Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಮೇರಿಕಾದ ಪ್ರಖ್ಯಾತ ನಟ ಮತ್ತು ಪತ್ನಿಗೆ ಕೊರೊನಾ ವೈರಸ್ ಪಾಸಿಟಿವ್!
ಆಸ್ಟ್ರೇಲಿಯಾ, ಮಾರ್ಚ್ 12: ಅಮೇರಿಕಾದ ಪ್ರಖ್ಯಾತ ನಟ, ಆಸ್ಕರ್ ಪ್ರಶಸ್ತಿ ವಿಜೇತ ಟಾಮ್ ಹ್ಯಾಂಕ್ಸ್ ಮತ್ತು ಪತ್ನಿ ರೀಟಾ ವಿಲ್ಸನ್ ಗೆ ಮಾರಕ ಕೊರೊನಾ ವೈರಸ್ ಸೋಂಕು ತಗುಲಿದೆ.
ತಮಗೆ ಕೊರೊನಾ ವೈರಸ್ ಸೋಂಕು ತಗುಲಿರುವ ಬಗ್ಗೆ ಖುದ್ದು ಟಾಮ್ ಹ್ಯಾಂಕ್ಸ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಖಚಿತ ಪಡಿಸಿದ್ದಾರೆ. 63 ವರ್ಷದ ಟಾಮ್ ಹ್ಯಾಂಕ್ಸ್ ಮತ್ತು ರೀಟಾ ವಿಲ್ಸನ್ ಸದ್ಯ ಆಸ್ಟ್ರೇಲಿಯಾದಲ್ಲಿ ಪ್ರತ್ಯೇಕವಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಎಲ್ವಿಸ್ ಪ್ರೆಸ್ಲಿಯ ಜೀವನ ಚರಿತ್ರೆ ಕುರಿತು ಸಿನಿಮಾ ಮಾಡುವ ಸಲುವಾಗಿ ಟಾಮ್ ಹ್ಯಾಂಕ್ಸ್ ಮತ್ತು ರೀಟಾ ವಿಲ್ಸನ್ ದಂಪತಿ ಆಸ್ಟ್ರೇಲಿಯಾದ ಗೋಲ್ಡ್ ಕೋಸ್ಟ್ ಗೆ ಹಾರಿದ್ದರು. ಈ ವೇಳೆ ಅವರಿಗೆ ಮಾರಣಾಂತಿಕ ಕೊರೊನಾ ವೈರಸ್ ಸೋಂಕು ತಗುಲಿದೆ.
ಕೊರೊನಾ ವೈರಸ್ ಪಾಸಿಟೀವ್
''ನಮಗೆ ಸ್ವಲ್ಪ ಸುಸ್ತು ಎನಿಸಿತು. ಶೀತ ಕಾಣಿಸಿಕೊಂಡಿತು. ಮೈ, ಕೈ ನೋವಾಗುತ್ತಿತ್ತು. ಆಗಾಗ ರೀಟಾಗೆ ನೆಗಡಿ ಆಗುತ್ತಿತ್ತು. ಜ್ವರ ಕೂಡ ಇತ್ತು. ಹೀಗಾಗಿ, ವೈದ್ಯಕೀಯ ತಪಾಸಣೆ ಮಾಡಿಸಿದ ಬಳಿಕ ನಮ್ಮಿಬ್ಬರಿಗೂ ಕೊರೊನಾ ಪಾಸಿಟಿವ್ ಇರುವುದು ದೃಢ ಪಟ್ಟಿದೆ'' ಎಂದು ಟಾಮ್ ಹ್ಯಾಂಕ್ಸ್ ತಮ್ಮ ಸೋಷಿಯಲ್ ಮೀಡಿಯಾ ಅಕೌಂಟ್ ಮೂಲಕ ಬಹಿರಂಗ ಪಡಿಸಿದ್ದಾರೆ.
ಪ್ರತ್ಯೇಕ ಚಿಕಿತ್ಸೆ
''ಮುಂದೇನು ಮಾಡೋಣ? ವೈದ್ಯಕೀಯ ಅಧಿಕಾರಿಗಳು ಸೂಚಿಸಿದಂತೆ ನಡೆದುಕೊಳ್ಳುವುದು ಅನಿವಾರ್ಯ. ಸಾರ್ವಜನಿಕ ಸುರಕ್ಷತೆ ದೃಷ್ಟಿಯಿಂದ ನಮ್ಮನ್ನ ಪ್ರತ್ಯೇಕವಾಗಿ ಇರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ'' ಎಂದು ಟಾಮ್ ಹ್ಯಾಂಕ್ಸ್ ಇನ್ಸ್ಟಾಗ್ರಾಮ್ ನಲ್ಲಿ ಬರೆದುಕೊಂಡಿದ್ದಾರೆ.
ಟಾಮ್ ಹ್ಯಾಂಕ್ಸ್ ಕುರಿತು..
ಕ್ಯಾಲಿಫೋರ್ನಿಯದಲ್ಲಿ ಹುಟ್ಟಿದ ಥಾಮಸ್ ಜೆಫ್ರಿ ಹ್ಯಾಂಕ್ಸ್ ಸಿನಿ ಲೋಕದಲ್ಲಿ ಟಾಮ್ ಹ್ಯಾಂಕ್ಸ್ ಎಂದೇ ಜನಪ್ರಿಯತೆ ಪಡೆದಿದ್ದಾರೆ. 'ಸ್ಪ್ಲಾಶ್', 'ಬ್ಯಾಚೆಲರ್ ಪಾರ್ಟಿ', 'ಬಿಗ್', 'ಫಿಲಡೆಲ್ಫಿಯ', 'ಫಾರೆಸ್ಟ್ ಗಂಪ್', 'ಅಪೋಲೋ 13', 'ಕ್ಯಾಪ್ಟನ್ ಫಿಲಿಪ್ಸ್' ಮುಂತಾದ ಚಿತ್ರಗಳಲ್ಲಿ ಟಾಮ್ ಹ್ಯಾಂಕ್ಸ್ ಅಭಿನಯಿಸಿದ್ದಾರೆ. ಗೋಲ್ಡನ್ ಗ್ಲೋಬ್ ಅವಾರ್ಡ್, ಅಕಾಡೆಮಿ ಅವಾರ್ಡ್, ಪೀಪಲ್ಸ್ ಚಾಯ್ಸ್ ಅವಾರ್ಡ್ ಸೇರಿದಂತೆ ಹಲವು ಪ್ರಶಸ್ತಿಗಳನ್ನು ಟಾಮ್ ಹ್ಯಾಂಕ್ಸ್ ಪಡೆದಿದ್ದಾರೆ.
ರೀಟಾ ವಿಲ್ಸನ್ ಕುರಿತು
ಟಾಮ್ ಹ್ಯಾಂಕ್ಸ್ ಪತ್ನಿ ರೀಟಾ ವಿಲ್ಸನ್ ಕೂಡ ಅಮೇರಿಕಾದ ನಟಿ, ಗಾಯಕಿ ಮತ್ತು ನಿರ್ಮಾಪಕಿ. 'ನೌ ಅಂಡ್ ದೆನ್', 'ಜಿಂಗಲ್ ಆಲ್ ದಿ ವೇ', 'ದಿ ಸ್ಟೋರಿ ಆಫ್ ಅಸ್', 'ರನ್ ಅವೇ ಬ್ರೈಡ್' ಮುಂತಾದ ಚಿತ್ರಗಳಲ್ಲಿ ರೀಟಾ ವಿಲ್ಸನ್ ಅಭಿನಯಿಸಿದ್ದಾರೆ.
