ವಿಡಿಯೋ: ಕೊರೊನಾ ವೈರಸ್ ನಿಂದ ಪಾರಾಗಲು ಸ್ಪೆಷಲ್ ವಿಮಾನ ಏರಿದ ಭಾರತೀಯರು!
Recommended Video
ನವದೆಹಲಿ, ಜನವರಿ.31: ಚೀನಾದಲ್ಲಿ ಮರಣ ಮೃದಂಗ ಬಾರಿಸುತ್ತಿರುವ ಮಾರಕ ರೋಗ ಕೊರೊನಾ ವೈರಸ್ ನಿಂದ ಭಾರತೀಯರನ್ನು ಪಾರು ಮಾಡಲು ಕೇಂದ್ರ ಸರ್ಕಾರ ಕ್ರಮ ತೆಗೆದುಕೊಂಡಿದೆ. ಈಗಾಗಲೇ ಭಾರತದ ರಾಜಧಾನಿ ದೆಹಲಿಯಿಂದ ಹೊರಟ ಏರ್ ಇಂಡಿಯಾ ವಿಮಾನ ಚೀನಾದಲ್ಲಿ ಲ್ಯಾಂಡ್ ಆಗಿದೆ.
ಚೀನಾದ ವುಹಾನ್ ನಗರದಲ್ಲಿ ಇರುವ 400 ಭಾರತೀಯರ ಮೊದಲ ತಂಡವನ್ನು ಈ ವಿಶೇಷ ವಿಮಾನವು ಭಾರತಕ್ಕೆ ಕರೆ ತರಲಿದೆ. ಈಗಾಗಲೇ ವಿಶೇಷ ವಿಮಾನದಲ್ಲಿ ಚೀನಾದಲ್ಲಿರುವ ಭಾರತೀಯರು ಏರಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್ ಲೋಡ್ ಮಾಡಲಾಗಿದೆ
#WATCH First batch of Indian passengers start boarding Air India special flight in Wuhan (China). #Coronavirus pic.twitter.com/Ldp76abzK2
— ANI (@ANI) January 31, 2020
ಚೀನಾದಿಂದ ಕರೆತಂದ ಬಳಿಕ ಭಾರತೀಯರನ್ನು ಕರೊನಾ ವೈರಸ್ ಪತ್ತೆ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ. ಅದಕ್ಕಾಗಿ ಈಗಾಗಲೇ ಕೇಂದ್ರ ಸರ್ಕಾರವು ವಿಶೇಷ ಸೌಲಭ್ಯಗಳುಳ್ಳ ಶಿಬಿರದ ಕೇಂದ್ರವನ್ನು ಸಿದ್ಧಪಡಿಸಿದೆ. ಅಲ್ಲಿ ಚೀನಾದಿಂದ ಆಗಮಿಸಿದ ಎಲ್ಲ ಭಾರತೀಯರನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ.
ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಕೊರೊನಾ ಹೆಲ್ಪ್ ಡೆಸ್ಕ್ ಆರಂಭ
ಇನ್ನು, ಏರ್ ಇಂಡಿಯಾ ವಿಮಾನದಲ್ಲಿ ಭಾರತೀಯರು ಪ್ರಯಾಣ ಆರಂಭಿಸುವುದಕ್ಕೂ ಮೊದಲು ಚಿತ್ರೀಕರಣಿಸಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಈ ಕೆಳಗಿನ ಲಿಂಕ್ ನಲ್ಲಿ ನೀವೂ ಕೂಡಾ ಆ ವಿಡಿಯೋವನ್ನು ನೋಡಬಹುದು.