![Oneindia App Download](/images/oneindia-pwa-banner-300x250.jpg)
ವೈರಲ್ ವಿಡಿಯೋ: ಭೂಕಂಪ-ಸುನಾಮಿ ನಂತರ ಹೇಗಾಗಿದೆ ನೋಡಿ ಇಂಡೋನೇಷ್ಯಾ
ಪಲು(ಇಂಡೋನೇಷ್ಯಾ), ಅಕ್ಟೋಬರ್ 03: ಅಲ್ಲಿ ಯಾವುದೂ ಮೊದಲಿದ್ದಂತಿಲ್ಲ, ಎಲ್ಲವೂ ಅಸ್ತವ್ಯಸ್ಥ! ಮನೆ, ರಸ್ತೆ, ಕಟ್ಟಡಗಳು, ವಾಹನಗಳು ಎಲ್ಲವೂ ಕುಸಿದು ಮಕಾಡೆ ಮಲಗಿವೆ... ಬದುಕೂ ಸಹ!
ಇದು ಇಂಡೋನೇಷ್ಯಾದ ಸದ್ಯದ ಚಿತ್ರಣ. ಕಳೆದ ಶುಕ್ರವಾರ(ಸೆ.26)ದಂದು ಇಂಡೋನೇಷ್ಯಾದ ಪಲು ಪ್ರಾಂತ್ಯದಲ್ಲಿ ಕಂಡು ಬಂದ 7.5 ತೀವ್ರತೆಯ ಭೀಕರ ಭೂಕಂಪ ಇಲ್ಲಿನ ಜನರ ಬದುಕನ್ನೇ ತಲೆಕೆಳಗು ಮಾಡಿದೆ.
ಇದುವರೆಗೆ ಸುಮಾರು 1400 ಜನ ಸಾವಿಗೀಡಾಗಿದ್ದು, ಲಕ್ಷಾಂತರ ಜನ ಗಾಯಗೊಂಡಿದ್ದಾರೆ, ನಿರಾಶ್ರಿತರಾಗಿದ್ದಾರೆ. ಭೂಕಂಪ ಮತ್ತು ಸುನಾಮಿಯಿಂದ ಆಗಷ್ಟೇ ಚೇತರಿಸಿಕೊಳ್ಳುತ್ತಿರುವ ಜನರಿಗೆ ಗಾಯದ ಮೇಲೆ ಬರೆ ಎಳೆದಂತೆ ಮತ್ತೆ ಮಂಗಳವಾರ ಸಹ 5.6, 6.0 ತೀವ್ರತೆಯ ಭೂಕಂಪ ಉಂಟಾಗಿದ್ದು, ಜನಸಾಮಾನ್ಯನ ಬದುಕು ಮೂರಾಬಟ್ಟೆಯಾಗಿದೆ.
ಅಷ್ಟಕ್ಕೂ ಸುಂದರ ಪ್ರವಾಸೀ ತಾಣಗಳನ್ನು ಹೊಂದಿರುವ ಇಂಡೋನೇಷ್ಯಾ ಭೂಕಂಪ ಮತ್ತು ಸುನಾಮಿಯ ಹೊಡೆತಕ್ಕೆ ಸಿಕ್ಕು ಹೇಗಾಗಿದೆ ಗೊತ್ತಾ? ಭೂಕಂಪ ಮತ್ತು ಸುನಾಮಿಗೂ ಮೊದಲು ಮತ್ತು ನಂತರ ಇಂಡೋನೇಷ್ಯಾ ಹೇಗಿತ್ತು, ಹೇಗಾಗಿದೆ ಎಂಬ ಉಪಗ್ರಹ ಚಿತ್ರವೊಂದು ಬಿಡುಗಡೆಯಾಗಿದ್ದು, ನಿಸರ್ಗದ ಮುನಿಸಿನ ತೀವ್ರತೆಗೆ ಕನ್ನಡಿ ಹಿಡಿದಿದೆ.
|
ಭೂಕಂಪದ ಮೊದಲು ಮತ್ತು ನಂತರ
ಇಂಡೊನೇಷ್ಯಾದ ಭೀಕರ ಭೂಕಂಪ ಮತ್ತು ಕರಾಳ ಸುನಾಮಿಯ ನಂತರ ಇಲ್ಲಿನ ಚಿತ್ರಣ ಹೇಗಾಗಿದೆ ಎಂಬುದನ್ನು ಉಪಗ್ರಹವೊಂದು ಚಿತ್ರಿಸಿದ್ದು, ಈ ವಿಡಿಯೋವನ್ನು ಎಬಿಸಿ ನ್ಯೂಸ್ ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿದೆ. ಭೂಕಂಪಕ್ಕೂ ಮೊದಲು ಸುಂದರ ಸ್ವರ್ಗದಂತಿದ್ದ ಇಂಡೋನೇಷ್ಯಾ, ಕಂಪಿಸಿದ ಭೂಮಿಗೆ, ಅಲೆಗಳ ಹೊಡೆತಕ್ಕೆ ಸಿಕ್ಕು ಹೇಗಾಗಿದೆ ಎಂಬುದನ್ನು ಈ ಚಿತ್ರದಲ್ಲಿ ನೀವೇ ನೋಡಿ.
Array |
ಎಲ್ಲವನ್ನೂ ಕೊಚ್ಚಿಕೊಂಡ ಹೋದ ರಕ್ಕಸ ಅಲೆ
ಭೀಕರ ಸುನಾಮಿಯ ನಂತರ ಇಂಡೋನೇಷ್ಯಾದ ಕಡಲ ತಡಿಯಲ್ಲಿರುವ ಮನೆಗಳು, ಹೊಟೇಲ್ ಗಳು, ರಸ್ತೆಗಳು ಕೊಚ್ಚಿಕೊಂಡು ಹೋಗುತ್ತಿರುವ ವಿಡಿಯೋವನ್ನು ಪ್ರತ್ಯಕ್ಷದರ್ಶಿಯೊಬ್ಬರು ಟ್ವಿಟ್ಟರ್ ನಲ್ಲಿ ಶೇರ್ ಮಾಡಿದ್ದಾರೆ. ರಕ್ಕಸ ಅಲೆಯ ಪ್ರಚಂಡ ಶಕ್ತಿಗೆ ಈ ವಿಡಿಯೋ ಉದಾಹರಣೆ.
Array |
ರಸ್ತೆಗಳೇ ಮಾಯ!
ವ್ಯಕ್ತಿಯೊಬ್ಬ ಅರೆಬರೆ ಕುಸಿದ ರಸ್ತೆಯಲ್ಲಿ ಚಲಿಸುತ್ತಿರುವ ಚಿತ್ರವೊಂದನ್ನು ಜೆನ್ ಹಾರ್ಡಿ ಎಂಬುವವರು ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದು ಸಹ ಇಂಡೋನೇಷ್ಯಾ ಭೂಕಂಪದ ನಂತರ ಪರಿಣಾಮಕ್ಕೆ ತಾಜಾ ಉದಾಹರಣೆ ಎನ್ನಿಸಿದೆ.
Array |
ಪಲುವಿನ ದುರಂತ ಕತೆ
ಭೂಕಂಪ ಮತ್ತು ಸುನಾಮಿಯ ಮರುದಿನದ ಬೆಳಿಗ್ಗೆ ಪಲು ಕಾಣುತ್ತಿದ್ದುದು ಹೀಗೆ... ಈ ವಿಡಿಯೋವನ್ನು ವರ್ಲ್ಡ್ ವಿಷನ್ ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿದೆ.
|
ಡ್ರೋಣ್ ಕಣ್ಣಲ್ಲಿ ಇಂಡೋನೇಷ್ಯಾ
ನೈಸರ್ಗಿಕ ವಿಕೋಪದ ನಂತರ ಇಂಡೋನೇಷ್ಯಾ ಡ್ರೋನ್ ಕ್ಯಾಮರಾ ಕಣ್ಣಲ್ಲಿ ಹೇಗೆ ಕಾಣುತ್ತಿದೆ ಎಂಬುದನ್ನು ಪ್ರೆಸ್ ಟಿವಿ ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿದೆ.