ಯೋಗಗುರು ಬಾಬಾ ರಾಮದೇವ್ ಭಾರತದ ಭವಿಷ್ಯದ ಪ್ರಧಾನಿ!
ನ್ಯೂಯಾರ್ಕ್, ಜುಲೈ 28: "ಭಾರತದ ಭವಿಷ್ಯದ ಪ್ರಧಾನಿ ಯೋಗ ಗುರು ರಾಮದೇವ್" ಎಂದು ನ್ಯೂಯಾರ್ಕ್ ಟೈಮ್ಸ್ ಪತ್ರಿಕೆ ಪ್ರಕಟಿಸಿದ ನುಡಿಚಿತ್ರವೊಂದರಲ್ಲಿ ಬರೆಯಲಾಗಿದೆ.
ರಾಮದೇವ್ ಅವರನ್ನು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರಿಗೆ ಹೋಲಿಸಲಾಗಿದ್ದು, ಭಾರತದ ಪ್ರಧಾನಿಯಾಗುವ ಎಲ್ಲಾ ಅರ್ಹತೆಯೂ ಬಾಬಾ ರಾಮದೇವ್ ಅವರಿಗಿದೆ ಎಂದು ವ್ಯಂಗ್ಯದ ದಾಟಿಯಲ್ಲಿ ಬರೆಯಲಾಗಿದೆ.
ವಾಟ್ಸ್ಆಪ್ಗೆ ಪೈಪೋಟಿ ನೀಡಲು ಬಂತು ಪತಂಜಲಿ ಮೆಸೇಜಿಂಗ್ ಆಪ್
ಡೊನಾಲ್ಡ್ ಟ್ರಂಪ್ ಹೇಗೆ ಅಮೆರಿಕದಾದ್ಯಂತ ತಮ್ಮ ಟ್ರಂಪ್ ಕಂಪನಿಯ ವ್ಯವಹಾರವನ್ನು ಪಸರಿಸಿದ್ದಾರೋ ಹಾಗೆಯೇ ಭಾರತದಲ್ಲಿ ಪತಂಜಲಿ ಕಂಪನಿಯ ಮೂಲಕ ಬಾಬಾ ರಾಮದೇವ್ ಅವರು ಸಹ ವ್ಯವಹಾರ ಪಸರಿಸಿದ್ದಾರೆ.
ಮೋದಿ ಬೆಳವಣಿಗೆ ಹಿಂದೆ ಬಾಬಾ ರಾಮದೇವ್!
ಪ್ರಧಾನಿ ನರೇಂದ್ರ ಮೋದಿ ಅವರ ಬೆಳವಣಿಗೆಯ ಹಿಂದೆ ಬಾಬಾ ರಾಮದೇವ್ ಇದ್ದಾರೆ ಎಂದು ನ್ಯೂಯಾರ್ಕ್ ಟೈಮ್ಸ್ ತನ್ನ ವರದಿಯಲ್ಲಿ ಹೇಳಿದೆ. ಬಿಜೆಪಿಯೊಂದಿಗೆ ರಾಮದೇವ್ ಅವರಿಗೆ ಆಪ್ತ ಸಂಬಂಧ ಇದೆ. ಜೊತೆಗೆ ಬಿಜೆಪಿ ಅಧಿಕಾರಕ್ಕೆ ಬಂದ ಮೇಲೆ ರಾಮದೇವ್ ಅವೆ ವ್ಯವಹಾರ ಸಾಮ್ರಾಜ್ಯವೂ ವಿಸ್ತರಿಸಿದೆ ಎಂದು ಇದರಲ್ಲಿ ಬರೆಯಲಾಗಿದೆ.
ಪಾಕಿಸ್ತಾನದ ಮೇಲೆ ದಾಳಿ ನಡೆಸಲು ಇದು ಸಕಾಲ : ರಾಮ್ ದೇವ್
ಇದು ವ್ಯಂಗ್ಯವೇ?
ಅಷ್ಟಕ್ಕೂ ಈ ನ್ಯೂಯಾರ್ಕ್ ಟೈಮ್ಸ್ ಗೆ ಬಾಬಾ ರಾಮದೇವ ಅವರ ಮೇಲೆ ಮುನಿಸಿದೆಯೇ? ಈ ಹೇಳಿಕೆಯನ್ನು ವ್ಯಂಗ್ಯದ ದಾಟಿಯಲ್ಲಿ ಬರೆಯಲಾಗಿದೆಯೇ? ಅಮೆರಿಕದಲ್ಲಿ ಇರುವ ಯೋಗ ಪ್ರೇಮಿಗಳಲ್ಲಿ ಬಹುತೇಕ ಜನ ಬಾಬಾ ರಾಮದೇವ್ ಅವರ ಅಭಿಮಾನಿಗಳು. ಯೋಗದ ಮೂಲಕ ಭಾರತೀಯ ಸಂಸ್ಕೃತಿಯನ್ನು ಅಮೆರಿಕದಲ್ಲೂ ಪಸರಿಸುವ ಪ್ರಯತ್ನವನ್ನು ಬಾಬಾ ರಾಮದೇವ್ ಮಾಡುತ್ತಿದ್ದಾರೆ ಎಂಬ ಭಯವೂ ಅದಕ್ಕಿದ್ದಿರಬಹುದು. ಆದ್ದರಿಂದ ಈ ರೀತಿ ಬರೆದಿರಬಹುದು ಎಂದು ಅಂದಾಜಿಸಲಾಗಿದೆ.
ಡೊನಾಲ್ಡ್ ಟ್ರಂಪ್ ಗೆ ಭಾರತದ ಉತ್ತರ ರಾಮದೇವ್!
ಬಾಬಾ ರಾಮದೇವ್ ಭಾರತದಲ್ಲಿ ತಮ್ಮದೇ ಆದ ಉದ್ಯಮ ಪ್ರಪಂಚ ಹೊಂದೊದ್ದಾರೆ. ಡೊನಾಲ್ಡ್ ಟ್ರಂಪ್ ಅಮೆರಿಕದಲ್ಲಿ ಹೊಂದಿಂತೆ! ಟ್ರಂಪ್ ರಂಥೆ ಬಹುಕೋಟಿ ಸಾಮ್ರಾಜ್ಯ ಹೊಂದಿರುವ ರಾಮದೇವ್ ಅವರಿಗೆ ಬಿಜೆಪಿ ಸರ್ಕಾರದ ಬೆಂಬಲವೂ ಇದೆ. ಅವರು ಭಾರತದ ಪ್ರಧಾನಿ ನರೇಂದ್ರ ಮೋದಿಯ ಆಪ್ತರೂ ಹೌದು. ತಮ್ಮ ಪತಂಜಲಿ ಉತ್ಪನ್ನ ಭಾರತದ ಮೂಲೆ ಮೂಲೆಯಲ್ಲೂ ಪ್ರಚಾರ ಪಡೆವ ಯಾವ ಅವಕಾಶವನ್ನೂ ಅವರು ಕಳೆದುಕೊಳ್ಳಲಾರರು ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ.
ಎಲ್ಲ ಪ್ರಧಾನಿಗಳಿಗಿಂತ ಬಲಶಾಲಿ ರಾಮದೇವ್!
ಬಾಬಾ ರಾಮದೇವ್ ಎಲ್ಲ ಪ್ರಧಾನಿಗಳಿಗಿಂತ ಬಲಶಾಲಿ. ಅವರ 'ನಮಸ್ತೆ'ಗೆ ವಿಶೇಷ ಶಕ್ತಿಯಿದೆ. ಅವರಿಗೆ ಜನಪ್ರಿಯತೆ, ಹಣ ಮತ್ತು ಆರೋಗ್ಯ, ಜ್ಞಾನ ಎಲ್ಲವೂ ಇರುವುದರಿಂದ ಅವರೊಬ್ಬ ಶಕ್ತಿಯುತ ಪ್ರಧಾನಿಯಾಗಬಲ್ಲರು ಎಂದು ಅದು ಹೇಳಿದೆ. ಇದು ಲೇವಡಿಯೋ, ಅಥವಾ ಮೆಚ್ಚುಗೆಯೋ ದೇವರೇ ಬಲ್ಲ!
|
ಬಹುರಾಷ್ಟ್ರೀಯ ಕಂಪನಿಗಳಿಗೆ ಭಯ!
ನ್ಯೂಯಾರ್ಕ್ ಟೈಮ್ಸ್ ತನ್ನ ಹಿಂದು ವಿರೋಧಿ ಮನಸ್ಥಿತಿಯನ್ನು ಮುಂದುವರಿಸಿದೆ. ಅದಕ್ಕೆಂದೇ ಸ್ವಾಮಿ ರಾಮದೇವ್, ಮೋದಿ ಮತ್ತು ಆರೆಸ್ಸೆಸ್ ಅನ್ನು ಗುರಿಯಾಗಿಸಿ ಮಾತನಾಡುತ್ತಿದೆ. ಬಾಬಾ ರಾಮದೇವ್ ಅವರಿಂದಾಗಿ ಭಾರತದಲ್ಲಿ ಬಹುರಾಷ್ಟ್ರೀಯ ಕಂಪನಿಗಳು ಅಸ್ತಿತ್ವ ಕಳೆದುಕೊಳ್ಳುತ್ತಿವೆ ಎಂಬ ಭಯ ಅವರಿಗೆ ಆವರಿಸಿದೆ ಎಂದು ಡಾ.ಡೇವಿಡ್ ಫ್ರಾಲಿ ಟ್ವೀಟ್ ಮಾಡಿದ್ದಾರೆ.