ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಸಿರಿಯಾ ಮೇಲೆ ಅಮೆರಿಕ ದಾಳಿ, ನೂರಕ್ಕೂ ಹೆಚ್ಚು ಸಾವು
ವಾಷಿಂಗ್ಟನ್, ಫೆಬ್ರವರಿ 08: ಅಮೆರಿಕದ ಸೇನಾ ನೆಲೆ ಮೇಲೆ ದಾಳಿ ನಡೆಸಿದ್ದ ಸಿರಿಯಾ ಸರ್ಕಾರಿ ಪಡೆಗಳ ವಿರುದ್ಧ ಪ್ರತಿ ದಾಳಿ ನಡೆಸಿರುವ ಅಮೆರಿಕ ಮತ್ತು ಮಿತ್ರ ರಾಷ್ಟ್ರಗಳು ನೂರಕ್ಕೂ ಹೆಚ್ಚು ಸಿರಿಯಾ ಪಡೆ ಯೋಧರನ್ನು ಹೊಡೆದುರುಳಿಸಿದೆ.
ಶೆಲ್, ಗ್ರೆನೆಡ್, ಟ್ಯಾಂಕ್, ಫೈಟರ್ ಜೆಟ್, ರಾಕೆಟ್ ಲಾಂಚರ್ಗಳನ್ನು ಬಳಸಿ ಮಾಡಿದ ಭೀಕರ ವಾಯುದಾಳಿ ಜೊತೆಗೆ ನೆಲದ ಮೇಲಿನಿಂದಲೂ ದಾಳಿ ನಡೆಸಿದ ಅಮೆರಿಕ ಪೂರ್ವ ಸಿರಿಯಾದ ಚಹರೆಯನ್ನೇ ಬದಲಾಯಿಸಿಬಿಟ್ಟಿದೆ.
ಸಿರಿಯಾ ಮಾಧ್ಯಮಗಳೂ ಕೂಡ ಈ ವರದಿಯನ್ನು ಪುಷ್ಠೀಕರಿಸಿದ್ದು, ಅಮೆರಿಕ ಮತ್ತು ಮಿತ್ರ ರಾಷ್ಟ್ರಗಳು ಸಿರಿಯಾದ ಡಿರಲ್ ಜೊರ್ ಪ್ರದೇಶದಲ್ಲಿ ಸರ್ಕಾರದ ಪಡೆಗಳ ಮೇಲೆ ಗುಂಡಿನ ದಾಳಿ ನಡೆಸಿರುವುದಾಗಿ ವರದಿ ಮಾಡಿವೆ.
ಸಿರಿಯಾ ಡೆಮೆಕ್ರೊಟಿಕ್ ಫೋರ್ಸ್ನ ಕೇಂದ್ರ ಕಚೇರಿ ಡಿರಲ್ ಜೊರ್ ಪ್ರದೇಶದಲ್ಲಿಯೇ ಇದ್ದು, ಅದನ್ನೇ ಗುರಿಯಾಗಿಸಿಕೊಂಡು ದಾಳಿ ನಡೆಸಲಾಗಿದೆ ಎನ್ನಲಾಗಿದೆ. ಆದರೆ ಈ ಬಗ್ಗೆ ಸಿರಿಯಾ ಸೇನೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.
Comments
English summary
American forces with alliance attacked on Syrian government forces by air and land with high weapons. More than 100 Syrian soldiers were dead in the attack.
Story first published: Thursday, February 8, 2018, 18:05 [IST]