ಜುಲೈ 16ರಂದು ಬಹುನಿರೀಕ್ಷಿತ ಪುಟಿನ್-ಟ್ರಂಪ್ ಭೇಟಿ

ವಾಷಿಂಗ್ಟನ್, ಜೂನ್ 28: ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ನಡುವಿನ ಭೇಟಿಗೆ ದಿನ ನಿಗದಿಯಾಗಿದೆ. ಫಿನ್ಲೆಂಡ್ ರಾಜಧಾನಿ ಹೆಲ್ಸಿಂಕಿಯಲ್ಲಿ ಜುಲೈ 16ರಂದು ರಷ್ಯಾ-ಅಮೆರಿಕಾ ಶೃಂಗಸಭೆ ನಡೆಯಲಿದೆ.

"ಎರಡೂ ದೇಶದ ನಾಯಕರು ಅಮೆರಿಕಾ ಮತ್ತು ರಷ್ಯಾ ನಡುವಿನ ಸಂಬಂಧದ ಹಾಗೂ ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದ ವಿಚಾರಗಳ ಕುರಿತು ಚರ್ಚೆ ನಡೆಸಲಿದ್ದಾರೆ," ಎಂದು ಶ್ವೇತಭವನದ ಪ್ರಕಟಣೆ ತಿಳಿಸಿದೆ.

ಈ ಹಿಂದೆ ಬುಧವಾರ ಹೇಳಿಕೆ ನೀಡಿದ್ದ ಟ್ರಂಪ್ ಜುಲೈ 11-12ರ ಬಳಿಕ ನ್ಯಾಟೋ ನಾಯಕರ ಶೃಂಗಸಭೆ ನಡೆಯಲಿದೆ. ಫಿನ್ಲೆಂಡ್ ರಾಜಧಾನಿ ಇದಕ್ಕೆ ಸಂಭಾವ್ಯ ಸ್ಥಳ ಎಂದಿದ್ದರು. ಇದೀಗ ಏಕಕಾಲಕ್ಕೆ ಮಾಸ್ಕೊ ಮತ್ತು ವಾಷಿಂಗ್ಟನ್ ಶೃಂಗ ಸಭೆ ನಿಗದಿಯಾಗಿರುವ ಬಗ್ಗೆ ಪ್ರಕಟಣೆ ಹೊರಡಿಸಿವೆ.

ಈ ಹಿಂದೆಯೇ ಎರಡೂ ದೇಶಗಳ ನಡುವೆ ಶೃಂಗಸಭೆ ನಡೆಸುವುದೆಂದು ನಿರ್ಧಾರವಾಗಿತ್ತು. ಆದರೆ ಇದಕ್ಕೆ ಸಮಯ ನಿಗದಿಯಾಗಿರಲಿಲ್ಲ.

English summary

United Status President Donald Trump and Russian President Vladimir Putin will hold a summit on July 16 in Helsinki, the capital of Finland.