• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ವಿಡಿಯೋ ಸಭೆಯಲ್ಲಿ ಬೆತ್ತಲಾಗಿ ಕಾಣಿಸಿಕೊಂಡ ಸಂಸದ

|

ಟೊರಾಂಟೋ, ಏಪ್ರಿಲ್ 16: ಕೆನಡಾದ ಸಂಸದರೊಬ್ಬರು ಝೂಮ್ ಕಾನ್ಫರೆನ್ಸ್‌ನಲ್ಲಿ ಬೆತ್ತಲಾಗಿ ಕಾಣಿಸಿಕೊಳ್ಳುವ ಮೂಲಕ ತೀವ್ರ ಮುಜುಗರ ಸೃಷ್ಟಿಸಿದ್ದಾರೆ. ಈ ಘಟನೆ ವ್ಯಾಪಕ ಟೀಕೆಗೆ ಒಳಗಾಗಿದ್ದು, ತಮ್ಮ ಸಹೋದ್ಯೋಗಿ ಸಂಸದರನ್ನು ಅವರು ಕ್ಷಮೆಯಾಚಿಸಿದ್ದಾರೆ.

ಲಿಬರಲ್ ಪಕ್ಷದ ಸಂಸದ ವಿಲಿಯಮ್ ಅಮೋಸ್ ಅವರು ಹೌಸ್ ಆಫ್ ಕಾಮನ್ಸ್‌ನ ಆನ್‌ಲೈನ್ ಕರೆಯ ವೇಳೆ ಆಕಸ್ಮಿಕವಾಗಿ ಲ್ಯಾಪ್‌ಟಾಪ್‌ನ ಕ್ಯಾಮೆರಾ ಆನ್ ಮಾಡಿದ್ದಾರೆ. ತಮ್ಮ ಬೆತ್ತಲೆ ದೇಹ ಎಲ್ಲರೆದುರು ಕಾಣಿಸಿದ್ದನ್ನು ತಿಳಿದು ಗಾಬರಿಯಾದ ಅವರು ಮೊಬೈಲ್ ಫೋನ್‌ನಿಂದ ತಮ್ಮ ಗುಪ್ತಾಂಗವನ್ನು ಮುಚ್ಚಿಕೊಳ್ಳಲು ಪ್ರಯತ್ನಿಸಿದ್ದಾರೆ.

'ಇಂದು ನಾನು ನಿಜಕ್ಕೂ ದುರದೃಷ್ಟಕರ ಪ್ರಮಾದ ಎಸಗಿದ್ದೇನೆ ಮತ್ತು ಅದರಿಂದ ತೀವ್ರ ಮುಜುಗರಕ್ಕೆ ಒಳಗಾಗಿದ್ದೇನೆ' ಎಂದು 46 ವರ್ಷದ ವಿಲಿಯಮ್ ಟ್ವೀಟ್ ಮಾಡಿದ್ದಾರೆ. ಈ ಘಟನೆ ಕಚೇರಿಯ ಒಳಗೆ ನಡೆದಿದ್ದರೂ ಸಾರ್ವಜನಿಕವಾಗಿ ಬಹಿರಂಗವಾಗಿದ್ದರಿಂದ ಅವರು ಪೇಚಿಗೆ ಸಿಲುಕಿದ್ದಾರೆ.

'ವಾಯುವಿಹಾರದಿಂದ ಬಂದ ಬಳಿಕ ಕಚೇರಿ ಕೆಲಸದ ಉಡುಪನ್ನು ಬದಲಿಸಿಕೊಳ್ಳುತ್ತಿದ್ದೆ. ಆಗ ನನ್ನ ಕ್ಯಾಮೆರಾ ಆಕಸ್ಮಿಕವಾಗಿ ಆನ್ ಆಗಿತ್ತು. ಸದನದಲ್ಲಿನ ನನ್ನ ಸಹೋದ್ಯೋಗಿಗಳನ್ನು ಇದಕ್ಕಾಗಿ ಪ್ರಾಮಾಣಿಕವಾಗಿ ಕ್ಷಮೆ ಕೋರುತ್ತೇನೆ. ಇದು ನಿಜಕ್ಕೂ ಪ್ರಮಾದ. ಮತ್ತೊಮ್ಮೆ ಆಗುವುದಿಲ್ಲ' ಎಂದು ಅವರು ಟ್ವೀಟ್ ಮಾಡಿದ್ದಾರೆ.

English summary
Canada MP William Amos appears naked on parliament Zoom conference.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X