ಈಜಿಪ್ಟ್ ನಲ್ಲಿ ಮಸೀದಿ ಮೇಲೆ ಬಾಂಬ್, ಗುಂಡು ದಾಳಿ: ಕನಿಷ್ಠ 235 ಮಂದಿ ಸಾವು
ಕೈರೋ, ನವೆಂಬರ್ 24: ಉಗ್ರರು ನಡೆಸಿದ ಬಾಂಬ್ ಹಾಗೂ ಗುಂಡಿನ ದಾಳಿಯಲ್ಲಿ ಕನಿಷ್ಠ 235 ಮಂದಿ ಸಾವನ್ನಪ್ಪಿ, 12 ಮಂದಿ ಗಾಯಗೊಂಡ ಘಟನೆ ಈಜಿಪ್ಟ್ ನ ಮಸೀದಿಯೊಂದರಲ್ಲಿ ಶುಕ್ರವಾರ ಸಂಭವಿಸಿದೆ ಎಂದು ಸರಕಾರಿ ಮಾಧ್ಯಮ ವರದಿ ಮಾಡಿದೆ.
ಯಾವುದೇ ಉಗ್ರಗಾಮಿ ಸಂಘಟನೆ ದಾಳಿ ಈ ದಾಳಿಯ ಹೊಣೆ ಹೊತ್ತಿಕೊಂಡಿಲ್ಲ. ಕಳೆದ ಮೂರು ವರ್ಷಗಳಿಂದ ಈಜಿಪ್ಟ್ ಸೇನೆಯು ಐಎಸ್ ಐಎಸ್ ಉಗ್ರರೊಂದಿಗೆ ಕಾಳಗ ನಡೆಸುತ್ತಿದ್ದು, ಈ ಅವಧಿಯಲ್ಲೇ ನಡೆದ ಭಯಾನಕ ದಾಳಿ ಇದಾಗಿದೆ.
ಬಲೂಚಿಸ್ತಾನದಲ್ಲಿ ಬಾಂಬ್ ಸ್ಫೋಟ, 10 ಸಾವು
ಎಲ್ ಅರಿಶ್ ಗೆ ಪಶ್ಚಿಮಕ್ಕೆ ಇರುವ ಬಿರ್ ಅಲ್-ಅಬೆದ್ ನ ಅಲ್ ರಾದ್ ಮಸೀದಿಯಲ್ಲಿ ನೂರಾರು ರಕ್ತಸಿಕ್ತ ದೇಹಗಳನ್ನು ಹೊದಿಕೆಯಿಂದ ಮುಚ್ಚಿರುವ ಫೋಟೋಗಳನ್ನು ಸರಕಾರಿ ಸ್ವಾಮ್ಯದ ಮಾಧ್ಯಮದಲ್ಲಿ ತೋರಿಸಲಾಗಿದೆ. ಕನಿಷ್ಠ ನೂರಿಪತ್ತು ಮಂದಿ ಮೃತಪಟ್ಟು, ಎಂಬತ್ತು ಮಂದಿ ಗಾಯಗೊಂಡಿರುವುದಾಗಿ ಎಂಇಎನ್ ಎ ವರದಿ ಮಾಡಿದೆ.
"ಜನರತ್ತ ಗುಂಡು ಹಾರಿಸಿದ ಅವರು ಮಸೀದಿಯಿಂದ ಹೊರಟರು" ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ತಿಳಿಸಿದ್ದಾರೆ. ಆಂಬುಲೆನ್ಸ್ ಕಡೆಗೆ ಕೂಡ ಅವರು ಗುಂಡು ಹಾರಿಸಿದರು ಎಂದು ತಿಳಿಸಿದ್ದಾರೆ.