ಮೌಂಟ್ ಎವರೆಸ್ಟ್ ಚಾರಣ ಮಾಡುತ್ತಿದ್ದ ಅಮೆರಿಕ ಪ್ರಜೆ ಸಾವು
ವಿಶ್ವದ ಅತ್ಯಂತ ಎತ್ತರದ ಪರ್ವತ ಎಂದೇ ಪ್ರಸಿದ್ಧಿ ಪಡೆದ ಮೌಂಟ್ ಎವರೆಸ್ಟ್ ಚಾರಣ ಮಾಡುತ್ತಿದ್ದ ಅಮೆರಿಕದ ಪ್ರಜೆಯೊಬ್ಬ ಆಕ್ಸಿಜನ್ ಕೊರತೆಯಿಂದಾಗಿ ಸಾವಿನಪ್ಪಿದ ಘಟನೆ ನಿನ್ನೆ ನಡೆದಿದೆ.
ನೇಪಾಳ, ಮೇ 22: ವಿಶ್ವದ ಅತ್ಯಂತ ಎತ್ತರದ ಪರ್ವತ ಎಂದೇ ಪ್ರಸಿದ್ಧಿ ಪಡೆದ ಮೌಂಟ್ ಎವರೆಸ್ಟ್ ಚಾರಣ ಮಾಡುತ್ತಿದ್ದ ಅಮೆರಿಕದ ಪ್ರಜೆಯೊಬ್ಬ ಆಕ್ಸಿಜನ್ ಕೊರತೆಯಿಂದಾಗಿ ಸಾವಿನಪ್ಪಿದ ಘಟನೆ ನಿನ್ನೆ (ಮೇ 21) ನಡೆದಿದೆ.
ಮೃತರನ್ನು ಅಮೆರಿಕದ ರೊಲಾಂಡ್ ಯೀರ್ವುಡ್ (50) ಎಂಡು ಗುರುತಿಸಲಾಗಿದ್ದು, ಮೌಂಟ್ ಎವರೆಸ್ಟ್ ನ ಡೆತ್ ಜೋನ್ ಎಂಬ 27,500 ಅಡಿ ಎತ್ತರದ ಪ್ರದೇಶದಲ್ಲಿದ್ದ ರೋಲಾಂಡ್ ಆಕ್ಸಿಜನ್ ಕೊರತೆಯಿಂದಾಗಿ ಸಾವನ್ನಪ್ಪಿದ್ದಾರೆ ಎಂದು ಎವರೆಸ್ಟ್ ಪರಿವಾಸ್ ಟ್ರೆಕ್ಕಿಂಗ್ ಕಲ್ಪನಿಯ ಮುರಳೀ ಶರ್ಮಾ ಎನ್ನುವವವರು ತಿಳಿಸಿದ್ದಾರೆ.[ಈ 2 ಮಕ್ಕಳ ತಾಯಿ, 5 ದಿನಗಳಲ್ಲಿ ಮೌಂಟ್ ಎವರೆಸ್ಟ್ 2 ಬಾರಿ ಹತ್ತಿಳಿದ್ರು!]
ಒಂದು ತಿಂಗಳಿನಲ್ಲಿ ಎವರೆಸ್ಟ್ ಗೆ ಪ್ರವಾಕ್ಕೆಂದು ತೆರಳಿ ಮೃತರಾದ ಮೂರನೇ ವ್ಯಕ್ತಿ ರೊಲಾಂಡ್ ಆಗಿದ್ದು, ಭಾರತದ ಇನ್ನೊಬ್ಬ ವ್ಯಕ್ತಿ ಕಾಣೆಯಾಗಿದ್ದಾರೆಂದು ತಿಳಿದು ಬಂದಿದೆ. ಮೌಂಟ್ ಎವರೆಸ್ಟ್ ನಲ್ಲಿ ಇಂಥ ಘಟನೆಗಳು ಪದೇ ಪದೇ ನಡೆಯುತ್ತಿದ್ದು, ಭದ್ರತೆಯ ಬಗ್ಗೆ ಹೆಚ್ಚಿನ ಗಮನ ನೀಡುವ ಅಗತ್ಯವಿದೆ.
ಚೀನಾ ಮತ್ತು ನೇಪಾಳದ ಗಡಿಯಲ್ಲಿರುವ ಮೌಂಟ್ ಎವರೆಸ್ಟ್ ಸಮುದ್ರ ಮಟ್ಟದಿಂದ 29,029 ಅಡಿ ಎತ್ತರದಲ್ಲಿದ್ದು, ಜಗತ್ತಿನ ಅತ್ಯಂತ ಎತ್ತರದ ಪರ್ವತ ಎನ್ನಿಸಿದೆ.
{promotion-urls}