ಅಮೆರಿಕ: ಫ್ಲೋರಿಡಾದಲ್ಲಿ ಭೀಕರ ಶೂಟೌಟ್ ಗೆ ನಾಲ್ವರು ಬಲಿ
ಫ್ಲೋರಿಡಾ, ಆಗಸ್ಟ್ 27: ಅಮೆರಿಕದ ಫ್ಲೋರಿಡಾದ ಜಾಕ್ಸೋನ್ ವಿಲ್ಲೆ ಎಂಬಲ್ಲಿ ನಡೆದ ಶೂಟೌಟ್ ನಲ್ಲಿ ನಾಲ್ವರು ಮೃತರಾಗಿದ್ದು, ಮೃತರ ಸಂಖ್ಯೆ ಮತ್ತಷ್ಟು ಏರುವ ಸಾಧ್ಯತೆ ಇದೆ ಎಂದು ವರದಿಗಳು ತಿಳಿಸಿವೆ.
ಮೈನಡುಗಿಸುವಂತಿವೆ ಅಮೆರಿಕಾ ಶಾಲಾ ಹತ್ಯಾಕಾಂಡಗಳು
ಸ್ಥಳೀಯ ಕಾಲಮಾನದ ಪ್ರಕಾರ ಭಾನುವಾರ ಈ ಘಟನೆ ಸಂಭವಿಸಿದ್ದು, 11 ಜನರ ಮೇಲೆ ಓರ್ವ ವ್ಯಕ್ತಿ ಏಕಾಏಕಿ ಗುಂಡಿನ ದಾಳಿ ನಡೆಸಿದ್ದಾರೆ.
ಆರೋಪಿ ಸಹ ಘಟನೆಯಲ್ಲಿ ಮೃತನಾಗಿದ್ದಾನೆಂದು ವರದಿ ತಿಳಿಸಿದೆ. ವಿಡಿಯೋ ಗೇಮ್ ಟೂರ್ನಮೆಂಟ್ ವೊಂದು ನಡೆಯುತ್ತಿದ್ದ ಸಮಯದಲ್ಲಿ ಈ ದಾಳಿ ನಡೆದಿದೆ.
ಆರೋಪಿಯನ್ನು ಮಾಲ್ಟಿಮೋರ್ ನ 24 ವರ್ಷ ವಯಸ್ಸಿನ ಡೆವಿಡ್ ಕಾಟ್ಜ್ ಎಂದು ಗುರುತಿಸಲಾಗಿದೆ.
ಘಟನೆಯಲ್ಲಿ ನಾಲ್ವರು ಮೃತರಾದರೆ, 11 ಜನ ಗಂಭೀರ ಗಾಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ಕಳೆದ ಫೆಬ್ರವರಿಯಲ್ಲಿ ಫ್ಲೋರಿಡಾದ ಶಾಲೆಯೊಂದರ ಮೇಲೆ ನಡೆದ ಶೂಟೌಟ್ ನಲ್ಲಿ 17 ಜನರು ಬಲಿಯಾಗಿದ್ದರು. ಈ ಹೀನಾತಿಹೀನ ಕೃತ್ಯದಲ್ಲಿ ಇದೇ ಶಾಲೆಯ ಹಳೇ ವಿದ್ಯಾರ್ಥಿಯೊಬ್ಬನ ಕೈವಾಡವಿದೆ ಎಂದು ಆತನನ್ನು ಬಂಧಿಸಲಾಗಿತ್ತು. ಆದರೆ ಯಾವ ತಪ್ಪನ್ನೂ ಮಾಡದ ಅಮಾಯಕ ಮಕ್ಕಳು ಈ ಘಟನೆಯಲ್ಲಿ ಬಲಿಯಾಗಿದ್ದರು.