ಅಮೆರಿಕಾ ಪ್ರಶಸ್ತಿ ಪಡೆದ ಬೆಂಗಳೂರು ಮೂಲದ ಶಿಕ್ಷಕಿ
ವಾಷಿಂಗ್ಟನ್, ಸೆಪ್ಟಂಬರ್, 05 : ಬೆಂಗಳೂರು ಮೂಲದ ಅಮೆರಿಕಾ ಪ್ರಾಧ್ಯಾಪಕಿಗೆ ವಾಷಿಂಗ್ಟನ್ ನ ಪ್ರತಿಷ್ಠಿತ ಗೌರವ ಸಂದಿದೆ. ಪ್ರಶಸ್ತಿ ಪಡೆದ ಇವರು ವಿದೇಶ ನೆಲದಲ್ಲಿ ಭಾರತದ ಖ್ಯಾತಿಯನ್ನು ಇನ್ನಷ್ಟು ಇಮ್ಮಡಿಗೊಳಿಸಿದ್ದಾರೆ.
ಬೆಂಗಳೂರು ಮೂಲದ ಅಮೆರಿಕಾ ಪ್ರಾಧ್ಯಾಪಕಿ ಪ್ರೀತಿಕಾ ಕುಮಾರ್, ಪ್ರತಿಷ್ಠಿತ ಔಟ್ ಸ್ಟ್ಯಾಡಿಂಗ್ ಟೀಚರ್ ಪ್ರಶಸ್ತಿ-2015 ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಬೋಧನೆಯಲ್ಲಿ ಯಾವಾಗಲೂ ಸೃಜನಶೀಲತೆ, ಕ್ರಿಯಾಶೀಲತೆಯನ್ನು ತೋರಿದ್ದಕ್ಕಾಗಿ ಇವರ ಬೋಧನಾ ಶೈಲಿಯನ್ನು ಮೆಚ್ಚಿ ಈ ಪ್ರಶಸ್ತಿಗೆ ಆಯ್ಕೆ ಮಾಡಿದ್ದಾರೆ.[ಉಡುಪಿಯ ಮೀರಾ ಅಮೆರಿಕದ 'ಮಹಾಶಿಕ್ಷಕಿ']
ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್ ವ್ಯಾಸಂಗ ಮಾಡಿರುವ ಇವರು,2007 ರಿಂದ ಕಾನ್ಸಾಸ್ ನ ವಿಚಿಟಾ ಸ್ಟೇಟ್ ವಿಶ್ವವಿದ್ಯಾಲಯದಲ್ಲಿ ಸಹಾಯಕ ಪ್ರಾಧ್ಯಾಪಕಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ನವೆಂಬರ್ 19 ರ ಸೋಮವಾರದಂದು ನ್ಯೂಜೆರ್ಸಿಯ ನ್ಯೂ ಬ್ರನ್ ಸ್ವಿಕ್ ನಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ವಿಶ್ವವಿದ್ಯಾಲಯ ತಿಳಿಸಿದೆ.
ವಿದ್ಯಾರ್ಥಿಗಳಿಗೆ ಬೋಧನೆ ಮಾಡುವುದು ಸಾಮಾನ್ಯವಾದ ಸಂಗತಿಯೇನಲ್ಲ. ಪ್ರತಿಯೊಂದು ಬೋಧನೆಯು ಯಾವಾಗಲೂ ವಿಭಿನ್ನ ರೀತಿಯಲ್ಲಿಯೇ ಮೂಡಿ ಬರಬೇಕಾಗುತ್ತದೆ. ಇದಕ್ಕೆ ಬಹಳ ಸೃಜನಶೀಲತೆ, ತಾಳ್ಮೆ, ಕ್ರಿಯಾಶೀಲತೆ,[ಪ್ರಯತ್ನ, ಶ್ರಮ, ತ್ಯಾಗ ಎಲ್ಲವೂ ಬೇಕಾಗುತ್ತದೆ ಎಂದು ಪ್ರೀತಿಕಾ ಕುಮಾರ್ ಸಾಬೀತು ಮಾಡಿ ತೋರಿಸಿ ಸಾಧನೆಯ ಪಥ ತುಳಿದಿದ್ದಾರೆ.