ಕೆಲಸದ ಕೊನೆ ದಿನ ಸ್ಪೈಡರ್ ಮ್ಯಾನ್ ದಿರಿಸಿನಲ್ಲಿ ಬಂದು ಸುದ್ದಿಯಾದ ಬ್ಯಾಂಕರ್
ಕೆಲಸ ಮಾಡುತ್ತಿರುವ ಜಾಗದಲ್ಲಿ ಇದೇ ಕೊನೆ ದಿನ ಅಂತ ನಿಗದಿ ಆದ ಮೇಲೆ ಅದನ್ನು ಸ್ಮರಣೀಯ ಮಾಡಿಕೊಳ್ಳಬೇಕು ಅಂತ ಹಲವರು ಅಂದುಕೊಳ್ಳಬಹುದು. ಬರೀ ಕೆಲಸ ತೊರೆದು ಹೋಗುವವರಿಗೆ ಮಾತ್ರವಲ್ಲ, ಸಹೋದ್ಯೋಗಿಗಳಿಗೂ ಇಂಟರ್ ನೆಟ್ ನಲ್ಲೂ ಸುದ್ದಿ ಆಗಿರುವ ವಿಶಿಷ್ಟ ಘಟನೆ ಇಲ್ಲಿದೆ.
ಬ್ರೆಜಿಲ್ ದೇಶದ ಸಾವೊ ಪಾಲೋದ ಬ್ಯಾಂಕರ್ ಇದೀಗ ಸುದ್ದಿಯಲ್ಲಿದ್ದಾರೆ. ತಮ್ಮ ಉದ್ಯೋಗದ ಕೊನೆಯ ದಿನದಂದು ಸ್ಪೈಡರ್ ಮ್ಯಾನ್ ದಿರಿಸು ಧರಿಸಿ ಬಂದ ಈ ಬ್ಯಾಂಕರ್ ಬಗ್ಗೆಯೇ ಈಗ ಇಂಟರ್ ನೆಟ್ ನಲ್ಲಿ ಚರ್ಚೆ. ಕಚೇರಿ ಸುತ್ತ ಓಡಾಡುತ್ತಾ ತನ್ನ ಸಹೋದ್ಯೋಗಿಗಳ ಜತೆ ಈ ವ್ಯಕ್ತಿ ಮಾತುಕತೆ ನಡೆಸುತ್ತಿರುವ ದೃಶ್ಯಾವಳಿಗಳ ವಿಡಿಯೋ ಮಜಾ ನೀಡುತ್ತಿದೆ.
ಈ ಕಂಪನಿಯಲ್ಲಿ ಪ್ರೇಮಿಗಳನ್ನು ಹುಡುಕೋಕೂ ರಜಾ ಸಿಗುತ್ತೆ!
ಫೋಟೋಗಳು, ವಿಡಿಯೋ ಆನ್ ಲೈನ್ ನಲ್ಲಿ ಪೋಸ್ಟ್ ಮಾಡಲಾಗಿದೆ. ಆ ವ್ಯಕ್ತಿಯ ಹೆಸರು ಗೊತ್ತಾಗಿಲ್ಲ. ಆದರೆ ತನ್ನ ಕಂಪ್ಯೂಟರ್ ಮುಂದೆ ಕೂತಿದ್ದಾರೆ. ಸ್ಪೈಡರ್ ಮ್ಯಾನ್ ನಂತೆ ವೇಷ ಧರಿಸಿ ಕಚೇರಿಯಲ್ಲಿನ ಇತರ ಉದ್ಯೋಗಿಗಳ ಜತೆಗೆ ಮಾತುಕತೆ ನಡೆಸಿರುವುದು ಕಂಡುಬಂದಿದೆ.
ಸ್ಪೈಡರ್ ಮ್ಯಾನ್ ವೇಷ ಧರಿಸಿ ಬರುವ ಮೂಲಕ ಈ ವ್ಯಕ್ತಿ ಮಾತ್ರ ಖುಷಿ ಪಟ್ಟಿರುವುದಲ್ಲ. ಜತೆಗೆ ತನ್ನ ಸುತ್ತಲಿನವರಿಗೆ ಮನರಂಜನೆ ನೀಡಿದ್ದಾರೆ. ಅಂದ ಹಾಗೆ ಬ್ಯಾಂಕರ್ ಆಗಿ ಉದ್ಯೋಗ ಮಾಡುತ್ತಿದ್ದ ಈ ವ್ಯಕ್ತಿಗೆ ವೆಬ್ ಡಿಸೈನರ್ ಆಗಿ ಕೆಲಸ ಸಿಕ್ಕಿದೆ ಎಂಬುದು ಸದ್ಯಕ್ಕೆ ಬಂದ ಸುದ್ದಿ.