ಕೊರೊನಾ ವೈರಸ್ ಬಗ್ಗೆ ಈ 14 ಜನರಿಗೆ ಇನ್ನೂ ತಿಳಿಸಿಲ್ಲ
ಬರ್ಲಿನ್, ಮಾರ್ಚ್ 17: ಕೊರೊನಾ ವೈರಸ್ ಬಗ್ಗೆ ತಿಳಿಯದೆ ಇರುವ ವ್ಯಕ್ತಿಯೇ ಇಲ್ಲವೇನೋ.. ಇಡೀ ಪ್ರಪಂಚವನ್ನು ಕಂಗೆಡಿಸುವಂತೆ ಮಾಡಿರುವ ಕೊರೊನಾ ಬಗ್ಗೆ ಎಲ್ಲರಿಗೂ ಅರಿವಿಗೆ ಬಂದಿದೆ. ಆದರೆ, ಜರ್ಮನಿಯ ಈ 14 ಜನರಿಗೆ ಇನ್ನೂ ಕೊರೊನಾ ಬಗ್ಗೆ ಯಾವುದೇ ಮಾಹಿತಿ ಸಿಕ್ಕಿಲ್ಲ.
ಜರ್ಮನಿಯಲ್ಲಿ 'ಬಿಗ್ ಬ್ರದರ್' ರಿಯಾಲಿಟಿ ಶೋ ನಡೆಯುತ್ತಿದೆ. ಈ ಕಾರ್ಯಕ್ರಮದಲ್ಲಿ 14 ಸ್ಪರ್ಧಿಗಳು 'ಬಿಗ್ ಬ್ರದರ್' ಮನೆಯಲ್ಲಿ ಬಂದಿಯಾಗಿದ್ದಾರೆ. ಆಟದ ನಿಯಮದ ಪ್ರಕಾರ ಆ ಸ್ಪರ್ಧಿಗಳು ಹೊರ ಜಗತ್ತಿನ ಸಂಪರ್ಕದಲ್ಲಿ ಇರಬಾರದು. ಹೊರಗೆ ನಡೆಯುತ್ತಿರುವ ವಿಷಯವನ್ನು ಕೂಡ ಅವರಿಗೆ ತಿಳಿಸುವ ಆಗಿಲ್ಲ.
ದಂಪತಿಯ 'ಅಮರ' ಪ್ರೀತಿ ಕೊಂದ ಕೊರೊನಾ: ಶಾಪವಿಟ್ಟ ನೆಟ್ಟಿಗರು
ಹೀಗಾಗಿ, ಇದುವರೆಗೆ ಕೊರೊನಾ ವೈರಸ್ ಬಗ್ಗೆ ಸ್ಪರ್ಧಿಗಳಿಗೆ 'ಬಿಗ್ ಬ್ರದರ್' ಆಯೋಜಕರು ವಿಷಯ ತಿಳಿಸಿರಲಿಲ್ಲವಂತೆ. ಆದರೆ, ಇಂದಿನ (ಮಂಗಳವಾರ) ಸಂಚಿಕೆಯಲ್ಲಿ ಈ ವಿಷಯವನ್ನು ಅವರಿಗೆ ಹೇಳಲು ನಿರ್ಧಾರ ಮಾಡಲಾಗಿದೆ. ಕೊರೊನಾ ವೈರಸ್ ಬೀಕರತೆಯನ್ನು ನೋಡಿ ಈ ಸುದ್ದಿಯನ್ನು ತಿಳಿಸಿ, ಮುನ್ನೆಚ್ಚರಿಕೆ ವಹಿಸುವಂತೆ ಸ್ಪರ್ಧಿಗಳಿಗೆ ಹೇಳಲಾಗುವುದಂತೆ.
ಫೆಬ್ರವರಿ 10 ರಂದು 'ಬಿಗ್ ಬ್ರದರ್' ಕಾರ್ಯಕ್ರಮಕ್ಕೆ ಈ ಸ್ಪರ್ಧಿಗಳು ಹೋಗಿದ್ದರು. ಆ ದಿನದ ನಂತರ ಉಂಟಾಗಿರುವ ಕೊರೊನಾ ವೈರಸ್ ಬೀಕರತೆ ಅವರಿಗೆ ತಿಳಿದಿಲ್ಲ. ಹೀಗಾಗಿ, ಈ ಸುದ್ದಿ ಹೇಳುತ್ತಿದ್ದ ಹಾಗೆ, ಅವರ ಪ್ರತಿಕ್ರಿಯೆ ಹೇಗಿರುತ್ತದೆ ಎನ್ನುವುದು ಕುತೂಹಲ ಮೂಡಿಸಿದೆ.
ಕೊರೊನಾದಿಂದ ನಡೆಯಿತು ಆನ್ ಲೈನ್ ವಿಡಿಯೋ ಕಾಲ್ ಮದುವೆ
ಜರ್ಮನಿಯಲ್ಲಿಯೂ ಕೊರೊನಾ ವೈರಸ್ ಪ್ರಕರಣಗಳು ಹೆಚ್ಚಾಗುತ್ತಿದೆ. ಈವರೆಗೆ 7000 ಕೇಸ್ಗಳು ಪತ್ತೆಯಾಗಿದೆ. 17 ಜನರು ಇದರಿಂದ ಮರಣ ಹೊಂದಿದ್ದಾರೆ.