ಸ್ಪೇನ್ ಜನರ ಒತ್ತಡ ನಿವಾರಿಸಲು ಬೀದಿಯಲ್ಲಿ ಡ್ಯಾನ್ಸ್ ಮಾಡಿದ ಪೊಲೀಸರು
ಕೊರೊನಾ ವೈರಸ್ ನಿಂದಾಗಿ ಸ್ಪೇನ್ ಸ್ಮಶಾನ ಸದೃಶ್ಯವಾಗಿದೆ. ಇಟಲಿಯಂತೆ ಸ್ಪೇನ್ ನಲ್ಲೂ ದಿನದಿಂದ ದಿನಕ್ಕೆ ಸಾವಿನ ಸಂಖ್ಯೆ ಹೆಚ್ಚಾಗುತ್ತಿದೆ. ಸೋಂಕನ್ನು ತಡೆಗಟ್ಟುವ ಸಲುವಾಗಿ ಸ್ಪೇನ್ ಸಂಪೂರ್ಣವಾಗಿ ಲಾಕ್ ಡೌನ್ ಆಗಿದೆ. ಹೀಗಾಗಿ, ಅನಿವಾರ್ಯವಾಗಿ ಗೃಹಬಂಧನದಲ್ಲಿರುವವರು ಜೀವನೋತ್ಸಾಹ ಕಳೆದುಕೊಂಡಂತಾಗಿದ್ದಾರೆ.
Recommended Video
ರೋಗ ಹರಡುವುದನ್ನು ತಡೆಯುವುದಕ್ಕೆ ನಿಯೋಜನೆಗೊಂಡಿದ್ದ ಸ್ಪೇನ್ ಪೊಲೀಸರು ಈಗ ಜನರಿಗೆ ಉತ್ಸಾಹ ತುಂಬಲು ಮುಂದಾಗಿದ್ದಾರೆ.
ಮೃತ್ಯುಭಯ ಹುಟ್ಟಿಸಿರುವ ರಾಕ್ಷಸ ಕೊರೊನಾ ವೈರಸ್ ನ ಅಸಲಿ ಚಿತ್ರ ಹೀಗಿದೆ
ನಗರದ ಬೀದಿಬೀದಿಗಳಲ್ಲಿ ಸುತ್ತುತ್ತಿರುವ ಪೊಲೀಸರ ಕೈಗಳಲ್ಲಿ ಈಗ ಲಾಠಿ ಬಂದೂಕಿನ ಬದಲು ಗಿಟಾರ್ ಗಳು ಪ್ರತ್ಯಕ್ಷವಾಗಿವೆ. ಲಾಕ್ ಡೌನ್ ನಿಂದಾಗಿ ಒತ್ತಡಕ್ಕೊಳಗಾಗಿರುವ, ಕೊರೊನಾದಿಂದ ತತ್ತರಿಸಿರುವ ಜನರ ಭಯವನ್ನು ಹೋಗಲಾಡಿಸುವ ಪ್ರಯತ್ನ ನಡೆಸುತ್ತಿದ್ದಾರೆ.
ಇದಕ್ಕಾಗಿ ಬೀದಿ ಬೀದಿಯಲ್ಲಿ ಗಸ್ತು ತಿರುಗುವಾಗ, ಜನರಿಗೆ ಕೊಂಚ ರಿಲ್ಯಾಕ್ಸ್ ಮೂಡಿಸಲು ಸ್ಪೇನ್ ಪೊಲೀಸರು ಸ್ಟ್ರೀಟ್ ಬ್ಯಾಂಡ್ ರೀತಿ ಬೀದಿಯಲ್ಲಿ ಗಿಟಾರ್ ಹಿಡಿದು, ಹಾಡು ಹಾಡಿ, ಡ್ಯಾನ್ಸ್ ಮಾಡಿದ್ದಾರೆ. ಈ ಮೂಲಕ ಜನರಿಗೆ ಕೊಂಚ ಮನರಂಜನೆ ನೀಡುತ್ತಾ ಕೈಲಾದ ಜನಸೇವೆಯನ್ನು ಈ ರೀತಿಯೂ ಮಾಡತೊಡಗಿದ್ದಾರೆ.
These Spanish policemen know exactly how to cheer up a city on lockdown. Just gorgeous ❤️❤️❤️
— Rachel Clarke (@doctor_oxford) March 22, 2020
pic.twitter.com/of8LBJqYNG
ಪೊಲೀಸರ ಈ ಪ್ರಯತ್ನಕ್ಕೆ ಸ್ಪ್ಯಾನಿಶ್ ಮಂದಿ ಚಪ್ಪಾಳೆ ತಟ್ಟಿ, ಗೌರವಿಸಿದ್ದಾರೆ. ಅಂದ್ಹಾಗೆ, ಬೀದಿಯಲ್ಲಿ ಸ್ಪ್ಯಾನಿಶ್ ಪೊಲೀಸರು ಗಿಟಾರ್ ನುಡಿಸಿ, ಹಾಡು ಹಾಡಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.