Click it and Unblock the Notifications
Just In
-
-
-
Don't Miss
-
IPL 2024: ಹೈದರಾಬಾದ್-ಡೆಲ್ಲಿ ನಡುವೆ ಮೆಗಾ ಫೈಟ್; ಟಾಸ್, ಆಡುವ 11ರ ಬಳಗದ ವರದಿ -
ರಾಜಕೀಯ ಆಯಾಮ ಬೇಡ, ಜನಸಾಮಾನ್ಯರ ಕೈಗೆ ಒಪ್ಪಿಸಿ ಎಂದ ರಚಿತಾ ರಾಮ್ ; #JusticeForNeha ಎಂದ ರಿಷಬ್ ಶೆಟ್ಟಿ..! -
ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ! -
6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು? -
2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ -
Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಮೆರಿಕಕ್ಕೆ ಸಡ್ಡು ಹೊಡೆಯುವಂತೆ ಚೀನಾ ಬಳಿಯೂ 'ಬಾಂಬ್ ಗಳ ಮಹಾತಾಯಿ'
ಬೀಜಿಂಗ್ (ಚೀನಾ), ಜನವರಿ 4: ಚೀನಾದಿಂದ ಮತ್ತೊಂದು ಆತಂಕಕಾರಿ ಸುದ್ದಿ ಹೊರಬಿದ್ದಿದೆ. ಅಮೆರಿಕದ ಬಳಿಯಿರುವ 'ಬಾಂಬ್ ಗಳ ಮಹಾತಾಯಿ' ಎನಿಸಿಕೊಂಡ ಶಕ್ತಿಶಾಲಿ ಸ್ಫೋಟಕಕ್ಕೆ ಉತ್ತರ ಎಂಬಂತೆ ಚೀನಾ ಕೂಡ ಅಂಥದ್ದೇ ಪ್ರಬಲ ಬಾಂಬ್ ಅಭಿವೃದ್ಧಿ ಪಡಿಸಿದೆ. ಆದರೆ ಇದು ಅಣ್ವಸ್ತ್ರ ಅಲ್ಲ ಎಂದು ಅಲ್ಲಿನ ಅಧಿಕೃತ ಮಾಧ್ಯಮ ಖಾತ್ರಿ ಪಡಿಸಿದೆ.
ಚೀನಾದ ರಕ್ಷಣಾ ಕಾರ್ಖಾನೆಯ ದೈತ್ಯ ನಾರ್ನಿಕೋ ಇದೇ ಮೊದಲ ಬಾರಿಗೆ ಏರಿಯಲ್ ಬಾಂಬ್ ಅನ್ನು ಪ್ರದರ್ಶಿಸಿದೆ. ಇದು ಚೀನಾದ ಅತಿ ದೊಡ್ಡ ಅಣ್ವಸ್ತ್ರ ಅಲ್ಲದ ಬಾಂಬ್ ಎಂದು ಸರಕಾರಿ ಸುದ್ದಿ ಮಾಧ್ಯಮ ಗ್ಲೋಬಲ್ ಟೈಮ್ಸ್ ವರದಿ ಮಾಡಿದೆ. ಇದರ ವಿಧ್ವಂಸಕ ತಾಕತ್ತನ್ನು ಆಧರಿಸಿ ಹೇಳುವುದಾದರೆ, ಎಲ್ಲ ಬಾಂಬ್ ಗಳ ಮಹಾತಾಯಿ ಎನ್ನಲಾಗುತ್ತಿದೆ. ಅಣ್ವಸ್ತ್ರದ ನಂತರ ಭೀಕರ ಪರಿಣಾಮ ಬೀರಬಲ್ಲ ಬಾಂಬ್ ಇದು.
ಡಿಸೆಂಬರ್ ತಿಂಗಳ ಕೊನೆಯಲ್ಲಿ ನಡೆಸಿದ ಪ್ರಯೋಗಾರ್ಥ ಪರೀಕ್ಷೆಯ ವಿಡಿಯೋ ಮಾಡಲಾಗಿದ್ದು, ಅದನ್ನು NORNICO (ಚೀನಾ ನಾರ್ಥ್ ಇಂಡಸ್ಟ್ರೀಸ್ ಗ್ರೂಪ್ ಕಾರ್ಪೊರೇಷನ್ ಲಿಮಿಟೆಡ್) ತನ್ನ ವೆಬ್ ಸೈಟ್ ನಲ್ಲಿ ಬಿಡುಗಡೆ ಮಾಡಿದೆ. ಇದೇ ಮೊದಲ ಬಾರಿಗೆ ಬಾಂಬ್ ನ ಧ್ವಂಸ ಮಾಡುವ ಶಕ್ತಿಯನ್ನು ಪ್ರದರ್ಶಿಸಲಾಗಿದೆ ಎಂದು ಸರಕಾರಿ ಮಾಧ್ಯಮ ಕ್ಸಿನುವಾ ವರದಿ ಮಾಡಿದೆ.
2017ರಲ್ಲಿ ಅಫ್ಘಾನಿಸ್ತಾನದಲ್ಲಿ ಅಮೆರಿಕ ಬಳಸಿತ್ತು
2017ರಲ್ಲಿ ಅಫ್ಘಾನಿಸ್ತಾನದಲ್ಲಿ ಭಯೋತ್ಪಾದಕರ ವಿರುದ್ಧದ ಹೋರಾಟದ ವೇಳೆ ಅಮೆರಿಕ ಸೈನ್ಯವು GBU-43/B ಮಾಸಿವ್ ಅರ್ಡನನ್ಸ್ ಏರ್ ಬ್ಲಾಸ್ಟ್ (MOAB) ಅಸ್ತ್ರವನ್ನು, ಸಾಮಾನ್ಯವಾಗಿ ಕರೆಯುವಂತೆ 'ಬಾಂಬ್ ಗಳ ಮಹಾತಾಯಿ'ಯನ್ನು ಶಂಕಿತ ಐಎಸ್ ಐಎಸ್ ಉಗ್ರಗಾಮಿಗಳ ಮೇಲೆ ಬಳಸಿತ್ತು.
ಐದರಿಂದ ಆರು ಮೀಟರ್ ಉದ್ದದ ಬಾಂಬ್
ಹಲವು ಟನ್ ತೂಕದ ಈ ಬಾಂಬ್ ಗೆ ಚೀನಾ ಕೂಡ ಅದೇ ಹೆಸರು ಇಡಲಿದೆ. ಚೀನಾ ನಿರ್ಮಿಸಿರುವ ಈ ಬಾಂಬ್ ಅಮೆರಿಕದ ಬಳಿ ಇರುವುದಕ್ಕಿಂದ ಚಿಕ್ಕದು ಹಾಗೂ ಹಗುರವಾದದ್ದು ಆಗಿರುತ್ತದೆ. ವಿಡಿಯೋ ಆಧಾರದ ಮೇಲೆ ಹೇಳಬೇಕು ಅಂದರೆ, ಈ ಬಾಂಬ್ ಐದರಿಂದ ಆರು ಮೀಟರ್ ಉದ್ದವಿದೆ ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.
ದೊಡ್ಡ ಪ್ರಮಾಣದ ಕಾಡು, ಬೆಟ್ಟ-ಗುಡ್ಡ ನಾಶಕ್ಕೂ ಬಳಬಹುದು
ಈ ಬಾಂಬ್ ಸ್ಫೋಟದಿಂದ ಬಹಳ ಸುಲಭವಾಗಿ ನೆಲದ ಮೇಲಿನ ಕಟ್ಟಡ, ರಕ್ಷಣಾ ತಾಣ ಸೇರಿದಂತೆ ಹಲವು ನೆಲೆಗಳು ಧ್ವಂಸವಾಗಿ ಬಿಡುತ್ತವೆ. ಒಂದು ವೇಳೆ ಸೈನ್ಯದ ಅನುಕೂಲಕ್ಕಾಗಿ ಭೂ ಭಾಗದ ಆಗತ್ಯವಿದ್ದು, ಅಲ್ಲಿ ದೊಡ್ಡ ಪ್ರಮಾಣದ ಕಾಡು, ಬೆಟ್ಟ-ಗುಡ್ಡಗಳು ಇದ್ದಲ್ಲಿ ಅವುಗಳನ್ನು ಸಂಪೂರ್ಣವಾಗಿ ಇಲ್ಲದಂತೆ ಈ ಬಾಂಬ್ ನಿಂದ ಮಾಡಬಹುದು.
ರಷ್ಯಾದ ಬಳಿಯೂ ಇಂಥದ್ದೇ ಬಾಂಬ್ ವೊಂದಿದೆ
ಅಮೆರಿಕದ ಬಳಿ ಇರುವ ಬಾಂಬ್ ಅನ್ನು ಸಾಗಿಸುವುದಕ್ಕೆ ದೊಡ್ಡ ವಿಮಾನ ಬೇಕಾಗುತ್ತದೆ. ಆದರೆ ಚೀನಾದ ಬಾಂಬ್ ಅನ್ನು ಬಾಂಬರ್ ನಲ್ಲೇ ಸಾಗಿಸಬಹುದು. ಮಾಮೂಲಿ ವಿಮಾನಕ್ಕಿಂತ ಬಾಂಬರ್ ಗಳ ಗುರಿ ಕರಾರುವಾಕ್ ಆಗಿರುತ್ತವೆ. ಆದ್ದರಿಂದ ಚೀನಾದ ಬಾಂಬ್ ತಯಾರಕರು ಅದಕ್ಕೆ ತಕ್ಕಂತೆಯೇ ರೂಪಿಸಿದ್ದಾರೆ. ಇನ್ನು ಅಮೆರಿಕದ ಬಳಿ ಇರುವ ಬಾಂಬ್ ಗೆ ಸರಿಸಮವಾಗಿ ರಷ್ಯಾ ಕೂಡ 'ಎಲ್ಲ ಬಾಂಬ್ ಗಳ ಪಿತಾಮಹ'ವನ್ನೇ ರೂಪಿಸಿದೆ. ಅದು ವಿಪರೀತ ದೊಡ್ಡದು, ಅದರ ಪರಿಣಾಮ ಮತ್ತೂ ಭೀಕರವಾಗಿರುತ್ತದೆ. ಬಾಂಬ್ ಥರ್ಮೋಬೇರಿಕ್ ಆಗಿದೆ. ಆದರೆ ಈಗ ಚೀನಾವು ವಿಡಿಯೋದಲ್ಲಿ ತೋರಿಸಿರುವುದು ಥರ್ಮೋಬೇರಿಕ್ ಅಲ್ಲ ಎಂದು ನಾರ್ನಿಕೊ ಹೇಳಿದೆ.
