪಕ್ಷಗಳನ್ನು ತಿರಸ್ಕರಿಸಿದ ಜನರು!
ಇಸ್ಲಾಮಾಬಾದ್, ಜುಲೈ 26 : ಪಾಕಿಸ್ತಾನದ ಸಂಸತ್ ಚುನಾವಣೆ ಫಲಿತಾಂಶ ಪ್ರಕಟವಾಗಿದೆ. ಮಾಜಿ ಕ್ರಿಕೆಟಿಗ ಇಮ್ರಾನ್ ಖಾನ್ ನೇತೃತ್ವದ ಪಿಟಿಐ ಪಕ್ಷ ಮುನ್ನಡೆ ಕಾಯ್ದೆಕೊಂಡಿದೆ. ದೇಶದ ಜನರು ಚುನಾವಣೆಯಲ್ಲಿ ಇಸ್ಲಾಮಿಕ್ ಪಕ್ಷಗಳನ್ನು ತಿರಸ್ಕರಿಸಿದ್ದಾರೆ.
ಚುನಾವಣೆಯಲ್ಲಿ ಉಗ್ರ ಹಫೀಜ್ ಸಯೀದ್ ಬೆಂಬಲವಿರುವ ಅಲ್ಲಾಹ್-ಒ-ತಕಬೀರ್ ಪಕ್ಷದ ಅಭ್ಯರ್ಥಿಗಳನ್ನು ಜನರು ತಿರಸ್ಕಾರ ಮಾಡಿದ್ದಾರೆ. ಪಕ್ಷದ ಅಭ್ಯರ್ಥಿಗಳು ಯಾವುದೇ ಕ್ಷೇತ್ರದಲ್ಲಿ ಮುನ್ನಡೆ ಪಡೆದಿಲ್ಲ. ಕನಿಷ್ಠ 2ನೇ ಸ್ಥಾನದಲ್ಲಿಯೂ ಇಲ್ಲ.
ಇಮ್ರಾನ್ ಗೆ ತಾಲಿಬಾನ್ ಖಾನ್ ಎಂಬ ಅಡ್ಡಹೆಸರು ಏಕೆ?
50 ಕ್ಷೇತ್ರಗಳಲ್ಲಿ ಅಲ್ಲಾಹ್-ಒ-ತಕಬೀರ್ ಪಕ್ಷದ ಅಭ್ಯರ್ಥಿಗಳು ಸ್ಪರ್ಧಿಸಿದ್ದರು. ಆದರೆ, ಪಕ್ಷ ಹೀನಾಯವಾಗಿ ಸೋಲು ಕಂಡಿದೆ. ಹಫೀಜ್ ಸಯೀದ್ ಮುಂಬೈನ 26/11 ದಾಳಿಯ ಪ್ರಮುಖ ರೂವಾರಿಯಾಗಿದ್ದಾನೆ. ಇಸ್ಲಾಮಿಕ್ ತತ್ವಗಳನ್ನು ಮುಂದಿಟ್ಟುಕೊಂಡು ಚುನಾವಣೆಗೆ ಹೋದ ಹಫೀಜ್ಗೆ ಹಿನ್ನಡೆಯಾಗಿದೆ.
ಮಾಜಿ ಕ್ರಿಕೆಟಿಗ ಇಮ್ರಾನ್ ಖಾನ್ ನೇತೃತ್ವದ ಪಾಕಿಸ್ತಾನ್-ತೇಹ್ರೀಕ್-ಇ-ಇನ್ಸಾಫ್ (ಪಿಟಿಐ) ಪಕ್ಷಕ್ಕೆ ಜನರು ಬೆಂಬಲ ನೀಡಿದ್ದಾರೆ. ಚುನಾವಣೆಯಲ್ಲಿ ಪಿಟಿಐ 119 ಸ್ಥಾನಗಳಲ್ಲಿ ಮುನ್ನಡೆ ಕಾಯ್ದುಕೊಂಡಿದೆ. ಬಹುಮತ ಪಡೆಯಲು 137 ಸೀಟುಗಳನ್ನು ಗೆಲ್ಲಬೇಕಿದೆ.
ಕ್ರಿಕೆಟ್, ರಾಜಕೀಯ, ವಿವಾಹ ವಿಚ್ಛೇದನ : ವಿಕ್ಷಿಪ್ತವ್ಯಕ್ತಿ ಇಮ್ರಾನ್ ಖಾನ್
ಜನರು ಈ ಬಾರಿಯ ಚುನಾವಣೆಯಲ್ಲಿ ಮುತ್ತಾಹಿದ್ ಮಜ್ಲೀಸ್-ಎ-ಅಮಾಲ್ (ಎಂಎಂಎ) ಪಕ್ಷಕ್ಕೆ ಹೆಚ್ಚಿನ ಬೆಂಬಲ ನೀಡಿದ್ದಾರೆ. ಫಜಲುರ್ ರೆಹಮಾನ್ ನೇತೃತ್ವದ ಪಕ್ಷವಿದಾಗಿದ್ದು, ಬಹುಮತ ಪಡೆಯಲು ಪಿಟಿಐಗೆ ಬೆಂಬಲ ನೀಡಲಿದೆ. ಈಗಾಗಲೇ ರೆಹಮಾನ್ ಚುನಾವಣಾ ಫಲಿತಾಂಶದ ಬಗ್ಗೆ ಚರ್ಚಿಸಲು ಸಭೆ ಕರೆದಿದ್ದಾರೆ.