ಮ್ಯಾಡ್ರಿಡ್ ಕಟ್ಟಡ ಸ್ಫೋಟ: ಇಬ್ಬರು ಸಾವು, ಹಲವರಿಗೆ ಗಾಯ
ಮ್ಯಾಡ್ರಿಡ್, ಜನವರಿ 20: ಮ್ಯಾಡ್ರಿಡ್ ಕಟ್ಟಡವೊಂದರಲ್ಲಿ ಭಾರಿ ಸ್ಫೋಟ ಸಂಭವಿಸಿದ್ದು, ಇಬ್ಬರು ಮೃತಪಟ್ಟಿದ್ದು, ಅನೇಕರಿಗೆ ಗಾಯಗಳಾಗಿವೆ. ಅನಿಲ ಸೋರಿಕೆಯಿಂದ ಕಟ್ಟಡದಲ್ಲಿ ಸ್ಫೋಟವಾಗಿರುವ ಶಂಕೆ ವ್ಯಕ್ತವಾಗಿದೆ.
ಘಟನಾ ಸ್ಥಳಕ್ಕೆ 5 ತಂಡ ದ ಅಗ್ನಿಶಾಮಕದಳ ಸಿಬ್ಬಂದಿ, 5 ಆಂಬ್ಯುಲೆನ್ಸ್ ಧಾವಿಸಿ ಬಂದಿದ್ದು, ರಕ್ಷಣಾ ಕಾರ್ಯದಲ್ಲಿ ತೊಡಗಿಕೊಂಡಿದ್ದಾರೆ. ಘಟನಾ ಸ್ಥಳದಲ್ಲಿ ಎರಡು ಶವ ಪತ್ತೆಯಾಗಿದ್ದು, ಒಬ್ಬರಿಗೆ ತೀವ್ರ ಗಾಯವಾಗಿದ್ದು, ಒಟ್ಟು 6 ಮಂದಿಗೆ ಸಣ್ಣ ಪುಟ್ಟ ಗಾಯಗಳಾಗಿವೆ. ಗಾಯಾಳುಗಳನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ಕೊಡಿಸಲಾಗಿದೆ ಎಂದು ತಿಳಿದು ಬಂದಿದೆ.
ವೃದ್ಧರ ಆರೈಕೆ ಕೇಂದ್ರದ ಪಕ್ಕದ ಕಟ್ಟಡ ಇದಾಗಿದ್ದು, ವೃದ್ಧರೆಲ್ಲರೂ ಸುರಕ್ಷಿತವಾಗಿದ್ದಾರೆ ಎಂದು ಲಾ ಪಲೋಮಾ ನಿವಾಸದವರು ಹೇಳಿದ್ದಾರೆ. ಈ ರೀತಿ ದೊಡ್ಡ ಮಟ್ಟದ ಸ್ಫೋಟ, ಸದ್ದು ನಾನು ಇಲ್ಲಿ ತನಕ ಕೇಳಿರಲಿಲ್ಲ ಎಂದು ಸಮೀಪದ ನಿವಾಸಿ ಲೊರೆಂಟೋ ಫಾಮೆಂಟೋ ಪ್ರತಿಕ್ರಿಯಿಸಿದ್ದಾರೆ.
DIRECTO | La Policía Nacional ha desplegado en la calle Toledo más de 120 agentes. En la imagen, los bomberos tratan de sofocar las llamas del edificio que ha sufrido la explosión. Foto de Manuel Fernández / Ap https://t.co/iOsrxjdcS9 pic.twitter.com/KeGRbr2RmB
— EL PAÍS (@el_pais) January 20, 2021
ಕ್ಯಾಲೆ ಟೊಲೆಡೋದ ನಾಲ್ಕು ಮಹಡಿ ಕಟ್ಟಡದ ಗೋಡೆಗಳು ಸಂಪೂರ್ಣ ಕುಸಿದು ನೆಲಕ್ಕುರುಳಿದ ದೃಶ್ಯಗಳು ಸಾಮಾಜಿಕ ಜಾಲ ತಾಣಗಳಲ್ಲಿ ಹರಿದಾಡುತ್ತಿವೆ. ಈ ಪ್ರದೇಶದಲ್ಲಿ ದಟ್ಟ ಹೊಗೆ, ಧೂಳು ಆವರಿಸಿಕೊಂಡಿದೆ. ರಕ್ಷಣಾ ಕಾರ್ಯ ಭರದಿಂದ ಸಾಗಿದೆ.