ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಹೇರ್ ಕಟ್‌ಗೆ ಬಾಳೆಹಣ್ಣು, ಟ್ಯಾಕ್ಸಿಗೆ ಸಿಗರೇಟ್ ಪ್ಯಾಕ್: ಇದು ವೆನಿಜುವೆಲಾ ಪರಿಸ್ಥಿತಿ

|
Google Oneindia Kannada News

ಕಾರಾಕಸ್, ಜುಲೈ 6: ತಲೆಗೂದಲು ಕಟ್ ಮಾಡಿದರೆ ಹಣ ಕೊಡಬೇಡಿ, ಬಾಳೆಹಣ್ಣು ಅಥವಾ ಮೊಟ್ಟೆ ಕೊಡಿ. ಟ್ಯಾಕ್ಸಿಯಲ್ಲಿ ಬಾಡಿಗೆ ಬಂದರೂ ಹಣ ಬೇಡ. ಸಿಗರೇಟ್ ಪ್ಯಾಕ್ ನೀಡಿ.

ಇದು ಲ್ಯಾಟಿನ್ ಅಮೆರಿಕದ ಒಂದು ಕಾಲದ ಬಹು ಶ್ರೀಮಂತ ದೇಶ ವೆನಿಜುವೆಲಾದ ಈಗಿನ ಪರಿಸ್ಥಿತಿ.

ರೈನೊ ಬೇಟೆಯಾಡಲು ಹೋಗಿ ಸಿಂಹಗಳಿಗೆ ಭೋಜನವಾದರು ಮೂರು ಮಂದಿ!ರೈನೊ ಬೇಟೆಯಾಡಲು ಹೋಗಿ ಸಿಂಹಗಳಿಗೆ ಭೋಜನವಾದರು ಮೂರು ಮಂದಿ!

ಹಣದುಬ್ಬರದಿಂದ ತತ್ತರಿಸಿರುವ ವೆನಿಜುವೆಲಾದಲ್ಲಿ ಕಂತೆಗಟ್ಟಲೆ ಹಣ ತೆತ್ತರೂ ವಸ್ತುಗಳು ಸಿಗುತ್ತಿಲ್ಲ. ಜನರೂ ಹಣದ ಬದಲು ವಸ್ತು ಮತ್ತು ಉತ್ಪನ್ನಗಳನ್ನು ಕೇಳುತ್ತಿದ್ದಾರೆ. ಒಂದು ಕಪ್ ಕಾಫಿಗೆ ಇಡೀ ತಿಂಗಳ ಸಂಬಳದ ಹಣ ಕೊಡಬೇಕಾದ ಮಟ್ಟಕ್ಕೆ ಆರ್ಥಿಕ ಪರಿಸ್ಥಿತಿ ಕುಸಿದಿದೆ.

ಹಣದುಬ್ಬರದ ವೇಗಕ್ಕೆ ಅಲ್ಲಿನ ಪ್ರಮುಖ ಕರೆನ್ಸಿ ಬೊಲಿವರ್ ತನ್ನ ಮೌಲ್ಯ ಕಳೆದುಕೊಂಡಿದೆ. ಹಣ ಇಲ್ಲಿನ ಜನರಿಗೆ ಈಗ ಬೇಡವಾಗಿದೆ. ಅದರ ಬದಲು ತಮ್ಮ ಉಳಿವಿಗಾಗಿ ವಸ್ತುಗಳ ವಿನಿಮಯ ಪದ್ಧತಿಯ ಮೊರೆ ಹೋಗಿದ್ದಾರೆ.

economic crisis in venezuela become worse

2008ರ ನವೆಂಬರ್ ಮಧ್ಯದಲ್ಲಿ ಜಿಂಬಾಬ್ವೆಯಲ್ಲಿ ಇದೇ ರೀತಿಯ ಪರಿಸ್ಥಿತಿ ಎದುರಾಗಿತ್ತು. ಅಲ್ಲಿ ಹಣದುಬ್ಬರದ ಪ್ರಮಾಣ ಶೇ 79.6 ಬಿಲಿಯನ್ ಎಂದು ಅಂದಾಜಿಸಲಾಗಿತ್ತು.

ನಗರಗಳಲ್ಲಿ ಬಹುತೇಕ ವಹಿವಾಟು ಬ್ಯಾಂಕ್ ವರ್ಗಾವಣೆ ಮತ್ತು ಡೆಬಿಟ್ ಕಾರ್ಡ್‌ಗಳ ಮೂಲಕ ನಡೆಯುತ್ತಿದ್ದರೆ, ಗ್ರಾಮೀಣ ಪ್ರದೇಶಗಳಲ್ಲಿ ಪರಿಸ್ಥಿತಿ ಚಿಂತಾಜನಕವಾಗಿದೆ.

ರಕ್ಷಣಾ ಕಾರ್ಯಾಚರಣೆಯಲ್ಲಿ ಮೃತಪಟ್ಟ ಸಮನ್ ಗುನನ್ ಈಗ ನ್ಯಾಷನಲ್ ಹೀರೋರಕ್ಷಣಾ ಕಾರ್ಯಾಚರಣೆಯಲ್ಲಿ ಮೃತಪಟ್ಟ ಸಮನ್ ಗುನನ್ ಈಗ ನ್ಯಾಷನಲ್ ಹೀರೋ

ವಸ್ತುಗಳ ವಿನಿಮಯ, ಹಣದುಬ್ಬರ ಮತ್ತು ನಗದಿನ ಕೊರತೆ ವೆನಿಜುವೆಲಾದ ಶ್ರೀಮಂತಿಕೆಯನ್ನು ಅಧೋಗತಿಗೆ ಇಳಿಸಿದೆ.

ಲ್ಯಾಟಿನ್ ಅಮೆರಿಕದ ಸಮೃದ್ಧ ದೇಶಗಳಲ್ಲಿ ಒಂದಾಗಿದ್ದ ವೆನಿಜುವೆಲಾದಲ್ಲಿ ಅಧ್ಯಕ್ಷ ನಿಕೊಲಸ್ ಮಡುರೊ ಅವರ ಆಡಳಿತದ ಸರ್ಕಾರದ ಅವಧಿಯಲ್ಲಿ ಆರ್ಥಿಕ ಕುಸಿತ ಉಂಟಾಯಿತು. 2015-2017ರ ಅವಧಿಯಲ್ಲಿ ದೇಶದ ಶೇ 3ರಷ್ಟು ಜನರು, ಅಂದರೆ ಸುಮಾರು ಒಂದು ಮಿಲಿಯನ್ ಜನರು ವಲಸೆ ಹೋದರು.

ಅಪಾರ ತೈಲ ನಿಕ್ಷೇಪವಿರುವ ದೇಶದಲ್ಲಿ ಭಾರಿ ಆದಾಯವಿತ್ತು. ಕಳೆದ ಎರಡು ವರ್ಷಗಳಿಂದೀಚೆಗೆ ಪೆಟ್ರೋಲ್ ಬೆಲೆಯಲ್ಲಿ ತೀವ್ರ ಕುಸಿತವಾದ ಕಾರಣ ಅದರ ಆರ್ಥಿಕ ಪರಿಸ್ಥಿತಿಗೆ ಹೊಡೆತ ಬಿದ್ದಿದೆ. ಪೆಟ್ರೋಲ್ ದರ ನೆಲಕಚ್ಚುತ್ತಿದ್ದಂತೆಯೇ ಹಣದುಬ್ಬರ ಸೃಷ್ಟಿಯಾಗಿದ್ದು, ಅಗತ್ಯ ವಸ್ತುಗಳ ಬೆಲೆ ಗಗನಕ್ಕೆ ಮುಟ್ಟಿದೆ.

ಭಾರತದಂತೆಯೇ ವೆನಿಜುವೆಲಾ ಕೂಡ ಹಣದ ಅಪನಗದೀಕರಣ ಮಾಡಿತ್ತು. 100 ಬೊಲಿವರ್ ಮುಖಬೆಲೆಯ ನೋಟುಗಳನ್ನು ರದ್ದುಗೊಳಿಸಿ ಅಲ್ಲಿನ ಸರ್ಕಾರ ಆದೇಶ ಹೊರಡಿಸಿತ್ತು. ಅದರ ಬೆನ್ನಲ್ಲೇ ಅಧ್ಯಕ್ಷ ಮಡುರೊ ಬೊಲಿವರ್ ಅನ್ನು ಶೇ 37ರಷ್ಟು ಅಪಮೌಲ್ಯಗೊಳಿಸಿದ್ದರು.

ಈಗ ಅಲ್ಲಿನ ವಸ್ತುಗಳ ಬೆಲೆಗಳು ಶೇ 42,000ದಷ್ಟು ಹೆಚ್ಚಾಗಿದೆ. ಬೊಲಿವರ್ ತನ್ನ ಮೌಲ್ಯವನ್ನು ಶೇ 98ರಷ್ಟು ಕಳೆದುಕೊಂಡಿದೆ.

English summary
Venezuela currency Bolivar lost its vaue due to a steep hike in inflation. People are bartering Banana, eggs for haircut and carton of cigarettes for taxi rides.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X