ವಿಶ್ವದ ಶ್ರೀಮಂತ ವ್ಯಕ್ತಿ ಎಲೋನ್ ಮಸ್ಕ್ ಗರ್ಲ್ಫ್ರೆಂಡ್ಗೆ ಕೊರೊನಾ ಪಾಸಿಟಿವ್
ವಾಷಿಂಗ್ಟನ್, ಜನವರಿ 11: ಇತ್ತೀಚೆಗಷ್ಟೇ ಅಮೆಜಾನ್ನ ಜೆಫ್ ಬೇಜೋಸ್ರನ್ನೇ ಹಿಂದಿಕ್ಕಿ ವಿಶ್ವದ ನಂಬರ್ 1 ಶ್ರೀಮಂತನಾಗಿದ್ದ ಟೆಸ್ಲಾ ಮತ್ತು ಸ್ಪೇಸ್ ಎಕ್ಸ್ ಸಂಸ್ಥಾಪಕ ಎಲೋನ್ ಮಸ್ಕ್ ಗರ್ಲ್ಫ್ರೆಂಡ್ ಕೋವಿಡ್ -19 ಪಾಸಿಟಿವ್ ಆಗಿರುವುದಾಗಿ ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡಿದ್ದಾರೆ.
ಕೆನಡಾದ ಗಾಯಕಿ ಮತ್ತು ಇತ್ತೀಚೆಗಷ್ಟೇ ಗಂಡು ಮಗುವಿಗೆ ಜನ್ಮ ನೀಡಿದ ಮಸ್ಕ್ರವರ ಗರ್ಲ್ಫ್ರೆಂಡ್ ಗ್ರಿಮ್ಸ್ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಈ ಸುದ್ದಿ ಹಂಚಿಕೊಂಡಿದ್ದಾರೆ.
ಜೆಫ್ ಬೇಜೋಸ್ರನ್ನ ಹಿಂದಿಕ್ಕಿದ ಎಲೋನ್ ಮಸ್ಕ್: ವಿಶ್ವದ ನಂಬರ್ 1 ಶ್ರೀಮಂತ
"ಅಂತಿಮವಾಗಿ ಕೋವಿಡ್-19 ಬಂದಿದೆ. ಆದರೆ ವಿಲಕ್ಷಣವಾಗಿ ಡೇಕ್ವಿಲ್ ಜ್ವರ ಕನಸನ್ನು ಆನಂದಿಸುತ್ತಿದೆ ... 2021" ಎಂದು ಗ್ರಿಮ್ಸ್ ಬರೆದಿದ್ದಾರೆ. ಆದರೆ ಆಕೆಯ ಮಗು ಮತ್ತು ಎಲೋನ್ ಮಸ್ಕ್ಗೆ ಸೋಂಕು ತಗುಲಿದೆಯೇ ಎಂಬುದನ್ನು ಬರೆದಿಲ್ಲ.
ಈ ಮೊದಲು ಎಲೋನ್ ಮಸ್ಕ್ರವರು ತಮ್ಮ ಕೋವಿಡ್-19 ಪರೀಕ್ಷೆಗಳನ್ನು ನಕಲಿ ಎಂದು ಕರೆದಾಗ ಸಾಕಷ್ಟು ವಿವಾದಕ್ಕೆ ಕಾರಣವಾಗಿತ್ತು. ಮಸ್ಕ್ ಹೇಳಿಕೆಯ ಪ್ರಕಾರ ಒಂದೇ ದಿನದಲ್ಲಿ ಅವರದ್ದು ಕೋವಿಡ್-19 ಪಾಸಿಟಿವ್ ಮತ್ತು ನೆಗೆಟಿವ್ ವರದಿ ಬಂದಿದೆ ಎಂದು ಹೇಳಿದ್ದರು.
ಹೆಚ್ಚು ಶೀತ ಇದ್ದ ಪರಿಣಾಮ ನವೆಂಬರ್ ತಿಂಗಳಿನಲ್ಲಿ ನಾಲ್ಕು ಬಾರಿ ಪರೀಕ್ಷೆಗಳನ್ನು ಮಾಡಿಸಿದ್ದರು. ಆದರೆ ಇದುವರೆಗೂ ಕೋವಿಡ್ ಪಾಸಿಟಿವ್ ವರದಿಯಾಗಿಲ್ಲ.