ವೈರಲ್ ವಿಡಿಯೋ; ಆಸ್ಟ್ರಿಚ್ ಜೊತೆ ದುಬೈ ರಾಜಕುಮಾರನ ಸೈಕಲ್ ರೇಸ್
ಅಬುದಾಬಿ, ಜನವರಿ 04: ಅತಿ ವೇಗವಾಗಿ ಓಡುವ ಪಕ್ಷಿ ಎಂದೇ ಆಸ್ಟ್ರಿಚ್ ಹೆಸರುವಾಸಿ. ಈ ವೇಗಿಗೇ ಸವಾಲೊಡ್ಡುವಂತೆ ಅದರ ಜೊತೆಗೆ ರೇಸ್ ನಡೆಸಿದವರು ಬೇರಾರೂ ಅಲ್ಲ, ದುಬೈನ ರಾಜಕುಮಾರ.
ದುಬೈ ರಾಜಕುಮಾರ ತಾನು ಆಸ್ಟ್ರಿಚ್ ಪಕ್ಷಿಯೊಂದಿಗೆ ಸೈಕಲ್ ನಲ್ಲಿ ರೇಸ್ ಮಾಡಿದ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ದುಬೈ ರಾಜಕುಮಾರ ಶೇಕ್ ಹಮ್ದಾನ್ ಬಿನ್ ಮೊಹಮದ್ ಬಿನ್ ರಶೀದ್ ಆಲ್ ಮುಕ್ತಮ್, ಆಸ್ಟ್ರಿಚ್ ಜೊತೆ ತಾವು ಸೈಕಲ್ ರೇಸ್ ನಡೆಸಿದ್ದನ್ನು ಇನ್ ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಆ ವಿಡಿಯೋ ವೈರಲ್ ಆಗಿದೆ.
ಮಗಳಿಗೆ ಅಪ್ಪನ ಸಲ್ಯೂಟ್; ವೈರಲ್ ಆಯ್ತು ಈ ಹೃದಯಸ್ಪರ್ಶಿ ಚಿತ್ರ
ಈ ವಿಡಿಯೋದಲ್ಲಿ ಎರಡು ಆಸ್ಟ್ರಿಚ್ ಪಕ್ಷಿಗಳು ಕಾಣಿಸಿಕೊಂಡಿವೆ. ರಾಜಕುಮಾರನ ಸೈಕಲ್ ವೇಗದೊಂದಿಗೇ ಬದಿಯಲ್ಲಿ ಆಸ್ಟ್ರಿಚ್ ಪಕ್ಷಿಗಳೂ ಓಡುತ್ತಿರುವುದು ಕಂಡುಬಂದಿದೆ. ಸೈಕಲ್ ಗಿಂತ ಪಕ್ಷಿಗಳೇ ವೇಗವಾಗಿದ್ದು, ಆ ವೇಗಕ್ಕೆ ತಕ್ಕಂತೆ ರಾಜಕುಮಾರ ಕೂಡ ಸೈಕ್ಲಿಂಗ್ ಮಾಡಲು ಪ್ರಯತ್ನ ಮಾಡಿದ್ದಾರೆ.
ರಾಜಕುಮಾರ ಈ ವಿಡಿಯೋ ಹಂಚಿಕೊಳ್ಳುತ್ತಿದ್ದಂತೆ, ಸುಮಾರು 4 ಲಕ್ಷ ಜನರು ವಿಡಿಯೋ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕಳೆದ ವರ್ಷ ಕೂಡ ರಾಜಕುಮಾರ ತನ್ನ ಕಾರಿನ ಮೇಲೆ ಹಕ್ಕಿಗಳು ಗೂಡು ಕಟ್ಟಿಕೊಂಡಿದ್ದನ್ನು ಫೋಟೊ ತೆಗೆದು ಹಂಚಿಕೊಂಡಿದ್ದರು. ಆ ಚಿತ್ರ ಕೂಡ ವೈರಲ್ ಆಗಿತ್ತು.