ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ನ್ಯೂ ಜೆರ್ಸಿಯಲ್ಲಿ ಭಾರತೀಯ ಟೆಕ್ಕಿಯ ಕೊಲೆ

ಶುಕ್ರವಾರ ಮನೆಯಿಂದಲೇ ಕಂಪನಿಯ ಸೇವೆಯಲ್ಲಿ ತೊಡಗಿದ್ದಾಗ ಶಶಿಕಲಾ ಕೊಲೆಯಾಗಿದ್ದಾರೆಂದು ನ್ಯೂ ಜೆರ್ಸಿ ಪೊಲೀಸರು ತಿಳಿಸಿದ್ದಾರೆ.

|
Google Oneindia Kannada News

ನ್ಯೂಜೆರ್ಸಿ, ಮಾರ್ಚ್ 25: ಆಂಧ್ರಪ್ರದೇಶ ಮೂಲದವರಾದ ಮಹಿಳಾ ಟೆಕ್ಕಿ ಹಾಗೂ ಅವರ 7 ವರ್ಷದ ಪುತ್ರನನ್ನು ದುಷ್ಕರ್ಮಿಗಳು ಅವರ ಮನೆಯಲ್ಲೇ ಹತ್ಯೆ ಮಾಡಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಎನ್. ಶಶಿಕಲಾ (38) ತಮ್ಮ ಪತಿ ಎನ್. ಹನುಮಂತ ರಾವ್ ಜತೆ ನ್ಯೂಜೆರ್ಸಿಯಲ್ಲಿ ವಾಸವಾಗಿದ್ದರು. ಗುರುವಾರ (ಮಾರ್ಚ್ 23) ರಾತ್ರಿ ಸುಮಾರು 9 ಗಂಟೆ ಹೊತ್ತಿಗೆ ಕಂಪನಿಯಿಂದ ಮನೆಗೆ ಹನುಮಂತ ರಾವ್ ಅವರು ಮನೆಗೆ ಹಿಂದಿರುಗಿದಾಗ ಘಟನೆ ಬೆಳಕಿಗೆ ಬಂದಿದೆ.

andhra-pradesh-woman-techie-young-son-found-dead-in-new-jersey-home

ಅಂದು ಶಶಿಕಲಾ ಕಂಪನಿಗೆ ಹೋಗಿರಲಿಲ್ಲ. ಮನೆಯಿಂದಲೇ ಕೆಲಸ ಮಾಡುವ ಸೌಲಭ್ಯದಲ್ಲಿ (ವರ್ಕ್ ಫ್ರಂ ಹೋಮ್) ಕೆಲಸ ಮಾಡಿದ್ದರು. ಆ ವೇಳೆ, ಅವರ ಹಾಗೂ ಅವರ ಮಗನ ಕೊಲೆಯಾಗಿದೆ ಎಂದು ಹೇಳಲಾಗಿದೆ.

ಈ ಕೊಲೆಗಳನ್ನು ಭಾರತೀಯರ ವಿರೋಧಿ ಕುಕೃತ್ಯ ಎಂದು ಪರಿಗಣಿಸಲಾಗದು ಎಂದು ಅಲ್ಲಿನ ಪೊಲೀಸರು ತಿಳಿಸಿದ್ದಾರೆ. ಮೇಲ್ನೋಟಕ್ಕೆ ಇದು ಬೇರೆಯದ್ದೇ ಕಾರಣಕ್ಕಾಗಿ ನಡೆದಿರುವ ಕೊಲೆಗಳು ಎಂಬುದು ಸ್ಪಷ್ಟವಾಗಿದೆ ಎಂದು ಅಲ್ಲಿನ ಪೊಲೀಸರು ಹೇಳಿದ್ದಾರೆಂದು ಮೂಲಗಳು ತಿಳಿಸಿವೆ.

ಏತನ್ಮಧ್ಯೆ, ಭಾರತದಲ್ಲಿರುವ ಶಶಿಕಲಾ ಅವರ ತಂದೆ- ತಾಯಿ, ಹನುಮಂತ ರಾವ್ ಮೇಲೆಯೇ ಅನುಮಾನ ಪಟ್ಟಿದ್ದಾರೆ. ಹನುಮಂತ ರಾವ್ ಗೆ ನ್ಯೂಜೆರ್ಸಿಯ ಸ್ಥಳೀಯ ಮಹಿಳೆಯೊಬ್ಬರ ಜತೆ ಅನೈತಿಕ ಸಂಬಂಧವಿದ್ದು, ತಮ್ಮ ಮಗಳ ಹಾಗೂ ಮೊಮ್ಮಗನ ಹತ್ಯೆಗೆ ಅವರ ಆ ಸಂಬಂಧವೇ ಮೂಲ ಕಾರಣವಾಗಿದೆ ಎಂದು ದೂರಿದ್ದಾರೆ.

ದಂಪತಿಗಳು, ಕಳೆದ 12 ವರ್ಷಗಳಿಂದ ಅಮೆರಿಕದಲ್ಲೇ ನೆಲೆಸಿದ್ದರು ಎಂದು ಹೇಳಲಾಗಿದೆ.

English summary
A woman techie from Andhra Pradesh and her 7-year-old son were found dead in their home in New Jersey on Thursday.N Sasikala, 38, and the child were stabbed "multiple times", US law enforcement officials said but ruled out that the brutal killings were hate crime.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X