ಫೈಜರ್ ಕೊರೊನಾ ಲಸಿಕೆಗೆ ಯುಕೆ ಬಳಿಕ ಮತ್ತೊಂದು ರಾಷ್ಟ್ರ ಒಪ್ಪಿಗೆ
ಬಹ್ರೇನ್, ಡಿಸೆಂಬರ್ 05: ಬಯೋಎನ್ಟೆಕ್ನ ಫೈಜರ್ ಕೊರೊನಾ ಲಸಿಕೆಗೆ ಯುಕೆ ಬಳಿಕ ಮತ್ತೊಂದು ರಾಷ್ಟ್ರ ಒಪ್ಪಿಗೆ ನೀಡಿದೆ.
ಹೌದು ಫೈಜರ್ ಕೊರೊನಾ ಲಸಿಕೆಗೆ ಬ್ರಿಟನ್ ಸರ್ಕಾರ ಗ್ರೀನ್ಸಿಗ್ನಲ್ ನೀಡಿದ ಬಳಿಕ ಇದೀಗ ಬಹ್ರೇನ್ ಕೂಡ ಸಮ್ಮತಿಸಿದೆ. ಮುಂದಿನ ವಾರದಿಂದಲೇ ತನ್ನ ಎಲ್ಲಾ ಪ್ರಜೆಗಳಿಗೆ ಫೈಜರ್-ಬಯೋ ಎನ್ ಟೆಕ್ ಸಂಸ್ಥೆಯ ಕೊರೊನಾ ಲಸಿಕೆಯನ್ನು ನೀಡಲು ಬ್ರಿಟನ್ ಸರ್ಕಾರ ನಿರ್ಧರಿಸಿದೆ.
ಕೋವ್ಯಾಕ್ಸಿನ್ ಲಸಿಕೆ ಪಡೆದ ಮೇಲೆ ಹರ್ಯಾಣ ಸಚಿವ ಅನಿಲ್ ವಿಜ್ಗೆ ಕೊರೊನಾ ಸೋಂಕು
ಫೈಜರ್-ಬಯೋ ಎನ್ ಟೆಕ್ ಸಂಸ್ಥೆ ಜಂಟಿಯಾಗಿ ಅಭಿವೃದ್ಧಿಪಡಿಸಿರುವ ಕೊರೊನಾ ವೈರಸ್ ಲಸಿಕೆಗೆ ಮಾನ್ಯತೆ ನೀಡಿದ ಹಾಗೂ ಈ ಲಸಿಕೆಯನ್ನು ಜನರ ಮೇಲೆ ಪ್ರಯೋಗ ನಡೆಸಲು ಒಪ್ಪಿಗೆ ನೀಡಿದ ವಿಶ್ವದ ಮೊದಲ ದೇಶವಾಗಿ ಬ್ರಿಟನ್ ಹೊರಹೊಮ್ಮಿದೆ.
ಇನ್ನು ಬ್ರಿಟನ್ ಸರ್ಕಾರದ ನಿರ್ಧಾರವನ್ನು ಸ್ವಾಗತಿಸಿರುವ ಫೈಜರ್-ಬಯೋ ಆ್ಯಂಡ್ ಟೆಕ್ ಸಂಸ್ಥೆ, ಸಂಸ್ಥೆಯ ಪಾಲಿಗೆ ಇದೊಂದು ಹೆಮ್ಮೆಯ ಮತ್ತು ಐತಿಹಾಸಿಕ ಕ್ಷಣ ಎಂದು ಸಂತಸ ವ್ಯಕ್ತಪಡಿಸಿದೆ.
ಫೈಜರ್ ಕೊರೊನಾ ಲಸಿಕೆಯ ಸಾರ್ವತ್ರಿಕ ಬಳಕೆಗೆ ಆರೋಗ್ಯ ಉತ್ಪನ್ನಗಳ ನಿಯಂತ್ರಣ ಸಂಸ್ಥೆ (MHRA) ಮಾಡಿದ್ದ ಶಿಫಾರಸನ್ನು ಸ್ವೀಕರಿಸಿರುವುದಾಗಿ ಬ್ರಿಟನ್ ಸರ್ಕಾರ ಘೋಷಿಸಿದೆ. ಇನ್ನು ಯಾರಿಗೆ ಯಾವ ಹಂತದಲ್ಲಿ ಕೊರೊನಾ ಲಸಿಕೆ ನೀಡಬೇಕು ಹಾಗೂ ಮೊದಲ ಪ್ರಾಶಸ್ತ್ಯ ಪಟ್ಟಿ ಸಿದ್ಧಪಡಿಸುವ ಜವಾಬ್ದಾರಿಯನ್ನು ಬ್ರಿಟನ್ನ ಲಸಿಕಾ ಸಮಿತಿಗೆ ನಿರ್ವಹಿಸಲಾಗಿದೆ.
ಬ್ರಿಟನ್ ಸರ್ಕಾರದ ಆದ್ಯತಾ ಪಟ್ಟಿಯನ್ನು ಅನುಸರಿಸಿ ಹಂತ ಹಂತವಾಗಿ ದೇಶದಲ್ಲಿ ಕೊರೊನಾ ಲಸಿಕೆ ಬಿಡುಗಡೆಗೆ ತುರ್ತು ಕ್ರಮಗಳನ್ನು ಕೈಗೊಳ್ಳಲಾಗುವುದು ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ.
Recommended Video
ಈ ಸಮಿತಿ ನೀಡುವ ಆದ್ಯತಾ ಪಟ್ಟಿಯನ್ನು ಆಧರಿಸಿ ಹಂತ ಹಂತವಾಗಿ ಬ್ರಿಟನ್ನ ಎಲ್ಲಾ ನಾಗರಿಕರಿಗೆ ಕೊರೊನಾ ಲಸಿಕೆ ನೀಡಲು ಸರ್ಕಾರ ಸಿದ್ಧವಾಗಿದೆ.