ವಿಶ್ವದಾದ್ಯಂತ ಕೊರೊನಾಗೆ ಬಲಿಯಾದವರ ಸಂಖ್ಯೆ 2 ಕೋಟಿ ದಾಟಿದೆ!
ನವದೆಹಲಿ, ಜನವರಿ 16: ಜಗತ್ತಿನಾದ್ಯಂತ ಕೋವಿಡ್-19 ಮಹಾಮಾರಿ ಮಾಡಿದ ಅನಾಹುತ ಅಷ್ಟಿಷ್ಟಲ್ಲ. ಇಂದಷ್ಟೇ ಭಾರತದಲ್ಲಿ ಕೋವಿಡ್-19 ಅಭಿಯಾನ ಶುರುವಾಗಬೇಕಿದೆ. ಇಂತಹ ವೇಳೆಯಲ್ಲಿ ಆಘಾತಕಾರಿ ಸುದ್ದಿಯೊಂದು ಹೊರಬಿದ್ದಿದ್ದು, ಜಗತ್ತಿನಲ್ಲಿ ಕೊರೊನಾದಿಂದ ಮೃತಪಟ್ಟವರ ಸಂಖ್ಯೆ 2 ಕೋಟಿ ದಾಟಿದೆ.
ಚೀನಾದ ವುಹಾನ್ನಲ್ಲಿ ಆರಂಭಗೊಂಡು ಇಡೀ ವಿಶ್ವವನ್ನೇ ಹರಡಿದ ಕೊರೊನಾವೈರಸ್ ಬರೋಬ್ಬರಿ ಎರಡು ಕೋಟಿ ಜನರನ್ನು ಬಲಿ ತೆಗೆದುಕೊಂಡಿದೆ. ಈ ಮಾಹಿತಿಯು ಪ್ರಪಂಚದಾದ್ಯಂತ ಸರ್ಕಾರಿ ಸಂಸ್ಥೆಗಳು ನೀಡಿದ ಮಾಹಿತಿ ಆಧರಿಸಿದ್ದು, ನಿಜವಾದ ಸಂಖ್ಯೆಯು ಇದಕ್ಕಿಂತ ಹೆಚ್ಚಾಗಿರಬಹುದು. ಆರಂಭಿಕ ದಿನಗಳಲ್ಲಿ ಸೋಂಕಿನ ಕುರಿತು ಹೆಚ್ಚಿನ ಮುಂಜಾಗ್ರತೆ ಇಲ್ಲದ ಪರಿಣಾಮ ಮತ್ತು ಅಸಮರ್ಪಕ ಚಿಕಿತ್ಸೆಯಿಂದ ಲಕ್ಷಾಂತರ ಜನರು ಪ್ರಾಣ ಕಳೆದುಕೊಂಡರು.
ಇನ್ನು ಕೋವಿಡ್-19ಗೆ ಇದುವರೆಗೂ ಮೃತಪಟ್ಟವರ ಒಟ್ಟು ಸಂಖ್ಯೆಯು ಬ್ರುಸೆಲ್ಸ್, ಮೆಕ್ಕಾ, ಮಿನ್ಕ್ಸ್ ಅಥವಾ ವಿಯೆನ್ನಾದ ಒಟ್ಟು ಜನಸಂಖ್ಯೆಗಿಂತ ಹೆಚ್ಚಾಗಿದೆ. ಮೊದಲ ಎಂಟು ತಿಂಗಳಿನಲ್ಲಿ 1 ಕೋಟಿ ಜನರು ಕೊರೊನಾಗೆ ಮೃತಪಟ್ಟಿದ್ದಾರೆ, ನಂತರದ ನಾಲ್ಕು ತಿಂಗಳಲ್ಲಿ 1 ಕೋಟಿ ಜನರು ಸಾವನ್ನಪ್ಪಿದ್ದಾರೆ.
ಚೀನಾದಲ್ಲಿ ಮೊದಲು ಕೋವಿಡ್ ಪ್ರಾರಂಭವಾದ ಬಳಿಕ ಇದುವರೆಗೂ 93,518,182 ಜನರಿಗೆ ಇಲ್ಲಿಯವರಿಗೆ ಸೋಂಕು ತಗುಲಿದೆ. ಜಾನ್ ಹಾಪ್ಕಿನ್ಸ್ ಯೂನಿವರ್ಸಿಟಿಯ ಪ್ರಕಾರ 2,002,468 ಕೋಟಿ ಜನರು ವೈರಸ್ ಸೋಂಕಿಗೆ ಒಳಗಾಗಿದ್ದಾರೆ.