ಬೆಂಗಳೂರಿನ ರಾಜಲಕ್ಷ್ಮಿಗೆ ಮಿಸ್ ಪಾಪ್ಯುಲಾರಿಟಿ ಕಿರೀಟ
ಪೋಲೆಂಡ್ ನ ವಾರ್ಸಾದಲ್ಲಿ ಶನಿವಾರ ನಡೆದ ಮಿಸ್ ವ್ಹೀಲ್ ಚೇರ್ ವರ್ಲ್ಡ್ -2017 ಸ್ಪರ್ಧೆಯಲ್ಲಿ ಬೆಂಗಳೂರಿನ ದಂತವೈದ್ಯೆ ರಾಜಲಕ್ಷ್ಮಿ ಅವರು ಭಾರತವನ್ನು ಪ್ರತಿನಿಧಿಸಿ, ಮಿಸ್ ಪಾಪ್ಯುಲಾರಿಟಿ 2017 ಪ್ರಶಸ್ತಿಯನ್ನು ತಮ್ಮ ಮುಡಿಗೇರಿಸಿಕೊಂಡಿದ್ದಾರೆ.
ಬೆಲಾರಸ್ ನ ಮನಶ್ಶಾಸ್ತ್ರದ ವಿದ್ಯಾರ್ಥಿನಿ ಅಲೆಕ್ಸಾಂಡ್ರಾ ಚಿಚಿಕೊವಾ ಮಿಸ್ ವ್ಹೀಲ್ ಚೇರ್ ವರ್ಲ್ಡ್ -2017 ಆಗಿ ಆಯ್ಕೆಯಾದರು. ಈ ಸ್ಪರ್ಧೆಯಲ್ಲಿ ವಿಜೇತರಾಗಿರುವ ಚಿಚಿಕೊವಾ, ನಿಮ್ಮ ಆತಂಕ ಹಾಗೂ ಭಯದ ವಿರುದ್ಧ ಹೋರಾಡಿ ಎಂದು ಹೇಳಿದ್ದಾರೆ.
ಮಿಸ್ ವ್ಹೀಲ್ ಚೇರ್ ಗೆದ್ದುಬರಲಿ ನಮ್ಮ ಕನ್ನಡತಿ ಡಾ.ರಾಜಲಕ್ಷ್ಮಿ
ದಕ್ಷಿಣ ಆಫ್ರಿಕಾದ ಲೆಬೊಹಾಂಗ್ ಮೊನಿಟ್ಸಿ ರನ್ನರ್ ಅಪ್ ಆಗಿದ್ದಾರೆ. ಈ ಹತ್ತೊಂಬತ್ತು ದೇಶಗಳ ಇಪ್ಪತ್ನಾಲ್ಕು ಸುಂದರಿಯರು ಭಾಗವಹಿಸಿದ್ದರು. ವ್ಹೀಲ್ ಚೇರ್ ಮೇಲೆ ದಿನ ಕಳೆಯುವ ಮಹಿಳೆಯರ ಬಗ್ಗೆ ಇರುವ ಸಮಾಜದ ಧೋರಣೆಯನ್ನು ಬದಲಾಯಿಸುವುದು ಈ ಸ್ಪರ್ಧೆಯ ಉದ್ದೇಶವಾಗಿತ್ತು.
ಈ ಸ್ಪರ್ದೆಯಲ್ಲಿ ಸೌಂದರ್ಯವೊಂದೇ ಮಾನದಂಡವಾಗಿರಲಿಲ್ಲ. ನಾವು ಸ್ಪರ್ಧಿಗಳ ವ್ಯಕ್ತಿತ್ವವನ್ನೂ ಗಣನೆಗೆ ತೆಗೆದುಕೊಂಡಿದ್ದೆವು. ಅವರ ನಿತ್ಯದ ಚಟುವಟಿಕೆ, ಪಾಲ್ಗೊಳ್ಳುವಿಕೆ, ಸಾಮಾಜಿಕ ಜೀವನ ಹಾಗೂ ಯೋಜನೆಗಳನ್ನು ಕೂಡ ಗಮನಿಸಿದ್ದೆವು ಎಂದು ಸ್ಪರ್ಧೆಯ ತೀಪುಗಾರ್ತಿಯಲ್ಲಿ ಒಬ್ಬರು ತಿಳಿಸಿದ್ದಾರೆ.
ಬೆಳಗಾವಿ ಮೂಲದ ಪ್ರದ್ನ್ಯಾ ಪುಣೇಕರ್ ಗೆ ಮಿಸೆಸ್ ಇಂಡಿಯಾ ಯುಕೆ ಕಿರೀಟ
ಸ್ಪರ್ಧಿಗಳು ಪೋಲೆಂಡ್ ನ ರಾಜಧಾನಿಯಲ್ಲಿ ಎಂಟು ದಿನ ಇದ್ದರು. ತಾಲೀಮು, ಫೋಟೋ ಸೆಷನ್ ಹಾಗೂ ಸಮಾರಂಭಗಳಲ್ಲಿ ತೊಡಗಿಕೊಂಡಿದ್ದರು.